• 三度離合|45歲陳嘉容撇唔甩前度印籍機師 甜蜜餵雪糕斷正:互相支持同關心!
  • 2020-11-05    

 

45歲的名模陳嘉容07 年與髪型師郭子輝(Ricky )離婚。Dry 足5年,12 年同印籍飛機師S先生撻著,當時更經常被人影到當街咀咀,好煙靭!可惜二人拍拖唔夠一年就分手收場,分手年半後又復合,之後唔夠一年又甩拖。17年,兩個又再傳復合。18 年,Eunis 再一次宣布單身。8年之間,足足經歷了三次離合!



最近,又俾《壹仔》發現他們孖住去睇戲,期間一杯雪糕兩份食,S 先生更餵埋入口。事後Eunis接受《壹仔》訪問時,只係用好好朋友形容對方,她表示:「呢個係我一個好好嘅朋友呀!一齊咁耐啦!冇理由咁冷淡嘅!而家係好好嘅朋友囉,因為大家識咗咁耐,都互相支持,關心對方。」睇嚟Eunis對好朋友定義,同一般人好唔同。

前夫藏毒被捕

45 歲的陳嘉容入行足足26 年,是90 年代嘅港產名模,跟她同期的有琦琦、馬詩慧、周汶錡等。同期的一班名模,早已建立一個穩定家庭,成為人母,反而條件好好的Eunis ,情路上依然跌跌碰碰。05 年同拍拖8 年的著名髮型師郭子輝Ricky秘婚。兩年後,Ricky因為藏毒被判感化令,之後又有傳Ricky有小三,最後離婚收場。



經歷過失婚,5年後,Eunis 終於遇到印籍飛機師S先生,經常被拍到又攬又錫,十分黐纏。當時Eunis更表示不排除閃婚,可惜有傳S先生未定性,想轉行做碎碟DJ, 令到Eunis覺得冇安全感,終於分手收場。自此,Eunis同S先生一直糾纏不清,八年裡面,多次離離合合,俾人影到撐枱腳,又齊齊返歸,但18年,Eunis仍是高調宣布單身,重返盛女行列。
45 歲的陳嘉容入行足足26 年,是90 年代嘅港產名模。
45 歲的陳嘉容入行足足26 年,是90 年代嘅港產名模。
05年陳嘉容同著名髮型師郭子輝Ricky秘婚,婚後Ricky因藏毒被判感化令,最後離婚收場。
05年陳嘉容同著名髮型師郭子輝Ricky秘婚,婚後Ricky因藏毒被判感化令,最後離婚收場。
12年陳嘉容同印藉飛機師S先生撻著,當時更經常被人影到當街咀咀。
12年陳嘉容同印藉飛機師S先生撻著,當時更經常被人影到當街咀咀。

不乏追求者

早排Eunis 接受訪問,更自爆自己有人追,不過就試過遇到渣男,搞到差啲做小三。Eunis 表示:「約食飯、睇戲就一定有嘅!我唔知算唔算啱傾架,食飯、了解緊啦!」名模出身的Eunis,已經45歲仍keep得住身材同靚樣,加上有自己嘅事業,身邊追求的異性,當然從不缺。不過身邊老是常出現的,偏偏只有大隻機師!Eunis 更表示已經冇結婚衝動:「我其實一切隨緣,因為我都結過一次啦!所以結婚對我來講唔恨嘅事,咁如果有機會嘅,我當然唔介意,好open 嘅!」

素顏樣省鏡

最近《壹仔》又見到Eunis , 身邊依然是大隻機師。當日二人孖住一齊睇戲,入場之前,先去食雪糕,更買了一杯雪糕兩份食,食到尾聲,S先生索性餵埋入Eunis 口。當日素顏的Eunis 皮膚白白滑滑,唔化妝依然冇乜走樣,的確幾省鏡!睇完戲,二人離開時繼續雞啄唔斷。現場所見,S先生對Eunis十分體貼,雖然Eunis 表示二人暫時未算情侶關係,但似乎仍有發展空間,她說:「唔知呀!上天安排啦!」
最近《壹仔》發現陳嘉容同S先生孖住去睇戲。
最近《壹仔》發現陳嘉容同S先生孖住去睇戲。
二人買了一杯雪糕兩份食。
二人買了一杯雪糕兩份食。
食到尾聲,S先生索性餵埋入Eunis 口。
食到尾聲,S先生索性餵埋入Eunis 口。
睇完戲,二人離開時繼續雞啄唔斷。
睇完戲,二人離開時繼續雞啄唔斷。

子宮有7厘米線瘤

其實近年Eunis 一直受婦科病困擾,子宮先後發現朱古力瘤同線瘤,切除之後又再復發,更有7厘米咁大。她說:「其實都仲喺度架!而家第三次又再生出黎,咁都唔建議再開刀,唯有自己喺其他方面,譬如健康、飲食,全部野再乖啲啦!」



年過40,一個單身女人,獨自面對病情困擾,都想有人關心,有個膊頭讓她依靠。同印籍機師糾纏八年,就算現階段未再度確認對方,但Eunis都總算有位知己陪住!正如她所說,朋友之間互相支持、關心好重要!雖然情人知己,好多局內人都分不清。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所