• 梁詠琪童裝店疫情生意受挫 月捱廿萬貴租撐住唔裁員 孖老公落舖開live吸客

  • 發布日期:2020-12-31 07:00

 

梁詠琪11年下嫁西班牙籍老公Sergio後,近年兩公婆殺入時裝界,開高級童裝店Nanos。在「疫市」下,Gigi 生意受影響,每個月更孭住近廿萬舖租,都咪話唔大壓力!

趁住聖誕節除夕檔期,日前身為老闆娘的Gigi親自出動做生招牌,拉大隊到位於銅鑼灣的利園分店開Live,sell 舖頭產品,刺激消費。出心又出力,唔知可以吸到幾多客仔呢?

「疫市」之下,Gigi的童裝店Nanos生意大受影響,每個月更孭住近廿萬舖租。
「疫市」之下,Gigi的童裝店Nanos生意大受影響,每個月更孭住近廿萬舖租。
兩母女經常齊齊做生招牌。
兩母女經常齊齊做生招牌。
孭住兩間分店

孭住兩間分店

18 年,Gigi 西班牙籍老公Sergio ,為了抽多點時間陪老婆同阿女Sofia,決定放棄雀巢公司的高薪厚職,轉行做生意 。話說Sergio每一次返西班牙,都會去Nanos幫阿女入貨,於是啟發了他在香港代理Nanos童裝。舖頭開了兩年,除有一班星級老友加持,兩母女不時齊齊做生招牌,令生意一直唔錯。一年之後,更在尖沙咀開第二間分店。孭住兩間分店,單是舖租都近廿萬,「疫市」下,據知童裝店生意額受挫,雖然吃力,但Gigi 就話慶幸以往有儲錢習慣,更表示會同員工共渡時艱。
身為老闆娘的Gigi 親自出動,孖老公到舖頭坐陣,為生意落手落腳。
身為老闆娘的Gigi 親自出動,孖老公到舖頭坐陣,為生意落手落腳。
Sergio 當日負責做助手,幫老婆遞上搓手液,真細心!
Sergio 當日負責做助手,幫老婆遞上搓手液,真細心!
Gigi 開Live 硬sell 舖頭產品,包括媽媽用的奶粉袋。
Gigi 開Live 硬sell 舖頭產品,包括媽媽用的奶粉袋。
離開時,有大班粉絲前來捧場,Gigi 逐個簽名影相,十分識做。
離開時,有大班粉絲前來捧場,Gigi 逐個簽名影相,十分識做。
開live 硬sell

開live 硬sell

用血汗錢創業,為了守住這盤心血,兩公婆積極諗計,日前親自返舖坐鎮,以其號召力刺激一下生意額。當日Gigi 悉心打扮,到舖頭準備開live,現場所見,Gigi相當嚴謹,連set 機、擺位都好有意見,務求以最靚一面示人。期間Gigi更落力sell產品,包括媽媽用的奶粉袋、童裝衫、頸巾等等,順便同粉絲互動,送他們聖誕及新年禮物。至於,「愛妻號」Sergio 當日負責做助手,幫老婆遞搓手液、紙巾,真夠細心!

面對嚴峻疫情,Gigi小心至上,除上鏡,其餘時間都罩不離口。平時常幫舖頭做小Model的囡囡Sofia,當日則冇現身。開完live,兩公婆留在舖頭打點一下。正準備離開時,遇上大班睇到live趕來捧場的粉絲。咁有心,Gigi當然識做,跟他們逐一簽名影相冇托手踭。咁有號召力,開live都算有成果啦!
月前,Gigi 開了一場慈善演唱會,為建造業工友們籌款。
月前,Gigi 開了一場慈善演唱會,為建造業工友們籌款。
設計系出身的Gigi,最新迷上整陶瓷,整得有板有眼。
設計系出身的Gigi,最新迷上整陶瓷,整得有板有眼。
教囡囡正確理財觀念
教囡囡正確理財觀念
Gigi在過去一年,除了推出新專輯,開了一場慈善演唱會之外,跟好多藝人一樣,工作因疫情進入寒冬。不過,換過角度睇,就多了私人時間。設計系出身的她,趁空檔重拾興趣,報讀甜品班,又畫水墨畫、整陶瓷,仲樣樣都學得有板有眼,Gigi說這段日子,就算「食老本」都唔緊要,因多點時間陪伴女兒,順便教她正確理財觀念,及儲蓄的重要性。踏入2021,希望這位與員工共度時艱的好老闆,捱過疫情重創,順順利利!
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所