• 周潤發、吳孟達係同學|盧海鵬三度考藝訓班終獲取錄 行路返工爭取演出機會
  • 2020-11-04    

  • 周潤發、吳孟達係同學|盧海鵬三度考藝訓班終獲取錄 行路返工爭取演出機會

 

78歲資深演員盧海鵬(鵬哥)入行近半個世紀,演活無數角色,出身自藝員訓練班的他,自言從小已對做戲充滿興趣,不過日前他接受苑瓊丹訪問時,自爆曾兩度被藝訓班拒收,他說:「二十七歲落到嚟香港,諗住考訓練班,點知我超齡!到第二年又去試,又係唔收我,第三年都冇晒心機,偏偏有個朋友話我知,呢年收生收到三十五歲,當時我人工都成八百蚊一個月,但成世人鍾意做戲,都係去考多次,最終同周潤發、吳孟達呢班人做同學。當時簽約得五百蚊一個月,畢業仲要自己整件『單吊西』,我係靠四千蚊積蓄捱到畢業。」

為了追夢,入行後的鵬哥收入大減,靠行路返工爭取演出機會,他說:「當年做特約五蚊一集,我咪舉手做囉,因為我個樣惡,專搵呢啲角色畀我做,做得嚟又辛苦又難記,我咪試吓做喜劇演員,大家覺得幾好,咁就轉咗型喇。」

鵬哥笑指自己現時「半退休」,坦言有工開會再度復出:「梗係想做啦,但依家都冇嘢做,唯有退休啦!只要體力、能力做得嘅,都想做㗎,只不過唔可以太大動作嘛。我從來冇攞獎夢,後生時就想攞錢,到後期都幾廿歲,攞到個獎證明呢行對我都有肯定。我咩角色都做過晒,由細到大都鍾意做戲,做到個名出嚟,都可以話係得償所願。」

做過無綫又做過亞視,甚至近年新一代電視台例如奇妙電視及ViuTV,都曾經見過鵬哥身影,對認識多年的苑瓊丹,鵬哥笑言「睇住苑仔大」,又指開心見到對方演技有進步:「我對住啲蠢嘅對手會扯火鬧人,我理得你喊唔喊,總之做戲唔好怕場面,但係女仔我好少鬧嘅,唯有唔出聲囉!對住好朋友我就會講笑嘅,但對住陌生人就唔出聲喇,但係我個樣點樣嬲,大家都係覺得好笑嘅,你話係唔係死火!我有自己主見,啲人可能覺得我固執囉,好唔好相與就睇環境啦!」

鵬哥第三次投考藝訓班終獲取錄,同班同學有周潤發、吳孟達及鄧英敏等人。
鵬哥第三次投考藝訓班終獲取錄,同班同學有周潤發、吳孟達及鄧英敏等人。
鵬哥憑電影《奪命金》,奪得金像獎最佳男配角。
鵬哥憑電影《奪命金》,奪得金像獎最佳男配角。
日前鵬哥接受好友苑瓊丹邀請,擔任節目嘉賓接受訪問。
日前鵬哥接受好友苑瓊丹邀請,擔任節目嘉賓接受訪問。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所