• 《全民造星3》幕後功臣︱ 旁白君前身電台主持 女writer撈埋幕前 導演邊拍邊喊 監製阿包臨別之作

  • 發布日期:2020-12-28 20:22
  • 《全民造星3》幕後功臣︱ 旁白君前身電台主持 女writer撈埋幕前 導演邊拍邊喊 監製阿包臨別之作

 

念念不忘,必有迴響!

《全民造星3》總決賽在Boxing day完滿結束,《全》粉一時間會否有點失落空虛,久違了一至五晚,準時十點半坐定定等睇節目的感覺,無論是參賽者的改造,抑或花姐、二汶與彭秀慧的啜核反應,全能強尼穿梭之中主持大局,評判高低之分的鑑賞等等等,都成為你我茶餘飯後的熱話。



一個節目之成功,帶動觀眾情緒,幕後功臣勞苦不可沒,正如有份參予做評判兼導師的梁祖堯講:「佢哋係每位有名有姓嘅無名英雄。」

《造星3》曲終人散,幕後班底才曝光,全能強尼今日在IG,提到這班幕後靈魂,附上真身相片數張,向他們逐一致敬。「又一季,半年時間,過百人參與,當然有好多感受想表達,假若如題,只可以揀一樣嚟講,一定係多謝身邊呢班兄弟姐妹,因為有佢哋,所有流程同稿都唔使煩,適當時候自然會餵到我嘴邊,至於無稿嘅部分都係我哋嘅感受同心聲,可以真實而準確地表達得到,係由於writer團隊全天侯跟貼參賽者日常排練生活,我所得嘅資訊非常充足,對每一個參賽者背景嘅了解之多,遠超我同佢哋相處嘅時間應該知嘅,全靠團隊付出極多嘅日常,我先有咁強大嘅支援。」

《造星3》總決賽,沒有花姐二汶與彭秀慧的啜核反應,評判的沉悶評語,全晚靠主持強尼一夫當關識執生,唱得talk得演得,被封全尼(全能強尼),當之無愧。
《造星3》總決賽,沒有花姐二汶與彭秀慧的啜核反應,評判的沉悶評語,全晚靠主持強尼一夫當關識執生,唱得talk得演得,被封全尼(全能強尼),當之無愧。
睇到大家笑住肉緊的《造星3》,這班幕後功不可沒。
睇到大家笑住肉緊的《造星3》,這班幕後功不可沒。
samm(旁白君)/ tse (編審K爺) / Natalie (A team writer叻姐)/ panda (A team writer熊貓) / iam (B team writer VVN) / susan (B team writer Susan) / selena (熱血新人selena
samm(旁白君)/ tse (編審K爺) / Natalie (A team writer叻姐)/ panda (A team writer熊貓) / iam (B team writer VVN) / susan (B team writer Susan) / selena (熱血新人selena
《全民造星3》是監製之一阿包(左二)在Viu的最後作品,總決賽後他在IG留言道別,花姐、Anson Lo、Viu一姐陳俞希留言不捨。右一是《造星3》導演,跟大熱倒灶參賽者一樣,都係叫Cloud。
《全民造星3》是監製之一阿包(左二)在Viu的最後作品,總決賽後他在IG留言道別,花姐、Anson Lo、Viu一姐陳俞希留言不捨。右一是《造星3》導演,跟大熱倒灶參賽者一樣,都係叫Cloud。

首先出場的是編審K爺,在《造星》偶然也被攝入鏡,「最美」一幕,是在後台俾手足拍下睇到打呵欠,事後K爺IG利申:「純粹節目效果,觀眾切勿模仿。」,這個節目的幕後共通之處:幽默感!

強尼稱他是《造星》靈魂人物,二人三年合作無間,默契程度如強尼形容:「我哋唔使講嘢!」
 編審K爺不時在《造星3》過鏡,在強尼眼中他是靈魂人物。
編審K爺不時在《造星3》過鏡,在強尼眼中他是靈魂人物。
 K爺份人都好識搞笑。
K爺份人都好識搞笑。

好多人話,總決賽少了三個女人,同負責VO(旁白)的Sam,失色不少。而這位旁白君Sam (文卓森),聲音演繹加埋自己撰寫的抵死VO,俘虜《全》粉不遜於一班參賽者,故不少網民都說他才是《造星》得獎者之一,強尼說:「當代最佳VO,佢status單身,嗜好係獨獨食。」其實Sam在Viu的真正崗位,是花姐team的writer,加入Viu前,是DBC電台主持,靠把靚聲同轉數快搵食。
 旁白男加入Viu當writer前,是在DBC做電台主持,靠把靚聲搵食。
旁白男加入Viu當writer前,是在DBC做電台主持,靠把靚聲搵食。
 《造星3》造就一批參賽者,紅了的還有撰稿VO一腳踢的旁白君阿森,有接近幕前的外型。
《造星3》造就一批參賽者,紅了的還有撰稿VO一腳踢的旁白君阿森,有接近幕前的外型。
與A、B team相處最多的不是導師,而是兩team的writer。唔好以為跟貼每隊25人打到入10大,每隊writer至少幾個!無3不成幾,各team只分配「人強」同「馬壯」兩位咁大把。強尼說,每隊兩位為做到資料充足,跟貼參賽者日常,再返公司寫稿,經常踩到清晨五、六點先收工(但上班時間仍是日間),這種日以繼夜工作維持近半年,咁打得,四位仲要係清一色女將。

A team writer叻姐同熊貓,「兩人強項係眼淚放題。」強尼道。
B team writer VVN及Susan姐,在強尼眼中:「兩個都係處事冷靜兼且脾氣好。」追開99台節目的人,應該對VVN的面孔不感陌生!她入得writer房,亦出得廳堂,曾在真人騷節目《脫獨工程》以幕前出鏡,肯犧牲「色相」,全因《脫獨工程》屬花姐之作,即是上司order。花姐幕前幕後兩兼,睇嚟佢敲定接班人,非VVN莫屬。四位妹妹仔咁賣力,Viu認真諗諗加人工,人才難求,勤力爛做無投訴的員工更難求阿老細!

另外提到一位熱血新人Selena,強尼對她潛質簡直睇高一線:「佢嘅真正身份係Final Big Boss,我哋未來老細。」
睇到大家笑住肉緊的《造星3》,這班幕後功不可沒。
睇到大家笑住肉緊的《造星3》,這班幕後功不可沒。
 B team writer VVN入得writer房,亦出得廳堂,曾在真人騷節目《脫獨工程》以幕前出鏡,犧牲「色相」,幕前後兩兼,睇嚟有接上司花姐棒的潛質。
B team writer VVN入得writer房,亦出得廳堂,曾在真人騷節目《脫獨工程》以幕前出鏡,犧牲「色相」,幕前後兩兼,睇嚟有接上司花姐棒的潛質。
節目大腦,除了花姐與寶姐領導有方,另一監製阿包(鮑俊傑),雖然身處高位,但強尼說他:「有耐性心地好,對手足一流,我真心覺得呢個世界將來係你架嘞bro」,不過《全民造星3》是他離開Viu前的最後作品,功成身退。除《造星》,曾成熱話捧紅兩位Shirley的《美女郊遊遊》,也出於阿包之作。
 完成總決賽當晚,監製阿包在IG道別,離開Viu。
完成總決賽當晚,監製阿包在IG道別,離開Viu。
 除了熱爆的《造星3》,捧紅兩位同叫Shirley的《美女郊遊遊》,也出於阿包之作。
除了熱爆的《造星3》,捧紅兩位同叫Shirley的《美女郊遊遊》,也出於阿包之作。
還有導演周姑娘,當觀眾在電視機前睇到眼濕濕時候,其實這位導演躲在panel,與參賽者及評判同哭。強尼:「同佢做嘢最舒服,指示清晰明確,幕前最愛,佢有個習慣係邊on廠邊睇表演同淘汰時,邊響panel喪喊。」這位導演確實相當感性,曾經二汶揀了《給十年後的我》作為A team表演歌曲,事後周姑娘在IG感觸留言:「仍然係最感動版本,如果我無記錯,當年應該係做Pa做到想死但又要撐落去想繼續行落去的階段。」

再一次證明,team work齊心就事成。

最後強尼說:「兄弟姊妹,唞足精神,幾個月後又嚟過啦。」意味話咁快又要籌備《造星4》?
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所