• 暖男爸爸|李昭南演爆乳骨妹 性感外型招惹狂迷性搔擾:收好多陌生男喘氣片

  • 發布日期:2020-11-03 19:44
    最後更新日期
    :2020-11-03 20:00

 

性感骨妹賺錢爭撫養權

性感骨妹賺錢爭撫養權

ViuTV劇集《暖男爸爸》大受歡迎,除了主角鄭中基、張可頤以及大小暴龍哥外,其他角色都各有捧場客。

當中,李昭南(Mishy)飾演的Nami特別受網民喜愛。原因無他,一個樣靚身材正,衣著更是相當火辣的推拿按摩師,多留意兩眼人之常情。

其實,是次Mishy飾演的Nami,有別於以往單純賣弄性感的角色,有著較立體的人設與故事線,可謂性感與感性並存,甚至有催淚成份。

「大家見到我喺Viu啲劇,一係性感,一係港女收兵呢啲角色,所以今次我接到呢個角色真係好開心,因為Nami一角除咗外型打扮好吸睛之外,佢本身仲好有故事:一個單親媽媽好努力工作,為咗賺多啲錢去打官司,然後爭取撫養權。」

李昭南(Mishy)飾演的Nami,相當性感。
李昭南(Mishy)飾演的Nami,相當性感。
Nami是阿榮(鄭中基飾)的鄰居,任職「骨妹」。
Nami是阿榮(鄭中基飾)的鄰居,任職「骨妹」。
Nami與丈夫離婚,兒子跟丈夫。
Nami與丈夫離婚,兒子跟丈夫。
所以,很多時只能隔著電話與兒子見面。
所以,很多時只能隔著電話與兒子見面。
母子分隔之痛,令Nami努力賺錢打官司爭撫養權。
母子分隔之痛,令Nami努力賺錢打官司爭撫養權。
狂迷性搔擾

狂迷性搔擾

Nami一角,不單只對兒子、小朋友方面的戲份,與其他角色都有交錯,觀眾普遍猜測對手是阿榮(鄭中基飾)或Lantau(強尼飾),甚至希望是鹽花情節。不過,sorry。反倒在現實身活中,Mishy經常受到狂迷性搔擾:

「喺Facebook,啲陌生人嘅message,有次我打開見到有個自言自語嘅人,佢不停問啲色情問題:『你咩cup size?我想對你做啲事!』跟住我發現,喺我無理會佢嘅情況之下,佢已經發咗成年訊息畀我,一開始可能係一星期message一次,之後愈來愈密,最後係一日十幾個message,仲要話:『你喺邊呀?我知你由美國返嚟,我一定會搵到你。』嗰次真係幾驚㗎,因為佢係講得出我以前讀書搭咩車返學、讀邊間學校、幾時去咗美國,佢全部都講得晒出嚟,所以個感覺係好似有人監視咗你十幾年,終於要嚟搵你嘅感覺。其實成日都收到啲陌生男士小便、喘氣片,都幾多。」
為全民造星周身傷

為全民造星周身傷

《暖男爸爸》以外,由昨晚開始播放的《全民造星III》,一樣有Mishy身影。ViuTV自家人參加選秀節目,是輕鬆還是更大壓力?都不是,她說體會同事間的窩心更重要。

「有個同事係睇住我入Viu㗎,佢去年中咗風,隻腳有少少行得唔好,其中一日我綵排完之後,佢拐住腳咁跑過嚟搵我,好肉緊咁講:『你要做好啲呀!』嗰下我覺得好窩心,大家好似比我更加緊張。」

至於《全民造星III》的表演內容,大家都知Mishy多才多藝能歌善樂,所以唱歌方面她決定作些新嘗試,例如一些性感風格的風曲。此外,她更透露會表演從來未做過的事,練得周身傷,叫大家期待!
 李昭南參加《全民造星III》,挑戰性感歌唱環節。(圖為不久後即將面世的MV畫面)
李昭南參加《全民造星III》,挑戰性感歌唱環節。(圖為不久後即將面世的MV畫面)
 為了《全民造星III》,她練得一身傷。
為了《全民造星III》,她練得一身傷。
吳浩康走寶
吳浩康走寶
等等,據聞現年31歲、歌手吳浩康的前度Mishy,其家族經營酒樓生意,是位「千金小姐」,何解要參加那麼辛苦的比賽,甚至把自己弄得五癆七傷?

她說:「我唔覺得自己係千金小姐,返香港咁多年我都係自己租唐樓劏房住,個人嚟講好窮。之前搞model比賽,我都係自己收工搬嘢上唐樓,最怕啲人話女仔一定要人哋幫你攞嘢、拎手袋。我屋企由細教我搵男朋友,唔好揀係唔係都幫女仔拎手袋嘅人。我自己拍拖都係AA,絕對唔會要男朋友大庭廣眾攞手袋之類,男朋友係要嚟尊重,唔係當衣架咁用。」吳浩康又走寶。
----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所