• 日捱14小時月入12萬|紮根九龍城40年 58歲豬肉佬鍾情長揸︰$11買入兩萬股港交所,唔會放!

  • 發布日期:2020-12-27 00:01

 

武漢肺炎玩謝香港近一年,百業蕭條,但九龍城衙前塱道一間豬肉檔卻成疫市贏家。早上四時開舖,已有客人天未光幫襯。買餸高峰期,師奶阿叔更要排長龍買豬肉,就連蔡瀾也會到此買豬肉。以豬肉佬每日賣8-10隻豬計,每月保守估計淨賺過十萬,夠他買樓炒股。豬肉佬,係好搵到,但背後辛酸,連豬肉佬大呻兒子也不願入行。

「同客人好似朋友咁樣,反正預俾人賺,至少幫襯得開心。」

「同客人好似朋友咁樣,反正預俾人賺,至少幫襯得開心。」

「最緊要啲貨有水準,又唔呃人,肯蝕底少少,生意就自然會旺。」這檔豬肉檔在九龍城已屹立40年,身型健碩的老闆吳光偉手起刀落,問在旁師奶︰「阿妹想買乜嘢?」有光顧了三年的女熟客表示:「佢嘅豬肉真係好新鮮,唔會賣隔夜貨。如果我話蒸俾小朋友食嘅,佢都會特登揀一件比較腍,幫你整好,好有心機。間中買餸又會送舊骨俾你,又同你傾吓計,好似朋友咁。」
顧家男人

顧家男人

「當年因為太太有咗BB,再只係顧住玩都唔係辦法, 都要搵一份正當職業養家,所以就返屋企幫手賣豬肉。」

吳光偉一做便是40年。他直言這個行業每一分錢也是辛苦錢,以時間、勞力換取。每日凌晨4點回到舖頭開豬、劏豬,直至下午6點才收舖。妻子「抵得諗」,兩夫妻一人做一半,他才有時間休息,發展興趣。「捱到手臂都彎曲了,這就是豬肉佬的職業病。」
日做14小時 月賺$12萬
日做14小時 月賺$12萬
「我心目中嘅成功之道就係,唔理你後生執紙皮、掃街、執垃圾,晚年不用為錢愁就是成功。」「我唔係一出世就劏28隻豬,我哋兩公婆由2隻豬開始捱,捱到手臂都彎曲晒,呢個就係職業病。」「就算五癆七傷都冇資格吟攰,因為入呢行就係預咗。」「現在一隻豬來貨價約$5000至$6000元,扣除燈油火蠟、夥計人工,大概賺一成。」如果以每日劏8隻豬計算,一日大概淨賺$4000元,再乘以30日,一個月賺$12萬。
一隻金撈換雀杯
一隻金撈換雀杯
「工時長,又冇假放,唯一可以減壓就係做運動然後就係養寵物。」吳光偉現時一般工作至下午三時,就會落場休息。間中更會駕駛電單車旺角學瑜伽。「我好癲㗎,鍾意養啲比較稀有嘅動物。」吳光偉家中有雙頭龜、古巴鸚鵡、全白麻雀、貓等。其中鸚鵡更苦等兩年,出資$10萬元,由2個國家入口。吳光偉亦是雀籠、雀杯收藏家,對於心頭好更是毫不吝嗇金錢。「最顛試過用一隻金撈換一套雀杯。」他憶述當年看上了一套雀杯,特意邀約對方飲茶,希望對方賣給自己。結果對方要他手上的「金銀潤」再加現金$2萬元,他二話不說跑到匯豐銀行拿錢買入心頭好。
此外,家中亦有廿多個不同款式的雀籠,當中有全象牙的雀籠外,部份更是由本地四大雀籠名家製作,當中不乏卓康、黃坤的作品。
仔女嫌辛苦 不願接手
仔女嫌辛苦 不願接手 「我有車、有樓,老豆,俾著你都唔會搏啦!」吳光偉育有一子一女,兒子紐西蘭大學畢業後在一間建築工程公司任職文員;女兒之前亦在新鴻基任職,不過嫌太辛苦,選擇回家湊仔。
養兒一百,長憂九十九。吳光偉經常說自己不懂做人老豆,卻為兩名子女配置一層物業連車位。「我而家工作都唔係為自己,只係為咗啲仔女同啲孫,如果我係為自己的話,就已經退休啦,捱咗幾十年仲唔夠咩。」
「耕好一塊田,插好晒秧,生好晒禾,你只需要去收割,但都唔肯。」豬肉檔有穩定的客源,較高的收入,但子女卻不願入行,情願選擇月入$2萬的工程公司文員。吳光偉雖然覺得很可惜,但子女已大學畢業,覺得自己職責已經完成,之後的路應該由他們自己決定。
入行3個月升師傅 日薪逾$1000
入行3個月升師傅 日薪逾$1000 「而家年輕人返工唔係問你幾錢人工,而係問有冇假放。」偏偏豬肉檔這個行業幾乎年終無休,只有農曆新年幾天假期。吳光偉認為,這亦是令年輕人對這個行業卻步的原因。劏豬肉入行普遍$500-$900日薪,沒有入職條件。「唯一需要的就是力氣、肯拎起把刀!」「不過企檔就有技巧,要經常好似執到錢嘅樣,咁先氹到客人。」入行由洗豬雜、斬豬頭等基本功學起,大概三個月左右,便能學滿師,晉升至逾$1000元師傅級的人工。
投資有道 為老年打算
投資有道 為老年打算 「小時候曾經捱苦,好驚臨老要捱窮,所以當時諗買樓可以收租保值,而家已經供滿兩三間。」「豬肉佬一名,有咩投資心得吖!我鍾意買股票。」口裏說著不諳投資,卻能$70沽匯豐,$11買入港交所2萬股。他指現在長揸3隻股票,更向記者分析,「醫院只可以賺生人錢,棺材舖只可以賺死人錢。但港交所唔同,你買股票要比佣金,你賣股票又要比佣金。世間上沒有如此着數嘅生意。」第二隻他持有的是小米,他更親身帶老婆到旺角店舖實地觀察,眼見店舖大排長龍,他認為小米受愛戴,有前景。第三隻是領展,他直言最好當然是派息,故一直持有。不過他亦試過投資失利,當年買入電訊盈科虧損了$100萬「個心肉赤至今」。
採訪:黃俊俊

攝影:胡堅

剪接:鄧詠瑤]----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所