• $35燒味成疫市贏家| 二代接棒受連登追捧 燒味太子的心結:我冇爸爸咁本事

  • 發布日期:2020-11-30 07:00

 

打開半掩生鏽的鐵門,伴隨刺耳「嘎吱」聲後,只見內裏一片頹垣敗瓦。泛黃斑駁的牆面,磚頭早已外露。破舊的長衣懸挂於鐵架上,在風中搖曳下份外驚悚。後方通往的天井,滴滴答答水漏不停,夜深人靜時格外陰森,靈異感油然而生。眼前位於大角咀後巷,僅300多呎的廢墟舖,上月竟有人豪花730萬買下。

疫情之下大膽入市,買的更是人跡罕至的廢墟舖,買家身份耐人尋味。本刊翻查資料,發現買家是「燒味富二代」。他在天后電氣道打骰的君御燒味,因雙拼燒味飯最低只賣35元,是港島難得的平價之選,曾經備受「連登仔」追捧,現在疫情下仍有不少街坊排隊捧場。如今又斥一大筆錢買後巷舖,可謂是疫市贏家。

被問到疫情期間仍擴張舖面,會否太冒險,這位買家笑道:「呢個問題我未必答到你,哈哈,因為唔係我控制範圍內。我爹哋會詢問我嘅,但係決定權喺佢手上。」原來一山還有一山高。他父親在電話回應道,自己本身認識舖位原業主,對方年紀大又急著放售,自己又等地方用,故先買來做倉庫。加上那處很大機會重建,博將來清拆有賠償。不過由於未正式成交,他不欲再多言。

在連番邀請後,這位神秘買家終於答允訪問。記者一踏入燒味店,只見一個束著啡色長卷髮、穿著黑色T-shirt、灰色短褲的年輕男子,正忙著帶位、點餐、送餐,一副駕輕就熟的模樣。他就是廢墟舖買家,80後的「飛哥」周健飛。

贏在起跑線的燒味佬

贏在起跑線的燒味佬

原來飛哥才接手燒味店一年,先前他打理父親大角咀的肉類批發店八年,批發店距離廢墟舖只有兩分鐘步程。他父親是全港首位將內地冰鮮肉,運來香港的批發商人,是燒味界老行尊。有不少大型連鎖食肆向他取貨,他亦是中式連鎖酒樓君臨的董事之一。現時他手持逾十個物業單位。記者本想邀請他接受訪問,惟他作風十分低調,將上鏡的重任交給兒子。

關於父親的故事,飛哥指自己也不太清楚,只知父親早期騎著電單車到雞欄拿貨,在機緣巧合下在大角咀開始做批發生意,至今已接近四十年。至於天后燒味店,原本是父親友人打理,直至一年前退下。本來飛哥在日本餐廳和西餐廳各做了一年學徒,再在別人的燒味店任職八年燒味師傅。直到去年開始接管燒味店,他決定到父親的批發店幫手。

燒味店肉類,由父親的批發店提供;燒味店上一手老闆,是父親的密友,手把手指導飛哥;燒味店員工,是上一手留下來的原班老臣子;幫襯燒味店的街坊,也是上一手累積下來的熟客。

「我比較少同客溝通,所以我自己唔會有咩熟客...」性格内斂的飛哥一臉靦腆,不時緊握雙手。他坦言自己不擅言辭,待人處事不夠圓滑,慶幸員工、上一手老闆和爸爸都在自己身旁,在接手和經營上才不用操心太多。做了十多年斬雞師傅的潮哥,與飛哥兩父子相熟,又和街坊建立了感情,打算以後都留守在燒味店扶助兩父子。「我唔會退休,做到自己做唔到、冇人請為止,好老細來架呢個!」

浸雞師傅B哥,和飛哥年紀相約,口脗卻如老一輩的師傅。他說飛哥從不擺出老闆的架子,「喺呢度工作冇咩壓力,唔使太操心,反正出去都要做,不如留喺呢度,對住飛哥兩父子冇咩壓力。」

「我冇爸爸咁本事」

「我冇爸爸咁本事」

「由細到大,我都冇諗過夢想呢樣嘢。」飛哥自言學識不多,於是選擇投身飲食界,沒有所謂理想。然而父親一早為他打點好一切,自己便「有咩就做咩」。飛哥在家中是老二,有一個哥哥和妹妹,三兄妹一同打理父親的批發店,父親對他們亦寄予厚望。只是父親太成功,飛哥有感自己做來做去,也無法像爸爸那樣成功。「佢對我哋冇咁大信心,現時來講,我都係穩守住先,始終冇辦法好似佢咁有本事。」

說起爸爸,飛哥總是欲言又止。從小到大,兩父子很少交談,直到飛哥到父親批發店幫手,才説上兩句,但亦只限公事。「平日過年做節,先會傾吓私事。傾私事,阿爸又講返佢以前點樣做生意。」說罷,飛哥又苦笑道,自己早就習慣了。小時候爸爸顧著工作,別説聊天,見面也少。以前爸爸下班回家,兄妹們都已在睡覺。他又說爸爸很酷,印象中甚少得到他的誇讚。口裏灰心,但飛哥仍深知:「其實佢好錫我哋,我哋行嘅任何一條路,佢都去幫我哋編排好晒,盡量俾我哋行得平坦啲。」

一方面,飛哥慶幸自己贏在起跑線,但又不甘心「前人種樹,後人乘涼」,「我都好想有朝一日,可以比我爸爸做得更好,可以為屋企有更多成績出嚟。」在接手後不久,他將傳統手寫落單,改用平板電腦落單,希望可以加點新搞作。自己也曾向父親提出過,想由自己打本做生意,但最終無疾而終,「佢會幫我預算好,睇吓可唔可行,始終覺得自己比較年輕,有時做事太急,希望自己穩定啲,成熟啲先。」

父親:「唔好下下都問我意見。」
父親:「唔好下下都問我意見。」
強哥是傳統上一輩,得知記者想訪問他,他萬般不願意上鏡,卻著記者訪問兒子,看得出他正默默為兒子鋪路。訪問後,他知道兒子在訪問中讚自己成功,父親強哥在電話另一旁驚喜道:「我從來未聽過佢讚我㗎喎,哈哈!」他說自己投身燒味界多年,做的都是「小個體生意」,沒什麼大作為。作為典型的華人父親,強哥雖然不會當面讚兒子,但在電話中卻讚他肯繼承這盤生意,「好多後生仔唔願做呢行,咁污糟,每個人都好辛勞,又冇靚衫著。」讚完一輪後,強哥由變回嚴父mode:「冇人叫佢細細個唔讀書!」

強哥認為時勢不同,他們老一代和年輕人做法肯定不一樣,最重要兒子肯放膽去做,不要每次都問他意見,「每次問我,我俾意見你,你意見又同我唔一樣,自己個心開始搖擺不定,到底就老豆定係就自己呢?既然係咁,不如你索性去馬啦!」


撰文:張怡

攝錄:林金展、王晴

剪接:剪接組
----------------------------

上次的組合升42% |2021第一季再砌出增長15%組合的部署|壹齊分享網上直播講座|譚朗蔚 x 黃偉豪

立即了解更多



----------------------------

英國BNO 5+1 置業篇 | 英國好校區 x 高回報物業 | 英國物業實戰投資專家余震東 | 壹齊分享網上直播 立即了解更多



----------------------------

BNO 5+1 英國搵工途徑及工種 | 由香港過渡到英國 搵工必修篇 |壹齊分享網上直播 立即了解更多