• 壹週和你股|兩隻新物管,邊隻秤高d?|譚朗蔚

  • 發布日期:2020-12-09 13:55
  • 壹週和你股|兩隻新物管,邊隻秤高d?|譚朗蔚

 

近年,新股上市多如繁星,我最知架喇,因公司研究部日日都要就每隻新股做「due d」(due diligence,盡職審查呀),所以每日有乜野開始招股、做咩行業、集幾多個億我都瞭如指掌。上日上市到依家依然如火如荼的京東健康(6618)我當然唔會錯過,應該咁講,大家一早都知佢係好野。唯一可能以為自己走漏眼的是華潤萬象(1209)今日高開三成再高走,大把人跌晒眼鏡。

我寫出來不是為了笑人,事實上你俾我我都唔會抽呢隻,原因是物管股早已唔盛行,就是連已上市果一渣都一樣。究其原因,好大程度是因為內房今年賣樓的表現大不如前,預示一年半至兩年後,當內房交樓俾業主而可以收的管理費不會太多,限制了增長空間。所以,反正新股多到癲,正路不會有人抽華潤萬象同佳源服務(1153)。咁到底我會點解讀佢地今日上晝的表現呢?

首先,後者是無須多講,反正都潛水,唔多唔少係由於母企的規模較細同少人熟悉的。至於前者,老實,高開三成是值得高興的,作為無貨的我,除左恭喜都唔知道講咩好。不過要提醒大家的是:事實歸事實,物管、內房都無好景喇,股份高開要守到首日上市第一口價30.80先至好。如果全日好似半日咁失守的話,唔單只無貨唔好追,有貨都要走,咪以為隻隻都係京東健康呀。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多



----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多



----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多