• 媽咪曾懷疑係基│21歲姜濤冇女友未拍過拖 唔介意拍同志電影:希望有更多可能性

  • 發布日期:2020-12-27 07:00

 

《全民造星3》由播出到塵埃落定,都引人注目,充滿話題,冠軍阿Ben能否踏上成名之路仍未知之數,不過《造星》元祖,今年只得21歲的姜濤,兩年前就因這個比賽走紅至今,除有一大班姜糖支持,近兩年他的廣告也接個不停。

錢,是賺到了;但初出道時,自揭是處男的他,到現在還未正式拍拖,姜母更一度懷疑他是基男。

21歲的姜濤,兩年前因為參加《全民造星》後走紅,成為人氣至。
21歲的姜濤,兩年前因為參加《全民造星》後走紅,成為人氣至。
常睇小豬表演惹誤會

常睇小豬表演惹誤會

姜濤從沒懷疑自己喜歡男生,相反媽咪就曾經誤會。

「媽媽曾經懷疑我,因為細個嘅時候成日睇小豬嘅表演,即係成日都會睇男仔嘅表演,自己鍾意欣賞男生比較多,所以媽咪曾經懷疑,不過自己就冇咁諗過。」姜濤說。

雖然曾惹誤會,但他不介意拍這類型題材的電影。「喺呢行工作時間愈嚟愈長,會覺得任何事都應該一試,唔會特別去抗拒任何嘗試,甚至剃光頭都應該嘗試。」

相比很多年輕人,姜濤絕對是富戶,有聞他初出道時出騷價已有六位數,收入豐厚的同時,他對家人亦十分闊綽,尤其是經常請家人吃飯。

「屋企人都冇乜嘢物質需求,自己鍾意食嘢,所以佢成日帶佢哋出街食飯,而且收入會上繳媽媽,因為呢方面我完全唔識。」有一定積蓄後,姜濤亦有目標:「置業,一層收租,一層自住,呢個生活係完美,但如果要兩年後

達標應該有啲困難,喺香港置業係一件比較困難嘅事,所以要先儲多啲積蓄,不過如果我真係儲到一筆錢,我會先用嚟拍一個好犀利嘅MV,可能係唱跳作品。」
今年遇上疫情,但仍無阻姜濤發展,除了飛往台灣拍攝偶像劇《超感應學園》,今年更推出第三首單曲《愛情簽證申請》。
今年遇上疫情,但仍無阻姜濤發展,除了飛往台灣拍攝偶像劇《超感應學園》,今年更推出第三首單曲《愛情簽證申請》。
冇信心攞獎

冇信心攞獎

雖然今年遇上疫情,不過仍然無阻這位「人氣王」發展,除了飛往台灣拍偶像劇《超感應學園》 ,今年推出第三首單曲《愛情簽證申請》,姜濤更連續兩年入圍叱咤「我最喜愛男歌手」最後五強,以兩年資歷跟出道廿四年的前輩鄭中基爭大獎,《蒙著嘴說愛你》亦成為「叱咤樂壇我最喜愛的歌曲」10強。不過他十分謙虛,指自己還未夠班。

「其實自己一直都冇好大信心,係對自己嘅信心不足,並唔係來自對手,雖然對手都十分厲害,但一直覺得自己仲未夠班,可以獲得一個咁厲害嘅獎項,所以會先做好自己歌曲,想得到大眾認可,下一步先再去諗攞獎嘅問題。」他說。
由花姐一手一腳湊大的姜濤,最近便十分明白,不可以再一個人獨霸花姐。
由花姐一手一腳湊大的姜濤,最近便十分明白,不可以再一個人獨霸花姐。
揀女友冇特定類型
揀女友冇特定類型
姜濤開始作多方面嘗試,好像參與填詞及創作MV劇本,他更將自己成為偶像後,幻想面對愛情時的困擾故事,以歌詞和劇本表達,更推薦合作偶像劇的林思廷(Tammy)擔任MV女主角。

「有一次傾偈嘅時候,我話要拍MV,所以就問佢有冇興趣,然後大家就一拍即合,之後我都有請佢食飯。」二人在MV中表現親密,問到Tammy是否他的理想類型,姜濤說:「其實我對於理想對象,唔係淨係注重外表,反而係睇佢可唔可以接受我喺娛樂圈工作呢個條件,因為我覺得外在因素,自己由細到大都不停轉變,所以唔會講定邊一種係我理想類型。」

看來Tammy不是他那杯茶,其實在台灣拍劇期間,工作人員和隊友也先後踢爆姜濤經常躲在房間。

「喺台灣成日暱埋喺房,就係諗有關歌曲嘅事,其實都冇咩可以做,因為間房嘅面積好細,純粹因為自己本身性格問題,鍾意一個人喺一個私人空間獨自思考,喺台灣都有繼續做運動,我嘅生活冇好大嘅樂趣。」他坦言。
心痛姜糖登廣告
心痛姜糖登廣告
每次推出新歌或者有新搞作,姜糖也會落足本為偶像登廣告宣傳,早前他們更在蘋果分類小廣告中,刊登「姜濤不紅 天理不容」啟事。

佢哋成日都會賣廣告幫手宣傳 ,我比較好奇係邊個發明呢一句,覺得幾搞笑。」有這麼多人愛錫,姜濤明白並非必然。「我唔會當係一件必然嘅事,所以每次有呢啲情況,我都希望向fans表達自己嗰份感激之情,尤其係佢哋願意去花費做呢啲嘢,我有時都會心痛佢哋嘅使費,因為嗰啲開支都唔少,所以希望以後自己嘅作品,能夠對得起佢哋嘅宣傳。」

最近熱播的《全民造星III》,十強名單終於塵埃落定,作為元祖冠軍的大師兄姜濤,當然也有留意,他早前便在IG Story點名稱讚曾經任農夫的Manson 。而對於被外界形容為監製花姐新寵,只有19歲的大熱陳毅燊(Anson Bean),姜濤也大讚他:「我都好欣賞Anson Bean演出,佢哋全部都好犀利,Manson係自己印象比較深嘅一個,因為佢第一次出場,佢嘅曲風同畀我嘅感覺特別大, Anson Bean都係一位很厲害嘅人。」
每次推出新歌或者有新搞作,姜糖也會落足本為偶像做宣傳。
每次推出新歌或者有新搞作,姜糖也會落足本為偶像做宣傳。
不能再獨霸花姐
不能再獨霸花姐 由花姐一手一腳看顧的姜濤,最近十分明白,不可以再一個人獨霸花姐。

「花姐一定係放少咗時間係我哋身上,因為《全民造星》係一個要花好多心機嘅節目,而花姐係呢個節目嘅監製,忙於處理《全民造星》。不過其實都冇咩大問題,因為我哋都有自己嘅工作,現階段唔需要太麻煩花姐,自己都可以照顧自己。」

遇到問題時,姜濤說:「我好少會將自己嘅問題向其他人透露,由當初比賽開始,已習慣自己去諗方法解決,當遇到比較具體同細節問題,先會問排舞老師同埋花姐意見,可能相對會將工作上不開心嘅事,同私底下嘅朋友透露比較多,因為傾偈嘅時候會覺得冇壓力,始終佢哋唔係呢行嘅人,我可以放心咁講。」
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所