• 空姐變當紅YouTuber|阿Tsar航空界奇女子 李若彤曾是上司 評下屬譚小環:佢轉數快口才好
  • 2020-11-07    

  • 空姐變當紅YouTuber|阿Tsar航空界奇女子 李若彤曾是上司 評下屬譚小環:佢轉數快口才好

 

曾是航空精英跳級升職


前國泰空姐變當紅YouTuber的阿Tsar,轉數位口才佳,在航空界可謂是奇女子。過往她公司的空姐升職要論資排輩,但07年制度一改,可跳級躍升,她是八百名員工中,選出跳級升職做fast check的九名精英之一。她從不埋堆,當日能跳升成機艙經理,一度成為行內佳話。

「我由junior開始已經唔鍾意埋堆、擦鞋,放工後就鍾意自己一個人周圍去。所以其他人會覺得好奇怪,點解你又唔埋堆,都可以跳級升職做fast check,其他人覺得好出奇。」



有料之人,打壓不住。擁有工商管理學士及客務管理碩士的阿Tsar曾被上司篤住鼻奚落。「年輕時入行無耐,無跟老總出去食飯,應酬一班同事,喺外站上飛機返香港嗰一程,對方指住我個鼻講,唔好以為放工後就真係放工。雖然有為此唔開心同委屈,不過我同自己講,我仍然唔鍾意同你哋一齊,最多日後再勤力啲,如果我唔鍾意的話就唔會應酬。」

上司李若彤愛情至上

辦公室政治,無處不在。「香港嘅辦公室文化,好多人學做人,但唔係太識得做事。不過我就唔係太花時間喺做人方面。咩叫擦鞋!如果你真心對人好,其實等如呼吸空氣一樣咁平常,呢個就係我做人態度。根本唔覺得係件難事。」

圈中不少女藝人當過空姐,「仙氣小龍女」李若彤曾是她上司,前港姐譚小環則是下屬,與阿Tsar共事過。

「與李若彤一齊飛過,我諗一至兩次左右,當年佢係我嘅senior。我諗佢係一個幾愛情至上嘅人,當年見到佢同男朋友拍拖,畀我感覺係好為愛情而活。但實際上係咪咁樣我就唔知道,因為大家唔係好熟嘅朋友。」
 入娛圈前,李若彤是空姐,曾當阿Tsar的上司。
入娛圈前,李若彤是空姐,曾當阿Tsar的上司。
 在阿Tsar心目中,李若彤愛情至上。入娛圈後她憑仙氣演「小龍女」,成為經典。
在阿Tsar心目中,李若彤愛情至上。入娛圈後她憑仙氣演「小龍女」,成為經典。

讚下屬譚小環話頭醒尾

至於譚小環,她說當年做新丁已經話頭醒尾。「佢以前係我嘅junior,我覺得佢好smart,非常醒目,係適合做生意嘅,轉數好快、口才好好,不過又唔會令人覺得好滑頭。」問返譚小環,她說當年任職空姐日子短暫,但印象中阿Tsar是位細心上司。
 曾是國泰空姐的譚小環,跟過阿Tsar飛幾班機,對於這位下屬,她太讚當時的新丁小環轉數快,早是從商材料。
曾是國泰空姐的譚小環,跟過阿Tsar飛幾班機,對於這位下屬,她太讚當時的新丁小環轉數快,早是從商材料。
 當年小環是阿Tsar眼中的smart空姐,如今她與老公拍住上從商,由賣魚蛋在飲食界「嚮朵」,到開埋茶餐廳。
當年小環是阿Tsar眼中的smart空姐,如今她與老公拍住上從商,由賣魚蛋在飲食界「嚮朵」,到開埋茶餐廳。

空中生涯化危為機

曾是空姐中的精英,必有其能幹。航空生涯,其中一次的挑戰,是守經濟艙的一位下屬不慎把一壺熱燙燙的咖啡,倒在小朋友乘客的大腿,女孩父母勃然大怒要追究,她沉著應付,轉危為機。

阿Tsar:「對方父母好嬲,然後我好冷靜咁同佢(下屬)講,叫佢放心,我攞少少嘢就過嚟,叫佢做番自己工作,因為當時佢哋正提供緊服務。我去廚房攞咗啲燙傷膏、手套同棉花,去到經濟客艙時首先見到爸爸,而唔係傷者。對方爸爸話自己係律師,從來無諗過第一日假期,就喺飛機上畀人用咖啡淋到個女,一定會控告你哋公司。我同佢講,而家唔係怪責邊個嘅時候,麻煩你借過少少,而家要第一時間同小朋友做急救。」



小女孩坐在洗手間大哭不停,她跟坐在隔籬的媽媽說:「而家要幫佢做急救。之後佢問我手上嘅係咩嘢?我話呢啲係經過機管局批准,同埋我哋每一年都要考試,先可以進行合資格嘅急救程序,請你而家即刻盡快畀我幫佢做急救。佢媽媽冇出聲,我先等佢換咗條褲,否則條褲就會黐住傷口,之後我幫佢清洗傷口,再搽藥膏同包紮。」之後為女孩安排調到窗口一排位置,「個女仔唔舒服,我想佢可以瞓低,而媽媽坐喺佢旁邊,佢可以瞓喺媽媽大腿。」



女孩父母仍未罷休,說會控告航空公司,她繼續冷靜處理。「我話完成手頭工作之後,就會再嚟同佢傾偈。同時會寫番一個詳細報告,將所有事實報告畀公司,叫佢可以放心。我做完急救之後,就通知機長發生呢件事,再用電報通知地勤,簡短匯報發生咗咩事,又安排輪椅,等呢一家人落機後帶女兒去機場診所睇醫生。

另外我希望公司可以安排交通工具,接送佢哋去酒店。我每隔一個鐘就去關心同觀察對方,至於畀咖啡淋污糟嗰條褲,可能對方想要番,所以我喺頭等艙廁所用梘液洗走啲咖啡漬,再用衫架晾喺頭等艙,等到乾咗就還番畀佢。之後接通醫療團隊電話,佢哋話我所做嘅急救程序全都正確,只要一直監察住,如果情況轉差先至再聯絡。

差不多三、四個鐘之後,小妹妹已經無再痛。落機嘅時候,佢媽媽同我講,話知道我哋要做嘅已經做晒,唔該晒。嗰一刻我其實係開心嘅,因為能夠轉危為機,其實作為一位空姐,係應該防止一切意外事情發生。但如果真係控制唔到的話,都要將情況轉危為機。」
 當日成為國泰揀選的精英之一,堅持不埋堆,不擦鞋的Tsar說:「香港嘅辦公室文化,好多人學做人,但唔係太識得做事,我就唔係太花時間喺做人方面。」
當日成為國泰揀選的精英之一,堅持不埋堆,不擦鞋的Tsar說:「香港嘅辦公室文化,好多人學做人,但唔係太識得做事,我就唔係太花時間喺做人方面。」

人生起落處變不驚

工作以外,她人生遇過幾翻高低「氣流」。03年她以$2300呎價買入太古城單位,06年賣出賺了第一桶金,07跳級升職,同時因睇準投機,把那桶金翻來三倍,得意之時,冷不防08年一場雷曼,她說:「我喺一個鐘頭內輸咗一年嘅人工,好在我EQ夠,心想:『既然投資嘅錢都係從股票賺返嚟,唯有畀心機做好份工,仍可生活。』,10年見個市有啲起色,又從股票羸番一半,買咗一個西半山單位自住。」做人如做空姐,起起落落,處變不驚。

她廿多歲開始學風水命理,會這樣看自己人生:「我屬於條命生得麻麻,但憑自己努力,多學習新事物,為自己提升解決能力,到有一日我真正行運時,就能將自己技能發揮所長,改變命運。」如易經名句:飛龍在天,利見大人。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所