• 壹週和你股|致一群6uo的老散|譚朗蔚

  • 發布日期:2020-12-23 15:07
  • 壹週和你股|致一群6uo的老散|譚朗蔚

 

年近歲晚,我都準備收爐了,返埋今日就開始放長假,到出年年初先至返。一邊的想法是:恒指連續一個月橫行在現水平了,斷估佢都唔會在剩餘的幾日玩咩花臣;而另一邊的想法是:過往咁多年,我一放長假(尤其是出外就更甚)個市都總是仆晒街的,次次我放完假返黎都要執屎,又睇下今次係唔係。

既然我都唔睇市了,自然不想再推新的個股。今日,就同大家跟進返過去兩期同大家推介的比亞迪電子(285)同海豐國際(1308)。上日大市回跌,兩隻個股都跌半成,好多蛇蟲鼠蟻又走出來咬我了,話我推親都跌。我覺得佢地好6uo,見升講升,見跌講跌,就是唔知道點樣利用圖表來分析股份的走勢。

以下,我同一班腦筋正常的粉絲交代一下:比電和海豐的破位分別在39.35元和15.68元。只要回落而是大致企穩支持位、頸線的話,不會有問題的。我常說:股份不是升就是跌架啦,最重要係有無穿位、係咪突破依然。希望在新的一年,散戶們都可以醒目少少,有sense少少,我吐少d血,咁就最好喇!

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所