• 《全民造星3》香港「折骨舞王」Ben 由冇自信到成為冠軍:改變我遇困難唔再逃避

  • 發布日期:2020-12-28 15:00

 

自小不出眾

自小不出眾

ViuTV選秀節目《全民造星III》冠軍,終由原本花姐眼中唔睇好,但一路憑驚人的折骨舞功震懾評判,網民勁like的阿Ben(趙祥誠)勝出。在母親獨力照顧五姊弟妹中,排行第二的他,自覺讀書不成,並不出眾 ,亦因此缺乏自信,故當晚宣佈他贏了冠軍一刻,Ben一臉疑惑,似不相信自己會成為No.1!

他的舞技,曾經在別人眼中,認為是無前途的專長,他在節目中說:「人哋話跳呢啲舞,唔可以行到好遠。」現在他證明,折骨舞可以吐氣揚眉。

「我覺得跳舞唔一定只係企喺歌手後面,我好想做到香港第一個,以跳舞為主嘅藝人。」23歲,你做到了!

一直冇自信的Ben,宣佈成為冠軍一刻,他一臉猶豫,似不相信自己是勝利者。
一直冇自信的Ben,宣佈成為冠軍一刻,他一臉猶豫,似不相信自己是勝利者。
 Ben的柔軟功力,在後台觀看的ERROR成員肥仔都話:「喺香港識得跳折骨舞嘅人寥寥可數,Ben更加係最厲害嗰位!」
Ben的柔軟功力,在後台觀看的ERROR成員肥仔都話:「喺香港識得跳折骨舞嘅人寥寥可數,Ben更加係最厲害嗰位!」
要將折骨舞在本地發揚光大

要將折骨舞在本地發揚光大

睇返Ben當日面試的片段,怕羞兼對答閃縮,給人感覺一個內斂又沒自信男孩,那時誰想到,他是打低49位對手最後稱冠的人。

每次阿Ben出場,都令觀眾包括評判嘩聲四起,深怕跳折骨舞的人,真會骨折一樣的緊張。Ben的柔軟功力,在後台觀看的ERROR成員肥仔都話:「喺香港識得跳折骨舞嘅人寥寥可數,Ben更加係最厲害嗰位!」

確實他一上台 ,就變成另一個人,音樂奏起,Ben的眼神變得堅定,身體每個關節跳到如拆開一樣,觀眾越尖叫,他越起勁。

十七歲開始,他就睇YouTube鑽研跳舞,跳了五年,不甘平凡,決定學一門絕招,要成為舞者焦點。

「啱啱開始學跳舞時係自學形式,然後學popping機械舞,我好鍾意表演,覺得表演需要有視覺效果,觀眾先有反應,所以好想練一啲絕招。然後不斷喺網上搵不同跳舞招式,直至有一日,見到一位黑人喺美國《全美一叮》節目上嘅表演,正正係我好想做嘅嘢,係可以令全場觀眾尖叫,對方表演嘅技能,就係我而家做緊嘅嗰件事!」他說。

Ben的折骨舞,跳到開班授徒,希望將這種舞藝傳授開去,在本土發揚光大。

「有一個小班教學經驗,同埋之前曾經有人搵我去社區中心講解呢種舞,因為想大家知道跳街舞,唔係淨係用頭喺地下轉,或者淨係機械舞,街舞其實仲有好多範疇,都係好好睇,而且跳舞唔一定只係企喺歌手後面,呢個時代,我覺得任何事情都可以發生,喺外國已經有好多好成功嘅例子,以跳舞成名,同歌手、明星一樣睇齊,會有自己特色同形象,所以我好想做到香港第一個,以跳舞為主嘅藝人。」
 自覺求學時並不出眾的他,缺乏自信,唯進入舞蹈世界,才找到想發光的自己。
自覺求學時並不出眾的他,缺乏自信,唯進入舞蹈世界,才找到想發光的自己。
初學練習時㩒定999

初學練習時㩒定999

跳到將身體每個關節如拆開一樣,Ben 話人人都可以做到,但當然要經過勤力苦練,尤其拉筋練習。初學時,他試過手機按定三條9,預咗隨時練到骨折求救。

「有啲人嘅筋骨天生好鬆軟,我可能比一般人係鬆少少,但都一定要靠後天不斷苦練先可以做到。我第一次練習嘅時候,唔識得點樣正確拉筋,然後想嘗試將兩隻手扣住,再拉向後面,好似跳繩咁樣。第一次做嘅時候已經成功拉向後面,但痛咗半個鐘。」幸而練習以來未試過甩骹,唔使call 999送院。
 初學時,他說雖一學成功,但筋骨痛了半個鐘,且搞笑是初期練習時,總㩒定999,怕萬一骨折受傷,隨時求救送院。
初學時,他說雖一學成功,但筋骨痛了半個鐘,且搞笑是初期練習時,總㩒定999,怕萬一骨折受傷,隨時求救送院。
跳到吳建豪睇中
跳到吳建豪睇中
《造星》前,Ben已經常出國參加各類舞蹈交流,早幾年他在內地綜藝節目《這!就是街舞第二季》,就以招牌折骨舞加入吳建豪隊!

「其實係我唯一一位跟隨咗好耐嘅老師,帶我去內地表演,因為佢覺得跳呢種舞嘅人,喺香港甚至大陸都好少,所以就帶我參加內地呢個節目,佢唔想我練咗呢種舞咁耐,好似收埋無俾人睇到。」

有了內地出賽經驗,當畫家,又開過個人畫展嘅家姐趙綺婷,提議Ben參加《全民造星》,希望細佬的藝術天份,獲得本地賞識認同。

「由第一、二季嘅時候,家姐、屋企人甚至朋友都已經好想我參加,但當時我仲係一個好無自信、無勇氣嘅人。直至家姐再一次提議我今年參加,我覺得反正今年疫情無工作,不如就趁呢個機會試下,其實唔只係嘗試,而係想改變一下自己。」

他最想改變,是社交關係,及遇困難就會選擇逃避的劣性。

「本身比較慢熱,又鍾意收埋自己,《造星》去到中段時間,我先至識到一班朋友。最初參加比賽時,覺得其他人都好似明星,都已經準備好,無論性格上或者其他方面,佢哋都好適合做呢一行。但我唔係,覺得自己要180度極速轉變去適應,而且好多嘢要面對,換轉以前我係會逃避,但當時要焗住面對好多嘢,包括自己性格上嘅缺點,例如對住好多人就會出現緊張,都要一下子全部攞走晒,所以真係好刺激。」正式成為跳舞藝人,面對的人和事,「做星」之旅,比起「造星」階段,有心理準備會更刺激!
 曾經北上參加內地比賽節目,憑中港少見的折骨舞藝,被吳建豪睇中,歸入他率領的隊伍。
曾經北上參加內地比賽節目,憑中港少見的折骨舞藝,被吳建豪睇中,歸入他率領的隊伍。
家境富裕的Ben,有位被稱為城市畫家,開個畫展的家姐趙綺婷,亦是她的鼓勵,令Ben踏入改變的旅程。
家境富裕的Ben,有位被稱為城市畫家,開個畫展的家姐趙綺婷,亦是她的鼓勵,令Ben踏入改變的旅程。
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所