• 二手市場一哥黃馮律師行出事|逾1億遭凍結 過百買樓客上車夢碎隨時破產

  • 發布日期:2021-01-06 07:00

 

香港樓價向來硬淨,買樓對很多人而言可能只是遙不可及的夢想。但原來就算辛苦儲夠錢上車,開開心心等收樓,亦隨時美夢成空。

上月24日正值聖誕前夕,本應是歡恩日子,卻成了一眾黃馮律師行客戶的惡夢開始。香港律師會突然於當天依《法律執業者條例》接管黃馮律師行,兼凍結行內過億款項。會方指有理由相信黃馮一名前文員不誠實挪用客戶款項、透支客戶款項及容許不合資格人士成為客戶賬戶的簽署人,故介入律師行業務,事件已報警處理。

黃馮律師行是行內處理二手樓買賣合約的「一哥」,生意十分好。是次受牽連的過百名黃馮客人須待法庭有手令,才可以拿回存入的買樓大訂、銀行按揭等,牽涉金額由數十萬到近千萬不等。然而,這班無辜當災的苦主,隨時要等一至兩年調查完畢後,才能取回自己的血汗錢。但此時此刻,他們要面對將被殺訂 、被銀行追數至失去畢生積蓄的風險,嚴重者甚至可能會破產

80後換樓客被凍75萬:此是制度漏洞

80後換樓客被凍75萬:此是制度漏洞

「我唔係買倫敦金畀人呃幾十萬,我都唔係投資投機,我只係買樓自住,我唔係炒樓。」80後從事社福界的鄭先生是換樓客,其新屋原先於上月28日成交,卻在24日收到黃馮律師行突被接管、75萬尾數被凍結的消息。

心急如焚的鄭先生,坦言跟太太的正承受很大的精神壓力,「因為我第一筆大訂已經係畀咗75萬,再加印花稅,總涉資80幾90萬,如果被殺訂,我呢筆積蓄會咁就無咗。」業主雖暫時願意延遲成交,但不代表問題已解決。「變相我們要籌多75萬出嚟促成成交,呢75萬我哋係要四出問親朋籌,但明明唔係我哋做錯。」

他炮轟今次事件,如同被制度玩弄,「喺香港買樓都要透過律師樓去成交,因為我們當律師樓係可信託嘅中介人,我哋要將錢暫放於律師樓,再轉畀買賣雙方,呢個係法律規定,唔係我定嫁。」根據中原地產研究,黃馮律師行去年承辦的二手私人住宅合約金額超過150億,市佔最高;同時黃馮亦是很多銀行認可合作的律師行,規模甚大。

「律師會話係為公眾利益,但問題係點解凍結前無緩衝時間去通知律師樓,或係通知律師樓唔好再接新客人?據知前文員件事唔係發生於2020年,咁點解我哋呢班2020年尾唔關事嘅客要受影響?」鄭先生斥律師會是次行動十分不負責任,認為對方並無準備善後方案。「不單係苦主受影響,有銀行批出按揭受影響,有發展商賣樓花有影響,而加牽涉嘅產業鏈係好大嫁。」
律師:調查起碼兩年

律師:調查起碼兩年

事實上,有銀行業人士向本刊透露,有不少客人的按揭已經獲批並且被凍結於黃馮,本應要開始供款;但基於今次事態嚴重,部分銀行已成立小組處理,均傾向先幫客人想法子周轉,而非立即追數。而作為大行的滙豐回覆本刊表示明白受影響客戶的擔憂,指當獲悉香港律師會於聖誕節前夕介入事件,已立即聯絡客戶,並將繼續與客人洽談以協助完成物業交易及處理相關財務安排。

翻查資料,律師會於2009至2019年間曾22次介入律師行業務,每次調查均以年計,律師鍾卓成相信今次亦不例外。「今次咁大規模係第一次,通常被接管嘅律師樓生意都一般,無咩生意自然受影響嘅人少,但今次係好唔同,黃馮生意好好。我聽聞甚至律師會內嘅人都無諗過咁大件事。」鍾卓成指黃馮牽涉金額龐大,調查可能不只兩年,短期內實在無法解凍資金。「因為有無人唔見錢其實未知,變相如果見到有錢就解凍,到最後發現有人係有錢未拎,但點解人有我無就好大件事。」

雖然律師會強制每一間律師行必須買保險,每個個案賠償上限為2,000萬元,但鍾卓成指出:「保險要視乎有無刑事或不誠實等行為,如果有律師牽涉呢類事,保險係唔賠。另外都試過賠到保險公司執埋。」
涉過百苦主凍資超過1億
涉過百苦主凍資超過1億
即使有保險賠償,亦只會是數年後的事,無助解救黃馮苦主現時的燃眉之急。而且要待調查有結果,他們才能知道自己的資金到底有否被不誠實挪用,整個過程可謂十分煎熬。根據商業登記署資料,律師行擁有人為阮國強及伍永雄,記者曾嘗試致電中環總行查詢,惟電話已現打不通。

這群求助無門的苦主,只能自發組織統計受影響人數。「我哋有個苦主大群組,當中已投票指受影響嘅已經有二百幾三百人。」訪問當天,亦有近二十個苦主到場,部分更是中老年人士,而屬80後的鄭先生,就擔當代表之一統籌事項,「點解律師會行動前唔係已經同運房局商量好?牽涉資金過億,你認為有邊個機構邊個地產商借到億去畀受影響嘅人成交?係無,我好坦白講只有政府可以,只有庫房有呢筆錢,去幫呢班有交稅嘅人。」

「佢(律師會)隨時害死好多家庭,好多家庭可能要換樓,隨時要瞓街。我哋無人做錯,點解要被制度玩弄?要被律師會玩弄?佢哋可以點樣賠償?」氣難平同時面對籌錢等種種壓力的鄭生,將計畫聯同一眾苦主,希望透過行動引起社會關注這個制度漏洞,因今日是黃馮,他日可以是其他律師樓。

撰文:黃綺敏

拍攝:梁正平
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所