• 林作裕美趁林母不在港先斬後奏 除夕前簽紙結婚

  • 發布日期:2020-12-31 18:01
  • 林作裕美趁林母不在港先斬後奏 除夕前簽紙結婚

 

2020年快將過去,向來搞作多多的林作,趕及以喜事標尾會再度成為新聞人物。是咁的,林作同裕美拍拖兩年,女友一直不得林母心,之前林母更講明唔會畀裕美過門。不過呢度門,早已失守,今日傳出31歲林作,趁阿媽唔喺香港,先斬後奏,同32歲裕美結婚,一對新人日前在男家半山麥當勞道豪宅簽紙行禮,在場見證仲有裕美阿媽,及他們的好友,身在遠方的林母,想衝入現場大叫:「我反對!」都唔得啦!

有指二人選擇美國猶他州的網上登記註冊,並透過視像在海外律師見證下簽紙結成夫婦。

今日林作在IG放了一張穿上行禮的西裝,寫著:「I am ready for tonight」,未幾就爆出結婚消息。至於收到讀者報料的結婚照,新娘裕美的婚紗是開胸簡約款式,襯一對鑽石耳環,不過除了林作的左手見婚戒,裕美的右手卻不見。

事後這對新人卻對外否認結婚,林作稱是幾晚前Dress Up 開House Party,仲話「外母」裕美阿媽,經常上他家一齊玩喎!至於美國登記結婚,林作承認有登記,不過只出於表達愛意的行為,沒有落實行禮,咁都得!而「新娘」裕美亦跟他同一口徑。

到底係咪瞞住林母真結婚,怕她嬲爆才死口唔認,還是真係玩大咗,就只有呢對「新人」先最清楚。

對於個仔娶裕美做老婆,林母有咩反應?佢話如果係真,會唔認個仔喎!

有指林作同裕美在家簽紙行禮,影晒婚照,不過呢對新人否認結婚。
有指林作同裕美在家簽紙行禮,影晒婚照,不過呢對新人否認結婚。
今日林作在IG放了一張穿上行禮西裝的照片,寫著:「I am ready for tonight」。
今日林作在IG放了一張穿上行禮西裝的照片,寫著:「I am ready for tonight」。
林母講明唔畀裕美入門,得悉個仔同裕美著晒婚紗禮服,佢話:「若果係真,我當冇咗個仔!」
林母講明唔畀裕美入門,得悉個仔同裕美著晒婚紗禮服,佢話:「若果係真,我當冇咗個仔!」
嗰幕「結婚」,林作話只係dress up開party,但裕美阿媽都配合影相,似在場見證,如果係一場遊戲,唔係玩到咁大嘛!
嗰幕「結婚」,林作話只係dress up開party,但裕美阿媽都配合影相,似在場見證,如果係一場遊戲,唔係玩到咁大嘛!

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所