• 九進制毒|王喜專欄

  • 發布日期:2020-12-22 16:58
  • 九進制毒|王喜專欄

 

張醫生話未惹夠十個人嘅組群,係唔會公開呢一到九個病人嘅個案號碼同住所資料。咁又啱嘅,你公布咗嗰啲確診三萬之徒住邊幢紀律部隊宿舍,然後視作公共屋邨、居屋、私樓咁撤離可疑住户、強制消毒嘅話,咁會影響到同幢三萬之徒及其他四個紀律部隊人員及家屬返工返學㗎嘛。單單要三萬之徒搬離安全屋,噢,打錯,紀律部隊宿舍另覓立錐之地,咁即係逼佢哋個個攞住响嗰 6200 萬茶錢之中所分到嘅年終獎金,入住5萬蚊一晚嘅文華東方?中環喎,咁嘈,點住得人㗎?

其他四個紀律部隊喺上年同今年,仲係如常用十一個月嘅薪水,過十二個月嘅日子(其中一個月糧用嚟交稅),邊有本事一家大細連貓狗入住隔離賓館十四日呢?我明白三萬之徒咁受歡迎,楊明、曹永廉之輩,定必義不容辭,竭盡所能,奉為國賓,施予好湯好劇好下場畀佢哋闔府。但另外嗰四個邊有佢哋咁做得嘢、咁得佢哋歡心吖?你無聽過楊明、曹永廉等人拆塊用過嘅舊 backdrop 落嚟,去海關、消防、懲教署、入境處總部,跪响度同佢哋合照貼 facebook、ig 就知啦。

同樣輪更嘅消防就無咁好命囉,交更時檢查裝備、器材同車輛時,由內至外、上而下,逐吋逐件消毒抹一次,真係未開喉先濕晒。不過,小心啲好,否則一失足成千古恨!就好似一名中年新婚婦懷疑食正呢轉第四波爆發「升級武漢肺炎病毒」,發燒三日後,同喺客廳睇緊日日升旗禮嘅親人,以及喺廚房偷偷用地 FaceTime 跟同鄉交換緊抗疫資訊嘅工人,不知不覺間不辭永別,害他們錯過這可一不可再的歷史一刻。

跟過百不幸死於這種境外日夜無間斷海陸空暢通輸入致命病毒的災民唔同,呢位安詳地躺在最舒服、最精緻、最温馨的大床上猝死的中年新婚婦,給予有助解剖驗屍工作的資料中,只得一項為負面:猝死前幾日走去睇醫生!這行為構成以下兩種災難:

一,與中年新婚猝死婦同型同種嘅中、老年熱愛香港、服務香港、建設香港嘅流動不常住港人口,因基礎教育特殊、辨別能力獨特,當他們將武毒當感冒就診時,就將這不幸,擴散到私家或公立診所裡的醫護人員、職員、留院病人或監控特務。

二,三萬之徒收工無地方敢去,無朋友肯見,為了安心上路出行,咪唔好嘥政府福利,帶埋衍生之物有燒無燒都去公立醫院診一診,做成好多人出出入入,擴大隱形傳播面。

不過,佢哋要安心,公眾當然無得揀啦。就係咁,有醫無類,從不彈鐘嘅醫護人員,只能靠醫學、護具、專業同常識嚟保護自己嘅人身安全,免被攻擊。都係張醫生濟世為懷,用九進制算法,將病

源封印在差館、宿舍、界限街俱樂部內,達到生人勿近之境,先至係最有效嘅防疫手段!當日法海將白蛇封印在雷峰塔下;今日 Dr. 張將三萬毒「蛇」封鎖入一窩之中,功德無量!
王喜簡介:

王喜簡介:

前生救過人生命,今世命中得華蓋,火場再救兩同袍,從此科幻稱英雄,卸甲還槍進金樓,隱姓埋名笑迎人。問風水:南山北水九運火、問遺失:生離總比死別好、問自身:妄想悶聲發大財、問天時:願榮光歸於香港。高效能自閉及重度強迫症患者一名,恐懼人群卻賣藝維生,表面無畏,內心怯懦。滿身矛盾,可愛又可惡的五十男。
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所