• 《黃秋生大師班》做人最緊要有得揀|吾港戲 (尹學仁)

  • 發布日期:2020-12-22 18:02
  • 《黃秋生大師班》做人最緊要有得揀|吾港戲 (尹學仁)

 


本來 12 月有好多好戲上畫,港產有紀錄片《好好拍電影》,講許鞍華導演生平,劇情片有《一秒拳王》,有樂隊 Tonick 主音恆仔自編自導自演,就算台灣電影,《消失的情人節》橫掃金馬獎,笑中有淚,全部都好值得大家入場睇,不過多得香港人個無能政府,結果戲院被封,大家放工想食餐好飯都難,仲有好多朋友失去工作收入。

戲院都要閂門,影評仲需要寫?好彩尹某並非靠寫稿維生,否則開飯都有問題。編輯有提議寫美劇,我個人其實接受,反正大家都已經放棄本地大台,人人上網睇 Netflix。不過本欄叫得【吾港戲】,只要一日有得揀,當然講本地製作優先。

同 Netflix 介面一模一樣,杜汶澤喱騷終於上線,你可以揀$60 月費,又可以揀 $600 年費(慳兩個月月費之餘,仲可以睇返《香港企硬》個騷),老老實實,就算 $800、$900 甚至 $1000 以至$1200 我都會撐,因為杜汶澤講得非常好:「我要娛樂有得揀」。

今時今日,香港連自由都一日比一日少,難得大家生活裡面,仲有幾樣可以有得揀,就要珍惜機會,例如 cut 有線(老闆毀滅香港新聞自由,然後仲要英國賣樓),例如訂《喱騷》。

你有去九展現場睇《香港企硬》,開場之前就一定睇過《黃秋生大師班》贊助個《黃秋生大師班》預告,非常期待。交過年費之後,當然第一時間睇。

一集 22 分鐘,第一季第一集,其實主要介紹 6 位學員,先由各人在黃秋生面前自我介紹,再加上各人在幕後接受訪問,然後由秋生逐一品評,尖酸刻薄難免,否則點會好笑,當秋生提出要大家「半真半假」再自我介紹一次之時,老闆杜汶澤終於出場,親自示範一次,亦講出今集金句:「加入亞視就係為咗要離開亞視,中國人出世就係為咗做美國人。」

單單兩句,今個月月費已經翻本。

《黃秋生大師班》
《黃秋生大師班》
秋生逐一品評六位學員,尖酸刻薄,但好笑
秋生逐一品評六位學員,尖酸刻薄,但好笑
老闆杜汶澤出場,講出今集金句
老闆杜汶澤出場,講出今集金句


不過老老實實,單睇第一集,最好睇不單止有黃秋生同杜汶澤,其實監製田蕊妮幾次開口都非常突出,至於六位學員,暫時發揮一般,好期待下一集呢。

不過我更加期待,杜汶澤喱騷可以成功,令觀眾有真正選擇,因為香港整個娛樂圈一早已經同個社會脫節,傳統電視台以至電影公司話事人全部有病,尸位素餐,影衰香港,而本地年青一代根本大把人材,喱騷幕後團隊正正最佳證明。

作者簡介

行內人會視為行外人,行外人又會視為行內人。做過電影主創,又做過電影媒體,仲做埋電影教育。未天真到相信電影永恆,亦未灰心到認為香港電影玩完。不過一句到尾,身為電影觀眾,曾經叫做電影學生同畢業生,與其要做電影人,倒不如先透過電影學做人,首先要做個好人。
監製田蕊妮幾次開口亦非常突出
監製田蕊妮幾次開口亦非常突出
六位學員暫時發揮一般
六位學員暫時發揮一般

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所