• 壹週和你股|跌浪同升浪都唔識分?|譚朗蔚

  • 發布日期:2020-11-23 13:25
  • 壹週和你股|跌浪同升浪都唔識分?|譚朗蔚

 

話說本地的疫情來到第四波,還新增了跳舞群組、Staycation(宅度假)群組,確診的個案每日有六、七十宗,都咪話唔驚!疫情再度肆虐,市場又萌生起炒「宅經濟」股的念頭:香港電視(1137)同阿信屋(759)已經連日上升。今日,就算本地同澳門股點跌,單是一隻友邦(1299)都拖低恒指成100點了,但是新經濟都有炒作,其中當然唔少得隻巴巴(9988)。

自11月4日開始,亦即是螞蟻集團宣布押後上市之後的交易日,我就同大家講:「呢隻股份有排煩!」我還在當日推了京東(9618)俾大家,說是用來取代巴巴既添!結果,京東好快破過兩次頂,而巴巴亦破了兩次底:一次收248.4元,而另一次收245.2元。我最初的判斷,是源於基本因素的考慮:因為馬雲得罪了中央,就是這樣已經足以令集團的前景崩潰。

當然,股份在後來便行出了相應的技術走勢,而破壞了圖表了。而隨著佢在均線上出現了10天、20天線插穿了50天線,多頭排列、長升長有的格局已經折斷,而佢亦是 ATMXJ 裡頭,最先和唯一出現了這一個噩耗的。因此,當股份在19日失守11日底的時候,我同大家講:「下方好難搵支持喇,理性要走!」結果,股價連日反彈,到底我的看法有無轉變呢?

當然無!剛才提到,我對集團的最先判斷是源於基本因素和政治的陰霾的,現在,你敢說這局面有所好轉嗎?肯定無。技術分析呢?散戶很好笑的,常常說股評人「見升講升」,其實真正「見升講升」的係佢地!跌浪反彈以為是見底,以為是升浪,而不知道何謂趨勢,何謂trend。寫完一輪,我只是想大家講:科技有好多選擇,無須拘泥一隻「壞左嘅股票」呢?

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

【圖太郎圖表秘笈課程 發掘出蠃錢機會】圖太郎| 網上直播講座

立即了解更多

----------------------------

【英國BNO 5+1 教育篇】報讀英國小學部署 | 任你問Q&A | 陳思銘壹齊分享網上直播 立即了解更多

----------------------------

《噴火30年壹驚艷 性感女星典藏集》特刊現已出版,各大書報攤及便利店有售,每本港幣九十八元正。

當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

了解更多

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------