• 《全民造星》魔樂師被foul即場爆喊崩潰|葉小妍情緒病爆發:唔知自己受壓能力低
  • 2020-11-11    

  • 《全民造星》魔樂師被foul即場爆喊崩潰|葉小妍情緒病爆發:唔知自己受壓能力低

 

新一輯《全民造星III》自開播以來,引起不少話題,昨晚播出的一集,現年31歲、自稱職業是魔樂師的葉小妍(小妍),在表演前突然嗌停錄影,只為表演一個令人「O」嘴的「結他pick」魔術,被節目稱為「創造歷史」。

表演自彈自唱的小妍,賽後被評判之一的卓韻芝狠批:「你唱英文歌,一個英文字妳都咬唔正,妳點解唔聽吓自己唱成點,你唔係淨係唱,你要聽吓自己,你要judge吓自己究竟發生緊咩事先得。」獲得三盞紅燈而未能入圍的小妍,聽完卓韻芝的評語後,即場失聲痛哭,並哀求評判,又唔肯離開舞台,情緒相當失控,最終要花姐嗌停錄影,帶小妍離開錄影廠。網民指小妍「佢係31歲定3歲」、「其實唔得就轉行,可能其他工會適合你」。

小妍接受《壹》仔訪問時,多次以緊張形容當晚表現,並承認當時精神崩潰,她說:「可能因為一時太大打擊,事後都有自我檢討,覺得自己唔夠其他人努力。其實我覺得係輸俾自己嘅緊張,因為真係太緊張。」

她表示評判的批評正確:「自己表現都唔好,因為我都好緊張,所以其實我都覺得佢哋講得啱。」又指自己當時情緒混亂,她說:「當時未諗得通,以為自己好努力,但望到身邊其實好多人都好努力,因為有啲參加咗幾屆都會繼續嚟參加。其實最主要會責怪自己點解表演得咁差,因為彩排時花姐都無特別鬧我,但正式表演時比彩排差好多,因為太緊張。」

其實節目中已提及,小妍在練習時已經「抗壓能力極低」,大會曾建議她退賽,但她仍堅持比賽,小妍解釋:「之前上訓練班嘅時候,即係二汶同Karen嘅課堂時,一直覺得自己好似跟唔上其他同學,因為其他同學都跳唱得好好,所以覺得自己表現得唔好,然後好似跟唔上其他人咁樣,其實心情已經好忐忑,覺得好似無天份,所以已經好唔開心。」

小妍指自參加《全民造星III》以來,因為壓力問題,令她逐漸康復的情緒病再爆發,她說:「其實都有少少影響,因為自己有段時間都唔開心,不過已經慢慢康復。可能自己唔係咁適合比賽,唔係好受到比賽嗰種壓力,我就應該係承受力比較低,唔係好承受到咁大壓力。」事後小妍亦有寄感謝信給花姐,感謝花姐照顧,她又特別感謝另一參賽者Pony(蔡寶欣):「佢特登喺IG留言鼓勵我,好窩心。」

小妍是一位魔樂師,不時在網上上載性感相片。
小妍是一位魔樂師,不時在網上上載性感相片。
表演前小妍突然嗌停,原來為了表演「結他pick」魔術。
表演前小妍突然嗌停,原來為了表演「結他pick」魔術。
當看到三盞紅燈而未能入圍時,小妍情緒開始不穩定。
當看到三盞紅燈而未能入圍時,小妍情緒開始不穩定。
小妍之後更爆喊,並且不肯離場。
小妍之後更爆喊,並且不肯離場。
最後花姐嗌停節目錄影,並帶小妍離開錄影廠。
最後花姐嗌停節目錄影,並帶小妍離開錄影廠。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所