• 中環寸嘴|福臨門遍地開花

  • 發布日期:2020-12-08 13:16
  • 中環寸嘴|福臨門遍地開花

 

晚市堂食又準備收緊,真係食幾多著幾多係整定嘅。家陣「福臨門」遍地開花,間間食肆個廚師都話福臨門出身,好似開正係阿七主理嘅「家全七福」同區,灣仔嘅「何必館」樓面阿霞係福臨門出身,擺明平家全七福20%,此消彼長下益食家,不過以我認為新開張未得嘅,無啲鮑魚貨底。咁嘅時勢,早排七福仲每枱最低消費要$1500,真係「疫」市奇葩!阿五主理嘅中環國福樓,啱啱俾執達吏封舖。開張嗰時都幾巴閉,擺明要貴福臨門15%,無咁上下面子都訂唔到位,地方好靚咩?咪又係嗰啲野!正所謂新屎坑三日香,家陣「香」埋添啦。真係唏噓!都係回歸現時由朱太揸旗嘅灣仔福臨門喇,一踏入去見到老臣子「新哥」,簡直一見如故,即時詐我型話好耐無來過,阿新喺大厨出身,佢拿手嘅炒桂花翅以前只會炒畀全港12大富豪食,我都有幸喺03年沙士時,食過一次佢親自炒嘅,本來諗住嚟食全港最好食嘅生炒糯米飯,點知大廚阿良放假,一定要佢炒先至有嗰啲神韻,惟有下次再來打咭啦。

----------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多



----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多



----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多