• 與59歲如花李健仁情如父子 28歲李建邦:過年中秋會叫埋我聚會

  • 發布日期:2020-11-29 12:01

 

如花中風

如花中風

59歲「如花」李健仁,去年9月在深圳焗桑拿時暈倒,送院搶救後證實中風。後來有報導指他右邊身癱瘓,又不能言語。而他的好友田雞(田啟文)曾透露李健仁「開過腦,有啲嘢唔記得,講嘢有時好順有時好窒」。

早前,李健仁在微博出Post交代自己情況,並多謝劉鑾雄太太甘比(陳凱韻),以及古天樂出錢出力協助。同時,更貼出與ViuTV藝員李建邦(Suzuki)的合照,答謝對方為他奔波,這才令外界得知看似大纜都扯唔埋、相差30年的二人,原來是好朋友。

李健仁、李建邦情如父子

李健仁、李建邦情如父子

28歲的李建邦,與「如花」李健仁,幾年前因一個節目結緣,更一見如故。他說:「我同如花阿仁哥嘅相識,係因為一七年嘅時候,我哋有個節目叫做《街頭派錢黨》,當時有佢,另外仲有細龜黃一山,好多喺周星馳電影做配角嘅人合作。當時認識咗佢哋,同仁哥一見如故,可能大家都係做開配角或者諧星角色,所以好快就熟絡,亦已經打成一片。同時佢亦好樂於分享自己以前嘅經歷,關於電影或者呢一行嘅故事俾我聽。而自己從小都係睇星爺嘅電影長大,所以對於佢都有一個好夢幻嘅感覺。」

他們二人經常相約見面,李建邦更以「好似兩父子」形容彼此關係:「佢又將我當成半邊仔,好多時候大時大節,例如過年、中秋或者聖誕嘅聚會,都會叫埋我一齊去,所以我同佢嘅感情就真係好似兩父子咁樣。」

至於最近外界都很關心李健仁的健康狀況,李建邦表示:「其實佢而家嘅健康情況無報導上所講咁誇張,可能字眼上有少少誇張。基本上佢而家仍然精神,只係說話同行動上唔係太方便,但其他精神上嘅問題都唔係太差,希望將來可以再好啲,一齊祝福佢。」
李健仁因在星爺戲中扮女人成名。
李健仁因在星爺戲中扮女人成名。
李建邦亦有不少扮女人的造型。
李建邦亦有不少扮女人的造型。
難道李建邦、李健仁,因此較投契?
難道李建邦、李健仁,因此較投契?

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所