• 白只蝦頭演山賊名妓|鄧智堅為疫情一改舞台劇本:更多諷刺意味

  • 發布日期:2020-11-17 14:55
  • 白只蝦頭演山賊名妓|鄧智堅為疫情一改舞台劇本:更多諷刺意味

 


因為武漢肺炎,過去大半年全港所有公開表演場地,需要完全封閉,幸好近期疫情逐步退卻,入座率獲得放寬之時,亦「放生」不少業內台前幕後工作人員。

對於鄧智堅(Eric)來說,眼見各大小表演一個接一個延期,甚至取消,的確百般滋味在心頭。由他執導、編劇兼主演的舞台劇《妓寨英雄宴》,明年一月正式公演,重回久別重逢的舞台劇場,Eric表示心情是「又驚又要做」,他說:「今次壓力可以講係最大,唔想有咩差池,以前落實工作之後,就會一口氣去衝,但係依家個環境有太多變數。」

Eric指《妓寨英雄宴》的劇本,其實早在8年前已經完成,時至今日,也因應社會環境而改動,尤其加入不少諷刺意味,他說:「見到今年好多裁員同埋停薪留職嘅新聞,而套劇個主題係講搵食,所以都有唔少改動。」Eric透露相比「原著」,四成劇本內容都曾經改動。


面對演藝圈近大半年的停擺,Eric的心態亦有所改變,並報讀健身課程,他說:「想充實自己,唔係想要練大隻,只係想更注重健康同埋飲食。」

劇中另一演員楊思敏(蝦頭),今次在劇中分演多個女性角色,她最希望是觀眾「認唔到佢」,她又指已經一年多未有「登台」,她說:「對上一套舞台劇已經係19年頭嘅《短暫的婚姻》,本來預計今年1月重演,點知延期到6月,最後仲取消埋。」,蝦頭指今次再有舞台劇演出,以感恩形容,她說:「會積極啲去諗,戲都會照排,就算真係有第四波(疫情),都可以轉online做。」

在劇中飾演落難山賊的白只,自言愛上做喜劇,他說:「過去無論電影定舞台劇,角色都比較沉重,今次做喜劇,每次返去排戲都好開心。」他指今年原定有不少舞台劇,但現時已改期在明年上半年。

一年時間未有做舞台劇的他,更以「餓」來形容,他說:「舞台劇即講即時反應,每晚觀眾都唔同,所以坦白講都有少少驚,但係又好興奮。」白只指在疫情期間,大多數時間留在家中,他續說:「連自己父母屋企都唔敢返,有個好難得嘅休息時間,仲重拾久違咗嘅結他。」

鄧智堅指因為社會環境及疫情,將劇本內容也大幅更改。
鄧智堅指因為社會環境及疫情,將劇本內容也大幅更改。
白只與蝦頭在新劇中分別飾演落難山賊及名妓,蝦頭更一人分演多個不同女性角色。
白只與蝦頭在新劇中分別飾演落難山賊及名妓,蝦頭更一人分演多個不同女性角色。
鄧智堅自編自導自演的《妓寨英雄宴》,定於明年一月公演。
鄧智堅自編自導自演的《妓寨英雄宴》,定於明年一月公演。
----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所