• 壹週和你股|百分百破頂!|譚朗蔚

  • 發布日期:2020-12-16 14:12
  • 壹週和你股|百分百破頂!|譚朗蔚

 

今日個市彈,恒指又來到26300、26400點這個水平,磨來磨去,真係悶到出水。不過個股唔悶,週一同大家推介的九毛九(9922)今早見過22.45元的高位,創上市新高。不過,因股份在週二的日中出現過調整,而調整之後再上同一直咁上的股份有唔同,前者要關注的是再上破的話夠唔夠力水,有無背馳。而我話俾你知:九毛九再上,略嫌力水唔夠,回頭穿22.05元的話要食。

套出的資金可以用來買比亞迪電子(0285)。近日手機股有炒作,半個月前有高偉(1415),原來是控股權轉讓。之後到小米(1810),佢在ATMX股裡頭獨領風騷。唔少得的仲有舜宇(2382),佢在150元的分水嶺企得好穩。然之後是丘鈦(1478),市傳佢轉背分拆昆山丘鈦到A股上市。今日,終於都輪到這個板塊裡頭,最有爆炸力的股份,亦是我最喜歡的一隻,比亞迪電子。

股份在11月開始一直橫行,雖然我心儀佢好耐架喇,但是一直唔敢出擊。今日,我終於都等到佢破位喇!佢自11月至今是一個收窄的三角形,平頂在39.35元有阻力,但今日一開已經超脫。換言之,就算今日不是收在最頂,就算升幅收窄,只要不跌穿開市位的話,都是明明白白的突破向上,展開升浪,必將挑戰新高。策略是現價買,目標在45.50元之後50元,止蝕價36.90元。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多

----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多

----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多