• 刁場男女學|刁佬

  • 發布日期:2020-12-30 15:40
  • 刁場男女學|刁佬

 

刁佬個年代手機只係打電話用,無面書亦無IG,反而剩男剩女好似無乜,可能有只係冇人知。在刁場之中其實有唔少外貌俊美,身材姣好,事業亦好出色嘅單身女士,見到靚女刁佬當然會傾多兩句,發現單身美女的情況同好多成功女士一樣,因為本身條件太好,反而男士未必敢埋身。

常識話比刁佬知,條件好嘅男士身邊已經好多女朋友,條件唔好嘅男士行埋去美女身邊,更加算吧啦。美女的情況正如多年前一個黑啤廣告「冇得揀,唔要都係一個選擇」。現今社會越來越多成功女性,自然單身的專業美女出現更多。而且男性就話有生理驅動,會比較主動。一般女性,仲要靚女,梗係等人追,點會主動追人。

好在現今科技進步,多了很多交友程式,幫助呢一個寂寞的心俱樂部。還好這年頭已經很少騙感情,多數只會騙財,無論如何,各位寂寞的心結交新朋友都要小心。

談到刁場男女學,一定要同大家分享華爾街分析員的故事,話說有一位自稱24歲,樣靚身材正的金髮美女於一位大行分析員電郵留言,問如何可結交住在紐約中央公園西部的公子哥兒。紐約中央公園西部相當於香港山頂的地段。大行分析員冇嘢做,陪佢顛用電郵回答說,作為一個分析員需建基於數據及客觀事實作分析,如果正如閣下所言是樣靚身材正,咁真係正值當打的黃金時段,可惜你同我都知,這些不是永恆。以樣靚身材正吸引男士,遞減得好快,睇得多自然會覺得一般。分析員建議男士最好對此等會貶值的資產作出:租賃。相信好多男士聽到呢兩個字都會心微笑。

雖然分析員有點毒舌,但仍建議美女如下:紐約中央公園西部的公子哥兒大多有潛力成為才俊,是為增值資產,而女士隨年齡漸長,外表及身材均會貶值,唯有韻味、氣質與智慧會隨着時間變化,最好的方法就是令自己成為增值資產。

好多女士都會覺得同男朋友一齊就如被收購合併,資產債務共享。但其實在男人眼中,呢一間子公司,應該盡量財政獨立,只有搞唔掂先搵母公司出來頂,平時唔該自己負責返。做刁有爭議可以搵刁佬擺平,但男女關係都係要靠兩位自己傾掂。

刁佬成日覺得男人搵錢,一係畀阿媽,一係畀老婆,一係畀仔囡,或者畀其他好多個女人。既然都係洗,不如洗喺對你好、生你育你、同你一世及共享天倫之樂的人身上,會唔會更好?

始終喺刁佬眼中,交易中所有數字都可以計算清楚,唯獨是感情是不能計算的,可以計算則談不上是感情,這道理最近在星爺身上得到印證。

專欄作家簡介:

刁佬

遊走在中環黑白之間,自覺是個穿著西裝的古惑仔,在波詭雲譎的金融市場中,鑽研刀不血刃的秘訣。

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所