• 壹週和你股|九毛九 點追法?|譚朗蔚

  • 發布日期:2020-12-14 14:00
  • 壹週和你股|九毛九 點追法?|譚朗蔚

 


直到尋日為止,應該話直到執筆為止,我都有一個奇怪的想法,就是到底今日恒指會不會好像上兩個星期一咁,錄得大陰燭下跌呢?唔係唔可能架,還記得11月30日星期一,恒指一樣是上晝還穩穩的,下晝就跌到一仆一碌。拿,今日我唔望多,跌穿26341點夠晒架喇,又睇下得唔得。

要在一個麻麻地信心的市況入面推股,一定要推有堅實的基本因素配合的,當然還有靚圖架啦!內需,我一定是相信內需,始終,外圍的疫情從未好過,有好多的炒作,都是炒憧憬,好容易走得台前。只有在內地,還要是做飲飲食食的,可以夠力破頂。所以我推介的是九毛九(9922)。

呷哺呷哺(520)是強的,一早已經破頂,但是我不信,因為佢不是龍頭,而龍頭在下跌。所說的是海底撈(6862),一味得個悶字,沒能力突破橫行區。至於頤海(1579)便更壞,均線死亡交叉,弱勢畢呈;在低位反彈都難呀,莫講話轉強而入到我的視線。因此,九毛九一定係堅!

股份在9、10月衝頂,11月抖氣,12一來就撻火起行,突破上市新高。從我首次推介佢的時候是上一個星期三,推介價19.60,至今已經升逾10%了。要追,當然要追,因為破頂,理應是無頂的。不過就算是追都要追得有技巧,現價一注,落返21的話先加注,目標24蚊止蝕19.80。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多

----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多

----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多