• 禁忌之林︱信政府!唔怕!有李偲嫣!︱林忌

  • 發布日期:2020-12-18 13:15
  • 禁忌之林︱信政府!唔怕!有李偲嫣!︱林忌

 

「防疫最重要的是相信政府!」李偲嫣於2020年7月26日晚Facebook專頁上,留下這些偉論:「希望廣大港民能明辨黑白,究竟竟是相信配合中央與特區的各項決策,才能抗暫控制疫情;還是迷失心智的跟隨集會、罷工能另有成效」;7月25日李偲嫣在Facebook發表政見說:「真應該好好懲治懲治這幫草菅人命的反對派和黃絲醫護了!」

呢個世界有樣嘢,叫做現眼報──相信政府,相信中央,支持全民檢測,驗完又驗,又安心出行嘛,結果點樣呢?咪就係魂斷武肺──到最後關頭,仍要麻煩被佢稱為「草菅人命」嘅黃絲醫護去搶救其性命。

堅拒封關,堅拒收緊「免檢疫人士」,就無論「全民檢測」幾多次,或者推行乜嘢健康碼,都係無補於事;偏偏撐政府如李偲嫣之流,除了不斷鬧黃絲,笑人走佬、被判刑之外,就係一再力撐政府搞埋呢啲完全冇用嘅政策;11月23號出post 力推,11月27號又出圖吹噓中國大陸青島、新疆「清零」──係呢,點解成都又爆呢?點解有堆驗完冇事又中呢?

香港醫護界講真話,要求全面封關,保護市民免受病毒侵害,冒住冇咗份工嘅風險,甚至最少都扣糧嘅處罰搞罷工,就被呢班人渣話係「草菅人命」;連大陸人自己都唔信中國醫藥,疫症前日日衝來香港搞咩「醫療港」,令到醫療集團做到風生水起,由打針到長期病患,都衝來香港醫,偏偏香港有班港奸,日日問點解唔要中國醫護──咁愛中國醫護,就返中國住,有事就可以搵中國醫啦,點解仲唔「返」大灣區,去追求抗疫咁成功嘅中國大陸,要死在香港呢?

更奇妙嘅係,吹到中國醫護咁好,但係住在大陸嗰班中國人,卻不斷投訴話要「斷藥」,話「長期病患」要返香港睇病,然後因此要免檢疫放佢哋返來!咦?有咁多更優秀嘅中國醫護唔睇,要返香港搏乜?明明香港疫情嚴重咁多,搏返來感染咩?有病唔留在中國醫?問過李偲嫣未?

有線新聞截圖
有線新聞截圖


上年武漢肺炎初爆發嗰時,仲記唔記得班藍絲KOL講過乜?1月8日屈穎妍以《厚此薄彼的瘟疫》為題,鬧香港人對武肺太緊張,反問點解唔擔心美國嘅流感?商台主持黃永在1月13日話武漢肺炎擴散力有限,對中國城市發旅遊警示係「分裂國家」;1月14日潘麗瓊以《冇看肺炎》,鬧香港人自己嚇自己,絕大部份只係流感,鬧市民「不看客觀事實,政治盡情操弄」;2月10日屈穎妍再以《嚇人不需要用真鬼》為題,指「愈來愈多專家質疑,任何場合都要戴口罩的說法」,話「明明不是疫埠,大家卻活得像天已塌人將亡的地步」──係呢,咁而家做咩政府要強制大家戴口罩呢?點解有人近日不斷攻擊林鄭月娥抗疫不力呢?

年初鬧大家過敏,年底就鬧政府慢三拍,神係佢,鬼係佢,當初叫人唔好驚,鬧人哋太驚係佢,鬧人「盲反政府」係佢,到依家反政府都係佢,所以你話究竟係咩人,害香港人到呢個地步?唔好忘記,直至2020年12月18日凌晨,武肺已經殺死123人,有人話「死者為大」,鬧人追究責任係「涼薄」,反問一句,講嘅人又對唔對得住,呢123位死者?

李偲嫣facebook截圖
李偲嫣facebook截圖
+6 李偲嫣facebook截圖
李偲嫣facebook截圖
李偲嫣facebook截圖
李偲嫣facebook截圖
李偲嫣facebook截圖
屈穎妍《厚此薄彼的瘟疫》
屈穎妍《嚇人不需要用真鬼》
潘麗瓊《冇看肺炎》
黃永facebook截圖

----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所