• 《愛回家》謝可逸偷食富貴失婚人母搬上山頂|歌手正印謝文欣死忍屢次劈腿 6年情被飛失喪

  • 發布日期:2020-11-20 00:01

 

34歲大台藝員謝可逸入行6年,事業發展平平,但情路就好精彩,最近被爆背住拍拖6年的歌手女友謝文欣,搭上兩次失婚的富貴人母、美容院創辦人兼CEO方潔盈(Jathy),Jathy疑似為他陀B,謝可逸亦已搬入女方的山頂大屋。

「被分手」的謝文欣傷透,頓時失去力量,失喪流連街頭。有圈中人指謝可逸並非首次劈腿,以前也曾瞞住謝文欣偷食,唔紅又唔算靚仔,但身高6呎3吋的他勝在口甜舌滑,一樣搵到食!

年初謝可逸已搭上有米失婚人母Jathy,有指女方現已懷孕。
年初謝可逸已搭上有米失婚人母Jathy,有指女方現已懷孕。
6年前跟謝文欣在訓練班認識,同學變情侶。
6年前跟謝文欣在訓練班認識,同學變情侶。
偷食慣匪

偷食慣匪

雖然沒被力捧,但謝可逸也算劇接劇,除在《愛・回家之開心速遞》飾演Tyson,最近在雙線台慶劇《使徒行者3》及《踩過界2》,都有份演出。

6年前,他跟謝文欣同樣透過第27期訓練班而入行,謝文欣在大台有名是「純純兔」,好快就俾謝可逸追到手。但一向花心的他,一直背住女友溝女,屬偷食慣匪。

有無綫中人話:「好多人都知佢係咁,唯一唔知嘅可能就係謝文欣囉!」
謝可逸在《愛・回家之開心速遞》飾演Tyson。
謝可逸在《愛・回家之開心速遞》飾演Tyson。
年初搭上謝可逸,但有指今年5月Jathy才跟第二任丈夫離婚。
年初搭上謝可逸,但有指今年5月Jathy才跟第二任丈夫離婚。
喇沙仔擁600萬樓

喇沙仔擁600萬樓

謝可逸最近更被爆搭上有米失婚人母Jathy,Jathy曾兩度離婚,同兩任前夫分別育有4歲囝囝和7歲大女,現租住山頂獨立屋。

雖然謝可逸本身家底唔錯,中學讀喇沙,之後去美國讀工商管理會計系,有波子、野馬同Tesla等座駕,擁有一個市值600萬左右的將軍澳單位,亦同親友一齊拉過頭馬。但搭上Jathy之後,他生活得更豪,已經搬上山頂同居,做埋Jathy一對仔女的哎吔Daddy。

他和Jathy年初已經搭上,謝文欣一直蒙在鼓裡,謝可逸一時以疫情為由,一時又話要拍劇,冇乜同謝文欣見面,後來仲索性同謝文欣提出分手。
任自己美容院的代言人。
任自己美容院的代言人。
全程呆滯冇心機
全程呆滯冇心機
謝可逸被揭渣男真面目前,謝文欣已「被分手」,本刊發現她單拖逛銅鑼灣,一臉木然,相當沮喪。儘管穿上黑色露背裝襯穿窿牛仔褲,驟眼睇都幾戰鬥格,但她全程冇心機,顯得有點迷惘,繑埋雙手、神情呆滯,等過馬路時更失神發呆。

她漫無目的地於銅鑼灣兜了幾個圈,行到攰,再在茶餐廳食個麵醫肚。見她心事重重,直到有朋友來電,文欣先回神過來邊食邊傾!
謝文欣傷透,日前現身銅鑼灣,一臉木然。
謝文欣傷透,日前現身銅鑼灣,一臉木然。
偷食文欣朋友家姐
偷食文欣朋友家姐
最近她推出新歌《沉船》,歌曲講述第三者,好明顯講緊自己被出賣的事。

事實上,早前在電台接受葉文輝訪問,她自爆曾經有一個男朋友,年紀比她大少少,拍了拖一段時間,一直都相安無事,好似搭上一隻好穩陣的船。點知有一日,文欣的朋友跟她講,自己家姐跟文欣男朋友搭上。

雖然她沒開名,但圈中人指這個劈腿男友是謝可逸。文欣話自己好愛一個人的時候,就算開始沉船,她都會偏向不相信真相,寧願大家繼續一齊。不過,謝可逸現已經搭上富婆,她傷心和死忍都沒用。

本刊致電文欣,求證謝可逸過去多次劈腿及打算跟新歡奉子成婚,她表示不作回應。
 新歌《沉船》,恰巧講第三者。
新歌《沉船》,恰巧講第三者。
Jathy(左三)和前夫湯醫生(右三)曾邀請戴夢夢(右二)出席美容院開幕禮。
Jathy(左三)和前夫湯醫生(右三)曾邀請戴夢夢(右二)出席美容院開幕禮。
戴夢夢:唔好拉我落水
戴夢夢:唔好拉我落水 至於Jathy被指靠首任醫生老公湯愷廸支持,創立醫學美容集團,3年後離婚收場。回復單身1年,她又奉子成婚閃嫁第二任老公曹嘉潤,並安排老公入其美容公司工作,二人今年5月才離婚。而Jathy為做公司生招牌,不惜公開自己整容前、後的真面目。

Jathy昨日就發千字文數臭醫生前夫,聲稱自己打本給他開診所,而非靠對方創立美容集團。同時自稱受前夫暴力對待,前夫更使橫手搶她生意。

她直指前夫同「戴夢X」關係曖昧,後來改為「戴xx」,更表示知道前夫WhatsApp同對方講I love you、Don’t leave me。當她發現前夫見戴小姐生病,送藥送到上對方何文田家中,她就決心不想再跟前夫在一齊。

有傳Jathy口中的「戴xx」是戴夢夢,而戴夢夢亦曾經出席過Jathy的新店開張禮。不過,戴夢夢回應傳媒時,強調從來沒介入過Jathy的婚姻,湯醫生只是她全家的家庭醫生,他們只是醫生和病人關係,希望「有人」不要拉她落水!

Jathy在發文中字字針對前夫,她指:「有咗你BB,你對我拳打腳踢,懷孕四個月,成碗熱湯倒係我身上,發洩你嘅情緒,我當時大住肚,可以點樣?只可以默默啞忍。」又謂:「生完個女,我最唔開心嘅係,你每逢假日週末都話唔想陪佢,淨係想同我一齊二人世界,你有無諗過作為媽咪,要次次假日出門口,放低個女,等佢自己係屋企喊,交畀工人湊,我係有幾心痛幾難受。你一定唔會知果種感受,因為你無良心,呢幾年,連個女一眼都無望過。」

她在文中又爆:「當時離婚,我有收過你一毫子贍養費咩?係你口口聲聲話,留低係Beauskin做,當俾贍養費個女供書教學,無耐你就反悔,話要個個月出幾十萬糧,咁又點計?我有證有據,唔該你唔好再四週圍話自己無出糧係度做義工,同埋我拎咗你贍養費去搞Beauskin。自己上年靜雞雞開醫美,仲暗地搶我啲客,派晒卡片,交換聯絡,呢條數點計?你知唔知自己簽咗僱員合約,唔可以私下開診所嫁,仲要搶我生意?撬我啲客?」

鬧爆前夫,絕對是錢作怪。
Jathy發千字文數臭醫生前夫。
Jathy發千字文數臭醫生前夫。
控訴醫生前夫跟戴XX關係曖昧。
控訴醫生前夫跟戴XX關係曖昧。
千字文聲討前夫。
千字文聲討前夫。
左三起:Jathy、前夫湯醫生及戴夢夢同場現身公司活動。
左三起:Jathy、前夫湯醫生及戴夢夢同場現身公司活動。
----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所