• 王浩信屢傳離婚暫居大陸 陳自瑤分居一身鬆晒:想自力更生|試過挽回

  • 發布日期:2020-12-16 00:01

 

37歲王浩信和39歲老婆陳自瑤結婚9年,屢傳離婚二人試過做婚姻輔導 ,可惜關係始終難以回溫。17年起,王浩信已在將軍澳住所同座大廈,租多個單位做私竇 。雖然跟陳自瑤夫妻關係不變,但早已各有各生活。

上月初,他已北上工作,預算農曆年才返港。分隔兩地,陳自瑤卻毫不孤單,過去幾年習慣「假單親」,暫時分開兩地生活,總比扮恩愛來得坦然。

過去兩夫妻常在ig放閃,近幾年卻甚少互動。
過去兩夫妻常在ig放閃,近幾年卻甚少互動。
由心淡到心死

由心淡到心死

冰凍三尺,非一日之寒。

陳自瑤由心淡到心死,是一條艱難的婚姻路。

上月11日是二人結婚9週年紀念,被問到可有與王浩信慶祝 ,她只說:「唔答喇!」

其實當日王浩信已身在大陸隔離,之後他與張智霖、高海寧等在北京出席劇集《非凡三俠》發布會。接住轉到雲南,為擔正男主角的電影作準備。由於他在片中飾演特種部隊士兵,在大陸酒店隔離期間,特別找來教練操肌。

王浩信連續幾部劇集在大陸播出,由早前的《反黑路人甲》,到現正熱播的《踩過界II》及《非凡三俠》,被大陸網民封為「霸屏王」,人氣急升。北上吸金,暫居大陸,無可厚非。
早前王浩信、張智霖和高海寧在北京宣傳劇集《非凡三俠》。
早前王浩信、張智霖和高海寧在北京宣傳劇集《非凡三俠》。
幫老公幫到盡

幫老公幫到盡

雖然王浩信自言盡力抽時間陪8歲女兒王靖喬(QQ),更指QQ懂得踏單車和游水,也是他親自教的。但他多年來專注事業,陳自瑤已習慣「假單親」 ,QQ的學業和起居生活,由她一手包辦。

事實上,陳自瑤幫老公幫到盡,18年他力保形象成功封視帝,全靠老婆肯交戲。當時在頒獎禮前十日,王浩信拖妻女氹樂易玲,邊食飯邊落藥傾獎,誓做好男人,力保形象。

王浩信一向爛玩,17年拍《踩過界》搭上拍檔蔡思貝又傳暗撻「細龍太」陳偉琪 ,險釀婚變都冇有怕。18年在英國拍《兄弟》,傳速嗒細他11年的江嘉敏 ,當大他兩年的陳自瑤無到。
王浩信在大陸隔離期間,Keep住操肌,預備往雲南拍電影。
王浩信在大陸隔離期間,Keep住操肌,預備往雲南拍電影。
比起曾跟王浩信傳緋聞的蔡思貝、陳偉琪和江嘉敏等,陳自瑤絕不輸蝕。
比起曾跟王浩信傳緋聞的蔡思貝、陳偉琪和江嘉敏等,陳自瑤絕不輸蝕。
住所同座大廈租多個私竇
住所同座大廈租多個私竇
但王浩信識食之餘,做玩家亦玩得高明。他年前已在將軍澳住所同座大廈,租多個單位做私竇,方便掩人耳目。

陳自瑤曾坦認:「可能係佢有個office,佢依家除咗拍戲工作外,仲有一啲生意,所以搵咗個地方做office。(即是樓上樓下?)係呀。」

王浩信心不在家,她一度情緒低落,曾經常找朋友訴苦。

「有次凌晨五點幾,Vincent(王浩信)仲未埋位,監製打畀YoYo(陳自瑤),點知YoYo話老公成晚冇返過嚟,乜都唔知,咁大家都心照。Vincent咁多女埋身,YoYo心裡當然有條刺,不過個女細,自己搵錢能力亦唔高,YoYo選擇放輕啲段感情,將注意力轉移晒喺個女身上,等自己開心啲。」知情者說。
王浩信愛錫女兒QQ,兩父曾同台合唱,他表示非常難忘。
王浩信愛錫女兒QQ,兩父曾同台合唱,他表示非常難忘。
講唔出夫妻恩愛
講唔出夫妻恩愛
其實拍《兄弟》,跟伍允龍成為好友後,王浩信一度受對方影響,隨他返灣仔英文教會,嘗試修心養性。他更跟陳自瑤做婚姻輔導,可惜之後不了了之,關係沒有突破。

被問到跟王浩信夫妻關係如何,可否用恩愛來形容時,陳自瑤面有難色,略為猶疑說:「可唔可以用恩愛嚟形容?咁我哋咪……冇變囉,都係夫妻……。」

她拍電影《致富者聯盟》時,更向監製李居明表示想自力更生,似乎想有所預備。

而一向話買物業會寫太太名的王浩信,身體卻很誠實,前年以3,300萬購入傲瀧豪宅,只寫自己個名,個人持有 ,並讓胞弟王瑋彤入住。

老公求自保,難怪陳自瑤想經濟獨立。
王浩信常不在身邊,但好姊妹黃翠如和連詩雅不時陪伴陳自瑤。
王浩信常不在身邊,但好姊妹黃翠如和連詩雅不時陪伴陳自瑤。
雖然已39歲,但陳自瑤絕對是索爆人妻,Keep得好好。
雖然已39歲,但陳自瑤絕對是索爆人妻,Keep得好好。
對於想自力更生,陳自瑤說,自己一向重視事業。
對於想自力更生,陳自瑤說,自己一向重視事業。
----------------------------

按此訂購「壹週刊 X 勁揪體 2021 和你壹起撐住香港」月曆

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所