• 壹週和你股|東風汽車,急起直追|譚朗蔚

  • 發布日期:2021-01-04 14:25
  • 壹週和你股|東風汽車,急起直追|譚朗蔚

 


我在上月23日收爐至今,放咗十日假,今日終於都返工喇。今早忙到不可開交,掛住清粉絲積壓了兩個星期的問題,果種排山倒海的感覺,就有如便秘了十日然後終於都通返咁。完成時一刻的快感,簡直是令人嘖嘖稱奇,於是又輪到寫這個欄了。

恆指在上月收穩在27000點的樓上,如果大家無忘記我分享過的月線圖,應該知道50月線已經成功突破了。換言之,後市好可能會展開新一重的升浪,亦即是牛市,目標在30000點,而條件是:往下不回頭到26000點穿了便是,當中的震盪唔計。

長假期前推介的海豐(1308)今日表現唔錯,確認突破了17蚊的前頂之後,往上還有無限的空間,大家千祈千祈唔好早洩,如果唔係我實笑你。此前同大家挨價的滔搏(6110)我話佢是金子始終發光,結果,佢今日亦都順利突破11.76,天空是頂。

今日的推介是東風集團(489),因為車股實在太過好炒,但又知道唔係個個人都敢追長汽(2333)同比亞迪(1211),於是就揀在上年完成全年銷售目標,但是市盈率得5大墮後,難得股價又肯衝,突破了階段頂。現價買入,目標10蚊,止蝕7.60。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多

----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多

----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多