• 壹週和你股|里健要破頂,南航再出發|譚朗蔚
  • 2020-11-09    

  • 壹週和你股|里健要破頂,南航再出發|譚朗蔚

 

拜登當選,全世界都歡天喜地,尤其是中港股市,恒指上個禮拜升千六點依然有餘未盡,今日又高開高走,進一步迫近七月份的高位。我在過去一直為大家加持,上月初說「內銀肯郁,恒指好難跌」;到上月底,恒指有日大陰跌500點,說「科技股未轉勢」;到上星期,又說「人民幣完全反映拜登上台會唔打貿易戰」。你們才都hold到今時今日,都無畏高離場。

今日市升,其實都唔洗我推,甚麼都自然升了。只是想同大家跟進返兩隻領軍股的走勢:一隻是阿里健康(241),一隻是南航(1055)前者我是在集團發放盈喜時推的,原因就是會發盈喜。到股份發盈喜之後無「爆升」,大家就覺得流、想走,然後我話盈喜已經可以證明集團的基本因素有保證,一個月內有盈喜護體,又點會跌?我仲繼續堅持各位持有到本月底。

業績將會在11月25日出爐,今日是事先炒作?是,又不是。今日的新消息是集團在跨國藥企進博會內同包括諾華、輝瑞、施維雅等,簽訂了戰略合作,泊好碼頭,成件事升級再升級。現在,你應該不會懷疑我在10月21日在本欄寫「一個月內破頂」的真偽吧?股份今日價量齊升,又試打入成交額榜了,且再破前頂位22.30,肯肯定定要破頂見,一於不見不散。

最後講講南航。南航是國內三巨頭入面,唯一可以在第三季已經扭虧為盈的,證明我選股選得好,無他的,因為佢做內陸航班最多,最不受歐美的疫情持續所影響。我在低位沽澳博(880)都唔沽佢,都算對得住大家。近日,大家紛紛都倒賺了,而股價的圖表越來越靚,還剛收復埋兩個月以來的三底、雙頸線,企穩4.50重新買入又得,有貨就keep,目標睇5蚊。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

【圖太郎圖表秘笈課程 發掘出蠃錢機會】圖太郎| 網上直播講座

立即了解更多

----------------------------

【英國BNO 5+1 教育篇】報讀英國小學部署 | 任你問Q&A | 陳思銘壹齊分享網上直播 立即了解更多

----------------------------

《噴火30年壹驚艷 性感女星典藏集》特刊現已出版,各大書報攤及便利店有售,每本港幣九十八元正。

當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

了解更多

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------