• 全城緊貼|家傭日日炮製粥水白方包
    張敬軒面青青開工:覺得自己見暈!
  • 2020-11-12    

 

張敬軒上月聘請了一名新工人「遮遮」,每日為他準備一份「精彩」的早餐,成為網民熱話。連日來「遮遮」的菜式,有腐乳白粥、炭燒牛角包、青菜雲吞麵、青瓜配白粥等等,日日新款,其中一片白方包,更是「遮遮」每日的堅持!



食完「遮遮」的豐富早餐,日前《壹仔》見到軒仔去開工,精神都唔錯,只是面色比較蒼白。近日積極備戰演唱會的他,當日為新歌拍MV 。日日麵包粥水,軒仔都話食到差點斷電,好彩當日拍攝過程比較靜態,只是行行企企,chok 下樣,話咁快收工。不過,月尾6場個唱即將開鑼,軒仔真係要保重身體呀!

霆鋒出手拯救

軒仔日前在ig 透露,新聘的「遮遮」以往專門照顧獨居老人,不過全部都已經過身,難怪她煮得一手清淡的菜式。其實唔少網民發現軒仔的狀況後,都深表同情,當中包括老友謝霆鋒,霆鋒更乘機宣傳一下新產品「鋒味粒粒臘腸」,更貼心拍了一段短片,親自示範用微波爐翻熱。可惜,「遮遮」一出手,就將臘腸煮燶,變成了「暗黑系列早餐」。連軒仔都話嚇到幾乎停止心跳。
軒仔日前在IG 透露,新聘的「遮遮」以往專門照顧獨居老人。
軒仔日前在IG 透露,新聘的「遮遮」以往專門照顧獨居老人。

日日食粥水

「遮遮」發現了軒仔經常在ig 「表掦」後,更同軒仔講會更加「take care of you」,十分搞笑。因為軒仔曾經批評「遮遮」煮的白粥有點杰,所以「遮遮」就將4 碗水煲埋一碗,變成了「粥勁稀」。粥水一日稀過一日,兼且最近連晚餐都只是食粥,搞到軒仔都話「覺得自己見暈」。
每日一片白方包,是「遮遮」每日的堅持。
每日一片白方包,是「遮遮」每日的堅持。
近日軒仔連晚餐都只是食粥水。
近日軒仔連晚餐都只是食粥水。

7人團隊服待開工

日前《壹仔》見軒仔一早開工,明顯有點面青青。雖然化妝師落力幫他補妝,但配埋一身米白色打扮,就更覺面色蒼白。當日拍攝過程比較靜態,現場所見,軒仔主要行行企企,chok 住擺pose 。雖然好輕鬆,但話晒軒仔都係英皇最賺錢的男歌手,助手、加埋髮型師、化妝師,一共7 人團隊服侍,好大陣仗。事後軒仔表示開工當日,一直有途人問他吃了什麼早餐,仲話多謝大家關心喎!
日前軒仔開工拍MV,明顯有點面青青。
日前軒仔開工拍MV,明顯有點面青青。
現場所見,軒仔主要行行企企,chok住擺pose。
現場所見,軒仔主要行行企企,chok住擺pose。
拍攝MV的導演,外貌有點像軒仔的緋聞情人關智斌。
拍攝MV的導演,外貌有點像軒仔的緋聞情人關智斌。
當日有助手、髮型師、化妝師,一共7 人團隊服侍軒仔,好大陣仗。
當日有助手、髮型師、化妝師,一共7 人團隊服侍軒仔,好大陣仗。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所