• 黃馮律師行遭接管|I.T男賣舊樓套400萬換新樓 恐被發展商殺訂120萬兼捱貴租

  • 發布日期:2021-01-06 07:00
  • 黃馮律師行遭接管|I.T男賣舊樓套400萬換新樓 恐被發展商殺訂120萬兼捱貴租

 

黃馮律師行作為行內處理二手樓買賣合約的「一哥」,不少客戶都是因為地產經紀介紹或銀行規定而選用黃馮,今年40多歲的Ken就是其中一個。「我原先打算換樓,舊樓已賣套現咗400幾萬,於12月21日當日存放於黃馮,原定28日成交,29、30日就可以收樓。」做電腦行業,一心希望改善家人生活的Ken,賣出舊樓後以900多萬買入大埔樓花,本先年尾就開心收樓,誰知400多萬突然被凍結,現時正透過新的律師代表與發展商溝通,希望可以延遲交易。

「我而加真係好徬徨,我借咗400萬,然後再以舊屋400萬去買新樓,如果我係隨時有多400幾萬填返被凍結筆錢,我一開始就唔洗借錢可以full pay啦。」Ken一家三口現時以月租9,000多元,租住一個200呎單位,原是在新屋裝修好後就入伙,惟計劃已被完全打亂,現另以每月2,000多元租用倉庫,存放舊居的物品。

身為家中支柱的Ken,指已失眠了整個星期,「如果我撻訂的話,我連埋印花稅就會損失120多萬。發展商現時未回覆我,我而加欠佢成800幾萬,如果要計息,一個月都要畀幾萬蚊。」他對於律師會在三日紅假前才宣布之舉亦甚為不滿,「四點先公布,但都唔代表我四點先知,跟住就放連假,我要搵新律師都要時間嫁。前文員被炒,跟住律師會調查,查完先介入呢件事,起碼需時一個月,我係介入前幾日先存錢,點解要凍結我啲錢?」他坦言就算想投訴律師會,亦不知可以向誰投訴。

撰文:黃綺敏

拍攝:梁正平

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所