• 吾港戲|最壞時代 最好時代 (尹學仁)
  • 2020-11-04    

  • 吾港戲|最壞時代 最好時代 (尹學仁)

 

 紀錄片《誠惶(不)誠恐,親愛的》,由麥海珊導演,入選今屆南韓釜山電影節 , 11 月 10 號星期二夜場已經滿座,11 月 7 號星期六下晝場仲有兩三成未賣。
紀錄片《誠惶(不)誠恐,親愛的》,由麥海珊導演,入選今屆南韓釜山電影節 , 11 月 10 號星期二夜場已經滿座,11 月 7 號星期六下晝場仲有兩三成未賣。
 《誠惶(不)誠恐,親愛的》,屬紀錄片電影,訪問三個人,全部從事藝術,全部為人父母,都講到香港今日大環境,點面對自己仔女。
《誠惶(不)誠恐,親愛的》,屬紀錄片電影,訪問三個人,全部從事藝術,全部為人父母,都講到香港今日大環境,點面對自己仔女。


專欄開張第一篇,循例多謝約稿,收錢寫稿,我當然有我想法,亦要同雙方諗法近似。欄名叫得「吾港戲」,當然主要想講香港本地電影,大家都希望做返好個市;然後一個月間中有篇講西片或者外國劇,亦好合理。

一般情況,如無意外,專欄逢星期三出街:我只會講上星期上畫新戲,又或者今個星期即將上畫新戲,務求令你想星期五六日去戲院睇場戲,我有推介;除非情況好特殊,否則垃圾片就會避免提及,以免大家中伏。

不過,理想歸你想,現實變空想。上星期竟然零港產片上畫,今個星期似乎亦只有一部楊凡導演動畫《繼園臺七號》,你話香港電影實在死得七七八八?其實《繼園臺七號》,上年威尼斯影展攞最佳劇本,我知道香港觀眾經常睇低香港動畫,到今日仲覺得小朋友先睇卡通,觀念非常落後之餘,到宮崎駿有新片又衝入戲院睇。不過我未決定要講《繼園臺七號》,因為有人覺得導演上年得獎前後發表偏藍言論,想抵制部戲。

事實上,香港今期有好電影。今個月,華語電影最重要獎項,台灣金馬獎即將頒獎,香港就有《手捲煙》以及萬眾期待《狂舞派 3》兩部劇情長片,都攞到幾多提名,不過暫時未知幾時正式上畫。

其次,今屆香港亞洲電影節正在進行中,不過兩部本地劇情片例如《手捲煙》以至《一秒拳王》,已經全部爆滿。反而我想同大家推介一部紀錄片《誠惶(不)誠恐,親愛的》,由麥海珊導演,入選今屆南韓釜山電影節 , 11 月 10 號星期二夜場已經滿座,11 月 7 號星期六下晝場仲有兩三成未賣。

 此片問題亦圍繞兩個關係,恐懼同自由以及恐懼同希望,我覺得第二部份,訪問政治漫畫家黃照達最好睇,而第三個訪問亦好有真實感。
此片問題亦圍繞兩個關係,恐懼同自由以及恐懼同希望,我覺得第二部份,訪問政治漫畫家黃照達最好睇,而第三個訪問亦好有真實感。


同動畫一樣,香港觀眾亦向來普遍歧視紀錄片,不過老老實實,香港社會愈差,紀錄片就只會愈好睇:12 月頭有部紀錄片叫《好好拍電影》,論盡許鞍華導演大半生;三年前紀錄片話題作《地厚天高》,如此這般政治環境之下,11 月 25 號星期六中午,藝術中心亦有場重映,機會難得。

講返《誠惶(不)誠恐,親愛的》,對一般普羅觀眾,頭十分鐘非常難捱,覺得好藝術,其實導演只不過想提供足夠空間令觀眾入局同思考,紀錄片訪問三個人,全部從事藝術,全部為人父母,都講到香港今日大環境,點面對自己仔女,問題亦圍繞兩個關係,恐懼同自由以及恐懼同希望,我覺得第二部份,訪問政治漫畫家黃照達最好睇,而第三個訪問亦好有真實感,我相信本欄讀者應該有好多偏黃中產父母,你睇完會有共鳴,會有感動,會有啟發。

最後,今日專欄提到金馬獎,其實香港仲有紀錄長片《理大圍城》同劇情短片《夜更》攞到提名。我睇過《夜更》,18 分鐘,講一個的士司機政治識條鐵,只識得搵食,一晚接齊黃藍乘客,行勻示威地區(好多偷拍場面,劇組攞命搏),拍得持平而真實,最後一場,中學門外,充滿餘韻。導演郭臻正正《十年》導演之一,我最喜歡劇中一個要點:做人其實,貴乎善良。

想睇?今個周末都有得睇,我特別推薦去睇 11 月 7 號星期六晚一場,因為放映地點位於深水埗太子交界,大南街新蒲點一拳書館。大南街正正近日話題地點,舊區變成文青打卡聖地,有所謂仕紳化。至於書店當戲院?因為放映主辦單位,叫做社區院線,門票價錢到時現場你自己決定,不過要網上留位,詳情參考:

http://www.facebook.com/story.php?story_fbid=1302871750063466&id=301830903500894

大時代之下,疫情將所有未來改變,全部加速發生,睇戲點會只能夠去戲院睇 ,今日仲未做新嘗試?想等到幾時?

作者簡介

行內人會視為行外人,行外人又會視為行內人。做過電影主創,又做過電影媒體,仲做埋電影教育。未天真到相信電影永恆,亦未灰心到認為香港電影玩完。不過一句到尾,身為電影觀眾,曾經叫做電影學生同畢業生,與其要做電影人,倒不如先透過電影學做人,首先要做個好人。
 有份提名金馬獎的港產劇情短片《夜更》,片長18 分鐘,講一個的士司機政治識條鐵,只識得搵食,一晚接齊黃藍乘客,行勻示威地區(好多偷拍場面,劇組攞命搏),拍得持平而真實。
有份提名金馬獎的港產劇情短片《夜更》,片長18 分鐘,講一個的士司機政治識條鐵,只識得搵食,一晚接齊黃藍乘客,行勻示威地區(好多偷拍場面,劇組攞命搏),拍得持平而真實。
 《夜更》
《夜更》
 《夜更》導演郭臻正正《十年》導演之一,我最喜歡劇中一個要點:做人其實,貴乎善良。
《夜更》導演郭臻正正《十年》導演之一,我最喜歡劇中一個要點:做人其實,貴乎善良。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所