• HotCha Winkie喪弟1個月 | 生日前悲劇成人生陰影:細佬離開化解我對爸爸嘅恨修補關係
  • 2020-11-19    

 

睇精神科並不羞愧

2020年10月踏入33歲,前HotCha成員Winkie(黎美言)痛心體會無常一課:「我接受唔到,因為整件事無先兆,同埋反差太大,細佬無可能咁樣做,佢知道兩日後家姐生日……嗰個反差係我人生一個陰影。」 她,滿臉淚痕。

上月生日前兩天,她最痛鍚的胞弟,從事舞台演出的Harry(黎嘉駿),在灣仔寓所天台跳樓輕生,結束28年的生命。

自Harry別後,她和媽媽:「我有睇心理醫生,媽咪都有睇心理醫生。」

她知道承認傷痛,才能醫治傷痛。

「唔好驚世界點樣睇自己,睇精神科或者心理醫生係咪就代表有問題?其實唔係,反而應該搵人檢查,否則就會不斷重蹈覆徹!因為你唔知自己有冇隱性情緒病,然後突然間就會選擇跳樓輕生。

家人離世係一個好大嘅課題,要去接受唔係單憑口講就得,係超級困難,同埋好唔真實,直至完成葬禮之後,我先可以接受細佬嘅離開。你問我而家係咪完全可以面對生活,其實到目前為止仍然未recover,每一日都唔知做乜咁樣,傷痛仍未復元,我需要時間治癒。

但點解肯行出嚟做呢個訪問?我覺得細佬死咗已經係事實,但點樣可以令到佢呢件事,變得更有價值,就係家姐應該做嘅事,去幫助更多嘅人。」

「原來人生係估唔到條路會點,好似好有計劃,諗住可以儲夠錢,計劃同細佬、媽咪一齊買屋、去旅行,真係無諗過最後生嗰個反而走先」她,再一次哭成淚人。
「原來人生係估唔到條路會點,好似好有計劃,諗住可以儲夠錢,計劃同細佬、媽咪一齊買屋、去旅行,真係無諗過最後生嗰個反而走先」她,再一次哭成淚人。

胞弟朋友走上事發天台

她發現,胞弟Harry身邊朋友,都有情緒病。「細佬離開之後,佢好多朋友都好難接受,甚至其中一位,,喺細佬發生事幾日之後,都想做細佬呢個動作。

嗰一日,我情況未好嘅時候,警察打電話俾我,話有個細佬嘅朋友上番去嗰個天台,然後我媽咪即刻衝上去,因為媽咪唔可以再承受呢件事。所以我要好大勇氣,想透過媒體去鼓勵身邊人,如果你有情緒困擾,或者情緒出現問題,去搵心理醫生,唔好覺得睇醫生係羞恥,唔好胡亂輕生,因為最痛苦係留喺世上嘅人。」

明年今日


崩潰.那天!

「我係10月18日生日,細佬出事日子係10月16日,原本已經計劃18日去海洋公園,同細佬行山、玩機動遊戲,全家人喺10月1日已經訂飛,好期待十八號一家人,即係媽咪嘅男朋友,我同細佬,諗住四個一齊去,我已經訂晒瑜伽墊,諗住送畀佢哋,鼓勵佢哋做運動。

一家人由10月頭期待到當日,我好記得嗰朝早瞓得特別晏,學生(Winkie現為泰拳教練)送咗個生日蛋糕畀我,我就喺雪櫃捧個生日蛋糕出嚟,好開心諗住食一件。喺呢個時候媽咪突然打電話俾我,一收到電話聽到媽咪尖叫失控,話你細佬跳樓死咗。嗰個反差係我人生一個陰影,因為對比太大,無諗過嗰個係我細佬,我問佢有冇搞錯咗?當刻我坐喺梳化唔夠膽出門口,因為我哋唔係一齊住,而警察已經去晒我屋企。我接受唔到,因為整件事無先兆,細佬無可能咁樣做,佢知道兩日後家姐生日,二十幾年嚟都係一齊慶祝。隔咗一個鐘,我搵前經理人陪伴,先至夠膽返番自己屋企,否則當刻我好驚自己見到整個畫面會崩潰。

上到樓見到爸爸媽咪嘈緊交,媽咪失控癲咗咁,當日我要照顧好爸爸媽咪,安頓好佢哋住酒店,因為唔可以再返番嗰間屋,佢哋都已經失控。到夜晚我先至可以諗番,其實今日做過啲咩。

雖然往後每年生日,我一定有種傷痛,但相信細佬唔想我係咁樣,既然佢係控制唔到呢個決定,返咗天國,咁留在地上嘅家姐就要繼續努力生活落去,我希望將份傷痛化成正能量,好似細佬back up住我咁,繼續好好生活,照顧我嘅家人。」
胞弟在她生日前兩天選擇結束生命,她說:「我接受唔到,因為整件事無先兆,同埋反差太大,細佬無可能咁樣做,佢知道兩日後家姐生日……嗰個反差係我人生一個陰影。」
胞弟在她生日前兩天選擇結束生命,她說:「我接受唔到,因為整件事無先兆,同埋反差太大,細佬無可能咁樣做,佢知道兩日後家姐生日……嗰個反差係我人生一個陰影。」

雙親怕我撐不住

當晚Winkie在facebook抒發傷痛,同時為自己打氣,原來是向父母報「平安」。

「自己都好傷痛,但要收起自己傷痛,先去照顧兩位老人家,最重點係阿爸阿媽會睇住我嘅Facebook,佢哋兩個老人家都好擔心我會自殺,因為細佬其實真係我嘅命根,係我精神支柱。媽咪當日千叮萬囑,叫我唔好有咩嘢事,如果唔係佢都捱唔到落去,阿爸都係咁講。」

一夜間計劃落空


人總需要勇敢生存!

尤其明白,人生沒完全的掌控。

「原來人生係估唔到條路會點,好似好有計劃,我喺娛樂圈捱咗好耐,諗住可以儲夠錢,計劃同細佬、媽咪一齊買屋、去旅行,真係無諗過最後生嗰個反而走先,完全係打亂咗我個計劃。我好似一幢樓咁冧咗,因為媽咪同細佬一直係我支柱。」她再一次痛哭。

在胞弟離世前,今年四月,她已經歷一位朋友「不辭而別」!一年內嚐到親人、朋友別去,她才頓悟:「以前我以為呢啲事係六十歲以上先至面對,以為死亡離我哋後生好遠。」
家人離世係一個好大嘅課題,要去接受唔係單憑口講就得,係超級困難,同埋好唔真實,直至完成葬禮之後,我先可以接受細佬嘅離開。
家人離世係一個好大嘅課題,要去接受唔係單憑口講就得,係超級困難,同埋好唔真實,直至完成葬禮之後,我先可以接受細佬嘅離開。

一失一得

事情發生了,就設法尋找當中價值。

她勢估不到,失去一位親人,卻修補一段破裂已久的關係。

「我同爸爸嘅關係破碎咗好多年,因為爸爸之前對屋企唔係咁好,所以有段時間真係好討厭佢,有十年時間無睬佢,甚至一度想同佢斷絕關係。」父母離異後,黎母日打三份工養大兩姊弟。

「細佬嘅離開嗰日,因為見到爸爸好心痛,坐喺梳化喊得好慘,唔知點解我會衝埋爸爸身邊,錫咗佢塊面四啖,當時唔知邊度嚟嘅動力,只覺得唔好再嬲爸爸,真係由恨變愛,可以原諒爸爸以前對家庭做出過份嘅事,畢竟佢都係我爸爸,同埋佢都道咗歉,你仲想佢一個老人家可以點樣?雖然當日父母離婚,對細佬都係一個打擊,但佢同爸爸有聯絡。之後爸爸講番,話細佬見到我哋關係唔好,其實佢好傷心,所以佢嘅離開,係成就我同爸爸嘅關係得以修補,覺得細佬係我嘅老師。」

再多一點關心

愛要及時,老土的老生常談,但人確實要這樣。

「我好後悔,真係好後悔經常講愛要及時,都唔夠多,我無唔去做,但做得唔夠多,有好多藉口,例如會話先忙完手頭工作,先陪屋企人,而媽咪同細佬係好錫我,佢哋覺得我要衝(事業),就唔想騷擾我,甚至細佬有啲唔開心嘅情況,我都唔知道,媽咪幫手掩飾,會話唔好騷擾家姐,家姐做呢一行好辛苦。

嗰種愛要及時,係你可唔可以突然放低所有工作,去搵媽咪飲杯茶。經歷過呢場悲劇,我學識多啲留意關心身邊人,關心父母健康,無嘢重要得過呢樣。」

不用怪責

她怪責自己忽略胞弟的情感,更以為人人像她,可以樂觀應付。

「發生咗呢件事,我好怪責自己,唔係所有人都好似我呢種性格,細佬有啲情緒唔開心,其實前排已經知道。但我比較樂觀,就同細佬講:『有咩唔開心,記住搵家姐,唔准收埋,要記住搵我』,然後佢話『家姐得得得,無問題,我OK嘅,你教我健身吖!』我睇到嘅,以為係一個樂觀嘅細佬,以為兩姊弟,會同我性格差唔多,但原來係錯!佢唔係好似我咁樂觀,唔係遇到咩嘢唔開心,都會識得自己搵方法。佢好似一個藝術家,鍾意躲埋一角,表面報平安,但內裡其實有好多結。呢方面我反思得好嚴重,不斷反問自己點解唔捉住佢傾計,點解唔選擇用多啲時間陪佢呢?

今世我都記住呢件事,去幫助多啲人,知道每個人嘅關心方法係唔同,我都想鼓勵而家睇到呢條片嘅人,關心唔係只得一種方法,係有好多方法去關心身邊人。」

備忘錄的釋懷

從Harry手機備忘錄寫下的感想,Winkie一家找到釋懷。

「我發現細佬喺電話(備忘錄)入面寫咗幾百篇文章,係佢一直以嚟好少喺網上表達嘅感受,從佢呢十幾年演戲生涯嘅點滴,你會發覺呢個人原來好成熟,但我哋全家人一直都當佢係細佬BB。如果唔係發生呢件事,係唔會重新去了解呢個親人,但最諷刺係而家要用呢種方法去了解。

從佢備忘錄睇返點樣幫佢個劇團重新運作,因為佢嘅劇團出年已經十周年,佢十幾歲就已經營運,我想接手佢嘅工作,因為仲有兩個劇本遺作,同埋佢想出一張唱片。」



Harry備忘錄:沒有小角色,只有小演員。

「佢呢句說話好好,我記得細佬第一次接觸戲劇嘅時候,佢係演一條鯊魚,然後媽咪話細佬咁辛苦排劇,就係做一條鯊魚?其實真係無小角色,只有小演員。背後嘅意思就係接到一份工作,應該全心全意傾力演出,哪怕可能只係後方路過嘅位置,或者去同人圍讀,或從事幕後,做導演嘅時候,佢都係100%,甚至200%全情投入,專業嘅最高情操就係唔計較,所以點解細佬咁得人鍾意。以前媽咪唔明點解一對仔女要揀呢行,但今日佢再唔係咁諗,佢慶幸喺個仔有生之年,做到自己喜歡嘅事,所以我今次出嚟,都好想同啲家長講,希望佢哋尊重仔女長大後,想做任何工作嘅決定。」說著,她行到跑馬地聖瑪嘉烈教堂,「我哋細個經常去呢個教堂,呢度充滿咗我同細佬成長嘅回憶,佢嘅彌撒都係喺呢度進行。」她指著堂內一幅貼著近月逝世的堂友相片,其中一個是Harry。

「每次喺度見到佢(相片),我心就變得平靜,知道佢喺天家,有日大家會見番。我知道細佬風格,佢一定會想我企出嚟,叫大家唔好再為佢傷心,我感應到,佢想我咁,所以我唔可以困在家一蹶不振!」

採訪:S.L

攝錄:LL Production House

場地:Happy Alley Coffee Bar
從Harry手機備忘錄寫下的感想,Winkie一家找到釋懷。「如果唔係發生呢件事,係唔會重新去了解呢個親人,但最諷刺係而家要用呢種方法去了解。」
從Harry手機備忘錄寫下的感想,Winkie一家找到釋懷。「如果唔係發生呢件事,係唔會重新去了解呢個親人,但最諷刺係而家要用呢種方法去了解。」
熱愛演藝的Harry,19歲便營運一個劇團,明年踏入十週年,Winkie希望為胞弟延續夢想。
熱愛演藝的Harry,19歲便營運一個劇團,明年踏入十週年,Winkie希望為胞弟延續夢想。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所
moreimages 《KING KONG》首位亞洲封面人物|何超儀化身AI人工智能 破格造型拍足20個鐘
《KING KONG》首位亞洲封面人物|何超儀化身AI人工智能 破格造型拍足20個鐘

2020-11-18    

何超儀近年積極開拓美國市場,繼去年與金球獎影帝Jonathan Rhys Meyers合作《Raja...

moreimages 47歲Purple姐姐李紫昕|曾被揭疑刻薄印傭瞓馬桶上 今獲頒2020全球華人傑出青年
47歲Purple姐姐李紫昕|曾被揭疑刻薄印傭瞓馬桶上 今獲頒2020全球華人傑出青年

2020-11-18    

今年47歲的Purple姐姐李紫昕,早前獲傑出華人文化促進會頒發「2020全球華人傑出青年」並「卓越...

秋天的童話|抽水Ian
秋天的童話|抽水Ian

2020-11-18    

英國在這個秋天再次封城,經濟再次受到沉重打擊。我明白大家對英國有很多美好的聯想,英國的確有很多美麗又...

ic_play 《娛樂大叔》阮德鏘|亞姐冠軍蔡小蝶爆拒簽港姐約原因太苛刻 亞軍何雙妍被指做選美「間諜」
《娛樂大叔》阮德鏘|亞姐冠軍蔡小蝶爆拒簽港姐約原因太苛刻 亞軍何雙妍被指做選美「間諜」

2020-11-18    

今個月初舉行的《亞洲小姐選舉》,雖然錯漏百出兼佳麗們對答又騎呢,但在「沒希望便沒失望」的情況下,竟然...

28年前中國駐英大使館人員變節失蹤 掀中共間諜滲透香港疑雲|雲海
28年前中國駐英大使館人員變節失蹤 掀中共間諜滲透香港疑雲|雲海

2020-11-18    

近期香港政局急劇變化,中國突然立下嚴管香港的《國安法》、不斷打壓傳媒及青少年,這引發多人到美國領事館...

食藥要點|麥偉基
食藥要點|麥偉基

2020-11-18    

天氣轉涼,流行性感冒的高峰期將至,不少市民都會在家中存放一些必備藥物以備不時之需,但如果儲存藥物不善...

《愛回家》高佬Tyson|謝可逸背女友謝文欣偷食失婚人妻 疑有餡欲奉子成婚遭家人反對
《愛回家》高佬Tyson|謝可逸背女友謝文欣偷食失婚人妻 疑有餡欲奉子成婚遭家人反對

2020-11-18    

曾在大台劇《愛‧回家之開心速遞》中,飾演Tyson的34歲謝可逸,由於身型高大,令人留有印象。不過,...

moreimages 吾港戲|黃片要懲罰 香港人爭氣 (尹學仁)
吾港戲|黃片要懲罰 香港人爭氣 (尹學仁)

2020-11-18    

話說本欄要講本地片為主,偏偏開欄三個星期,本地片計數量都好有限。有人話香港電影已死(講到...

壹週和你股|農夫山泉:水中的Tesla|譚朗蔚
壹週和你股|農夫山泉:水中的Tesla|譚朗蔚

2020-11-18    

大市越來越有要下墜的感覺,技術的分析我唔講喇,各位可以睇返我的面書專頁,在上週六的一篇文章。至於基本...

ic_play 移居英國想慳稅|處理時機好重要 英國會計師:居英18個月後才處理已太遲
移居英國想慳稅|處理時機好重要 英國會計師:居英18個月後才處理已太遲

2020-11-18    

把稅務處理好,時機也很重要。英國倫敦的會計師行BKL合夥人Geraint Jones 表示,不少香港...

武肺高危患者|中大聯同全球糖尿病權威 世界糖尿病日發布「控糖」新指引
武肺高危患者|中大聯同全球糖尿病權威 世界糖尿病日發布「控糖」新指引

2020-11-18    

中大醫學院內科及藥物治療學系內分泌及代謝學科向來佳績連連,兼且多猛人,學科繼早前獲US News世界...

ic_play 淪落二手拍賣網|泰林彌敦道巨鋪6億變3億 魔咒一鋪纏三代
淪落二手拍賣網|泰林彌敦道巨鋪6億變3億 魔咒一鋪纏三代

2020-11-18    

彌敦道,這十多年來不斷變遷。曾不斷有金鋪進駐,一場社會運動加一疫情,又有不少鋪頭執笠。但這條大街上,...

moreimages 有前夫林曉峰外甥撐|離婚康子妮為供兩子出國 拚命工作二度獲業績奬
有前夫林曉峰外甥撐|離婚康子妮為供兩子出國 拚命工作二度獲業績奬

2020-11-18    

今年9月,林曉峰同康子妮驚爆離婚,結束18 年婚姻。沉澱了兩個月,阿Lo 日前終於收拾心情開工,更表...

ic_play 雨夜屠夫林過雲|囚石壁監獄37年屢傳放監 殺人狂最新片段曝光
雨夜屠夫林過雲|囚石壁監獄37年屢傳放監 殺人狂最新片段曝光

2020-11-18    

「雨夜屠夫」林過雲一九八二年殺害並肢解四名女子及將部份器官製成標本,八三年被判死刑,翌年改判終身監禁...

由香港過渡到英國  搵工必修篇|壹齊分享網上直播講座
由香港過渡到英國 搵工必修篇|壹齊分享網上直播講座

2020-11-17    

國安法實施後,多間國際企業紛紛徹出香港市場,加上疫情影響,很多行業都裁員縮減人手,香港打工一族仲有咩...

moreimages 重溫|殼王那些年的愛將 葉璇波壓股磨再返酒店 郭羨妮升呢拍戲有4大保鑣護駕
重溫|殼王那些年的愛將 葉璇波壓股磨再返酒店 郭羨妮升呢拍戲有4大保鑣護駕

2020-11-17    

雖然「殼王」陳國強的無綫揸fit人身份已是過去式,但他在位時所欽點的「愛將」甚多,近年的「愛將」大家...

ic_play 月初肺腺癌離世|肥媽為摯愛Rick設靈 平底鑊花牌為亡夫煮好餸:好唔捨得佢
月初肺腺癌離世|肥媽為摯愛Rick設靈 平底鑊花牌為亡夫煮好餸:好唔捨得佢

2020-11-17    

66歲肥媽(Maria Cordero)葡籍丈夫施曉洋(Rick), 與肥媽結婚21年,三年前Ric...

公眾錯摸|王喜專欄
公眾錯摸|王喜專欄

2020-11-17    

翻查維基百科後,確認不曾在那個機構裡交過手,無仇無怨,無情無義,所以,放心寫這則《公眾錯摸胡定欣》。...

孭70磅重裝焗到頭暈|劉青雲愛做拆彈專家玩「詐彈」:做消防員辛苦好多
孭70磅重裝焗到頭暈|劉青雲愛做拆彈專家玩「詐彈」:做消防員辛苦好多

2020-11-17    

自02年《嚦咕嚦咕新年財》後,劉青雲與劉德華相隔18年,於《拆彈專家2》中再合作。 ...

白只蝦頭演山賊名妓|鄧智堅為疫情一改舞台劇本:更多諷刺意味
白只蝦頭演山賊名妓|鄧智堅為疫情一改舞台劇本:更多諷刺意味

2020-11-17    

因為武漢肺炎,過去大半年全港所有公開表演場地,需要完全封閉,幸好近期疫情逐步退卻,入座率...

moreimage 《KING KONG》首位亞洲封面人物|何超儀化身AI人工智能 破格造型拍足20個鐘
《KING KONG》首位亞洲封面人物|何超儀化身AI人工智能 破格造型拍足20個鐘

2020-11-18    

moreimage 47歲Purple姐姐李紫昕|曾被揭疑刻薄印傭瞓馬桶上 今獲頒2020全球華人傑出青年
47歲Purple姐姐李紫昕|曾被揭疑刻薄印傭瞓馬桶上 今獲頒2020全球華人傑出青年

2020-11-18    

秋天的童話|抽水Ian
秋天的童話|抽水Ian

2020-11-18    

ic_play 《娛樂大叔》阮德鏘|亞姐冠軍蔡小蝶爆拒簽港姐約原因太苛刻 亞軍何雙妍被指做選美「間諜」
《娛樂大叔》阮德鏘|亞姐冠軍蔡小蝶爆拒簽港姐約原因太苛刻 亞軍何雙妍被指做選美「間諜」

2020-11-18    

28年前中國駐英大使館人員變節失蹤 掀中共間諜滲透香港疑雲|雲海
28年前中國駐英大使館人員變節失蹤 掀中共間諜滲透香港疑雲|雲海

2020-11-18    

食藥要點|麥偉基
食藥要點|麥偉基

2020-11-18    

《愛回家》高佬Tyson|謝可逸背女友謝文欣偷食失婚人妻 疑有餡欲奉子成婚遭家人反對
《愛回家》高佬Tyson|謝可逸背女友謝文欣偷食失婚人妻 疑有餡欲奉子成婚遭家人反對

2020-11-18    

moreimage 吾港戲|黃片要懲罰 香港人爭氣 (尹學仁)
吾港戲|黃片要懲罰 香港人爭氣 (尹學仁)

2020-11-18    

壹週和你股|農夫山泉:水中的Tesla|譚朗蔚
壹週和你股|農夫山泉:水中的Tesla|譚朗蔚

2020-11-18    

ic_play 移居英國想慳稅|處理時機好重要 英國會計師:居英18個月後才處理已太遲
移居英國想慳稅|處理時機好重要 英國會計師:居英18個月後才處理已太遲

2020-11-18    

武肺高危患者|中大聯同全球糖尿病權威 世界糖尿病日發布「控糖」新指引
武肺高危患者|中大聯同全球糖尿病權威 世界糖尿病日發布「控糖」新指引

2020-11-18    

ic_play 淪落二手拍賣網|泰林彌敦道巨鋪6億變3億 魔咒一鋪纏三代
淪落二手拍賣網|泰林彌敦道巨鋪6億變3億 魔咒一鋪纏三代

2020-11-18    

moreimage 有前夫林曉峰外甥撐|離婚康子妮為供兩子出國 拚命工作二度獲業績奬
有前夫林曉峰外甥撐|離婚康子妮為供兩子出國 拚命工作二度獲業績奬

2020-11-18    

ic_play 雨夜屠夫林過雲|囚石壁監獄37年屢傳放監 殺人狂最新片段曝光
雨夜屠夫林過雲|囚石壁監獄37年屢傳放監 殺人狂最新片段曝光

2020-11-18    

由香港過渡到英國  搵工必修篇|壹齊分享網上直播講座
由香港過渡到英國 搵工必修篇|壹齊分享網上直播講座

2020-11-17    

moreimage 重溫|殼王那些年的愛將 葉璇波壓股磨再返酒店 郭羨妮升呢拍戲有4大保鑣護駕
重溫|殼王那些年的愛將 葉璇波壓股磨再返酒店 郭羨妮升呢拍戲有4大保鑣護駕

2020-11-17    

ic_play 月初肺腺癌離世|肥媽為摯愛Rick設靈 平底鑊花牌為亡夫煮好餸:好唔捨得佢
月初肺腺癌離世|肥媽為摯愛Rick設靈 平底鑊花牌為亡夫煮好餸:好唔捨得佢

2020-11-17    

公眾錯摸|王喜專欄
公眾錯摸|王喜專欄

2020-11-17    

孭70磅重裝焗到頭暈|劉青雲愛做拆彈專家玩「詐彈」:做消防員辛苦好多
孭70磅重裝焗到頭暈|劉青雲愛做拆彈專家玩「詐彈」:做消防員辛苦好多

2020-11-17    

白只蝦頭演山賊名妓|鄧智堅為疫情一改舞台劇本:更多諷刺意味
白只蝦頭演山賊名妓|鄧智堅為疫情一改舞台劇本:更多諷刺意味

2020-11-17