• 富豪表忠|朱玲玲戴「阿婆底」品味降呢 老公羅康瑞借完錢畀特朗普轉做「梁粉」
  • 2020-11-16    

 

62歲的朱玲玲曾經被封「最美麗港姐」,現在已經榮升「最美麗嫲嫲」。一向衣著好有品味的她,今次竟然失手。日前,《壹仔》見到她孖住老公羅康瑞,約了大班朋友開餐。一身casual wear 的朱玲玲,配埋個淡妝,原本都冇乜問題。出事位⋯⋯係個口罩!當日她竟然戴有「阿婆底」之稱的銅芯口罩。即刻另人諗起楊明、曹永廉、莊思敏、仲有⋯⋯林鄭。「最美麗嫲嫲」即時down grade 了!

戴「阿婆底」出巡

因為疫情關係,今年唔少婚禮都要延期,好似羅康瑞個仔、即是朱玲玲繼子羅俊誠,同女友Joyce 原本2月在澳洲舉行婚禮,而家就要無限期押後。兩公婆暫時唔使為阿仔婚禮張羅,日前就孖住去拍拖。平時一向恩愛的羅生羅太,當日行到邊、繑到邊,十足十連體嬰。早前朱玲玲接受訪問時,表示因為疫情暫時冇得打羽毛球,搞到手痕腳痕。運動量少咗,但朱玲玲的身型依然冇變,著住件貼身運動外套襯牛仔褲,依然好弗。不過,當日她就戴住有「阿婆底」之稱的「銅芯口罩」,當堂令「最美麗嫲嫲」扣咗分!
62歲的朱玲玲曾經被封「最美麗港姐」。
62歲的朱玲玲曾經被封「最美麗港姐」。
日前,《壹仔》見到朱玲玲孖住老公羅康瑞行街,二人繑住手,十分恩愛。
日前,《壹仔》見到朱玲玲孖住老公羅康瑞行街,二人繑住手,十分恩愛。
當日朱玲玲就戴住有「阿婆底」之稱的「銅芯口罩」。
當日朱玲玲就戴住有「阿婆底」之稱的「銅芯口罩」。
朱玲玲著住件貼身運動外套襯牛仔褲,身型依然好弗。
朱玲玲著住件貼身運動外套襯牛仔褲,身型依然好弗。

平日甚少失手

一向衣著品味出眾的朱玲玲,平日去親ball 埸,打扮次次高貴大方,就算拍埋比她年輕23 年的新抱郭晶晶,一樣完勝。今次竟然失策,同曹永廉、楊明等「藍星」睇齊,熱捧「阿婆底」,當堂滲出一陣大媽味。當日朱玲玲同羅康瑞一行人,入了一間高級上海菜館開餐。
一向衣著品味出眾的朱玲玲,平日去親ball 埸,次次高貴大方,打扮永冇失手。
一向衣著品味出眾的朱玲玲,平日去親ball 埸,次次高貴大方,打扮永冇失手。
早前出席活動,朱玲玲已經用緊「阿婆底」。
早前出席活動,朱玲玲已經用緊「阿婆底」。

被封頭號「梁粉」

其實有「上海姑爺」之稱的羅康瑞,當年是第一個表態支持「689 」的富豪,更被封頭號「梁粉」。不過,其實羅康瑞亦曾經同特朗普合作,九十年代特朗普瀕臨破產,一個由香港富豪組成的財團出手相助,當中牽頭的富商有鄭家純和羅康瑞,巧合的是,兩人後來都成為「梁粉」。
羅康瑞當年是第一個表態支持「689 」的富豪,曾被封頭號「梁粉」。
羅康瑞當年是第一個表態支持「689 」的富豪,曾被封頭號「梁粉」。

同特朗普交過手

特朗普有求於港人,當時更親赴香港,與鄭家純和羅康瑞商談,並參與二人家庭宴會,成為「family friend」。羅康瑞等富豪承擔了特朗普的相關債務,並達成合作協議,但當羅康瑞和鄭家純決定,把他們與特朗普合作開發的地產項目高價轉手,特朗普反指他們事先沒有諮詢他,入稟向二人索償,官司打足四年後,最終特朗普敗訴。近年講起特朗普,羅康瑞亦坦言:「我和特朗普交過手,知道這位先生不容易對付。」



投資美國有阻滯,羅康瑞專心在大陸吸金,上海「新天地」為他帶來豐厚利潤,同時他亦變身建制派忠粉。而朱玲玲阿仔霍啟剛原本又會代表建制出戰立法會。有建制家庭背景,朱玲玲的取向都唔難估計,政府推出的抗疫產品,又點會唔全力支持?

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所