• 孭70磅重裝焗到頭暈|劉青雲愛做拆彈專家玩「詐彈」:做消防員辛苦好多

  • 發布日期:2020-11-17 16:07
  • 孭70磅重裝焗到頭暈|劉青雲愛做拆彈專家玩「詐彈」:做消防員辛苦好多

 

自02年《嚦咕嚦咕新年財》後,劉青雲與劉德華相隔18年,於《拆彈專家2》中再合作。

身為拆彈專家的青雲,每次穿戲服也要多人服侍,青雲指整套「拆彈專家裝」重達70磅,比消防員裝備更重,雖曾在電影《十萬火急》中飾演消防員,但他卻認為「拆彈專家」較易做,他說:「消防員嘅制服唔重,只係個氧氣筒重,但如果加埋拍攝過程,就應該演消防員辛苦啲,畢竟拆彈專家唔使周圍跑、上落樓梯,但演消防員就要跑來跑去,體能上付出較多。」青雲笑言拍戲時所用的是假炸彈,一定不會爆炸。

雖然青雲表示較愛做「拆彈專家」,不過第一日身穿「拆彈裝」,完成拍攝後除下頭盔時,可能仍未習慣的關係,青雲笑稱「焗到頭暈」。

兩大影帝在18年後相遇,默契依然不減,青雲指有不少「男人話題」,他說:「除了美容及車經,我哋都好多唔同話題,不過傾得最多就係劇情,因為故事比較複雜,好多爆炸同動作場面,所以大家會交流多啲,想令到電影出來嘅效果更好!」

「拆彈專家裝」重達70磅,每次穿上都要多人服侍。
「拆彈專家裝」重達70磅,每次穿上都要多人服侍。
劉青雲指扮演消防員較為辛苦,因經常要穿著全套消防員裝束上落樓梯。
劉青雲指扮演消防員較為辛苦,因經常要穿著全套消防員裝束上落樓梯。
兩大影帝劉德華與劉青雲,相隔18年後再度合作。
兩大影帝劉德華與劉青雲,相隔18年後再度合作。
----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所