• 壹週和你股|車股到頭|譚朗蔚

  • 發布日期:2020-11-25 14:00
  • 壹週和你股|車股到頭|譚朗蔚

 

特朗普終於肯展開政權移交,這對美國的政局漸趨明朗化是好事,雖然佢老人家把口依然好硬,但是市場已經深感興奮。隔夜,道指歷史性突破30000點樓上收市,仍記起幾個月前,道指在點數上低過恒指那一幕,現在的恒指真是大煞風景,哈。恒指突破250週線已經有三星期,如果要求穩陣,就睇埋250月線,即大約26700點左右。現在是穿破了,但是準確而言,要到月底才得確認。

今日關注的個股是:成個車板。近日,無論是新能源車,抑或是傳統車的製造商,都一樣是炒得慶起!比亞迪(1211)、長汽(2333)、廣汽(2238)、吉利(175)、東風(489)、北汽(1958)等等,有部分是有銷售數據支撐的,有部分就無,齋炒回A,又或者跟板塊升。論技術而言,所有股份都在11月經歷了兩次頂,當然,依家的未可以確認是頂,但是再衝高的時候,大家有嘢要注意。

就是頂背馳,無論是RSI,以至到成交都係。不過,頂背馳並不代表有貨要即刻沽,甚至反手做淡;只是忠告大家無貨唔好再買,有貨的話要alert,回落時止賺。例如比亞迪咁,回落失雙底頸線191就要防,失20天線180就要清。最後補句:連日炒作的礦業股今日全部大陰,炒完;反彈和補裂口的巴巴(9988)275止步,跌浪反彈完,後市沽壓重啟,初步睇248,大市失26000開始沽。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所