• 廿幾度潮著冬裝|腫脹蘇永康頻做body check:我家族有癌症歷史
  • 2020-11-10    

 

53 歲的蘇永康日前為《2020亞洲小姐競選》擔任嘉賓,身形脹爆,嚇親網民。阿公就解釋話因為疫情關係被迫停工,所以變肥。他說:「脹係脹咗嘅!不過,都縮返8、9磅喇!」



日前《壹仔》見他單拖行超市,身型直情吹脹了一個碼。身型突然有轉變,警覺性強的阿公,立即做body check 。他表示:「好全面嘅身體檢查,即係應該要擺入去睇嘅,全部都睇過晒。咁就⋯⋯大步攬過,尚算非常唔錯,身體冇三高。」阿公更自爆原來家族有癌症歷史,父母都先後患過癌症,所以他絕不輕視,頻頻做身體檢查,更表示:「我個仔得3 歲咋!大佬!」

父母先後患癌

其實在去年11 月時,《壹仔》都見過阿公,當時他的體型依然標準。事隔唔夠一年,日前見他在超巿入貨,已經脹了足足一個碼。唔止身型圓潤,連手腳都似有點浮腫。注重身體的阿公不怠慢,頻做身體檢查。「我媽咪有直腸癌,我爸爸都係cancer ,都係膽,同Wilson (錢國偉)差唔多。我有cancer history ,我係check 得幾緊架!」已經53 歲的阿公,17 年先老來得子,囝囝Jazz 而家先得3 歲,阿公當然要好好管理身體啦!

阿公自爆原來家族有癌症歷史,父親患過癌症。
阿公自爆原來家族有癌症歷史,父親患過癌症。
53 歲的阿公,17 年老來得子,囝囝Jazz 現在3 歲。
53 歲的阿公,17 年老來得子,囝囝Jazz 現在3 歲。
去年11 月時,阿公未開始發脹,體型依然標準。
去年11 月時,阿公未開始發脹,體型依然標準。

襯晒衫行超市

雖然依然未搵出暴脹原因,體型亦冇以前咁弗,不過,一向對衣著好有要求的他,出街依然都好似去fashion show 一樣,連行超市都襯到絕一絕!講到明是「潮人」,阿公當然快人一步,剛剛踏入3秋天,阿公嘅冬裝已經出爐。身上的Sacai外套,正正就是最新的冬裝,價值約$7300 。而他穿著的限量版Timberland x off white ,超搶眼的螢光綠色boots,就大約$6800 ,再披住一大條scarf ,《壹仔》直情覺得去身處平行時空。有「時裝精」之稱的阿公曾經講過,每季可以洗過百萬置裝,咁多年的置裝費,真係夠買幾層豪宅。
日前阿公單拖行超市,已經穿上一身冬裝。
日前阿公單拖行超市,已經穿上一身冬裝。
除下黑超,連面部、雙眼都有點浮腫。
除下黑超,連面部、雙眼都有點浮腫。

豪買高級食材

唔止買衫豪,當日見阿公去超市掃貨,一樣唔貴唔買!首先去買海膽,跟住就㨂新鮮海鮮,最後買埋魚子醬。全部都係高級食材,似乎準備煮西餐。以上呢堆食材唔止貴,仲好高膽固醇,年紀有返咁上下,阿公都係少食啲好!
當日見阿公主力買高級食材,先去買海膽。
當日見阿公主力買高級食材,先去買海膽。
最後更買了魚子醬,似乎準備煮西餐。
最後更買了魚子醬,似乎準備煮西餐。