• 滯留美國日日操│王梓軒運動量過多變健碩:返香港發現好多衫一著就爆
  • 2020-10-29    

  • 滯留美國日日操│王梓軒運動量過多變健碩:返香港發現好多衫一著就爆

 

王梓軒早前滯留美國,返港後,一班同事為慶祝他歸隊,訂了酒店享受staycation,希望輕輕鬆鬆玩多幾日再搏殺!

在香港變得心情輕鬆,他表示之前不敢外出,只好留在家做gym,由於太多運動量,結果搞到二頭肌十分結實。

「我好耐冇入gym room,之前大半年都係喺屋企做gym,可能少咗交通時間,工作同做gym嘅時間都長咗,運動量大咗,係健碩咗,衣櫃有4份1嘅衫著唔到,一著就爆,唔係手臂爆開就係扣唔埋,好彩啲褲冇事,即是條腰冇粗到。呢度個gym幾好,有晒消毒藥水同紙巾,都覺得安全嘅,同埋咁啱我去嗰陣冇人,更加安心!」他說。

他說早前在加州,一條街有十個人已算很難得。出關兩星期的他,對於人來人往的香港仍未完全適應,梓軒話:「香港人口係比較密集,喺L.A.一部𨋢超過四、五個人就唔會入,香港十幾二十人都會照迫入去,令到我有少少恐懼,但係都習慣咗,我見到大家都好有意識,不停咁搓洗手液、帶口罩,其實返到嚟香港方便啲,因為呢邊疫情冇咁嚴重,當然大家都要謹慎啦!但係嗰邊個感覺就係驚啲嘅,返到嚟係開心嘅。」他說。

至於同事們為他安排的Staycation由朝玩到晚,晚上更安排了豐富的晚餐,他開心之餘又表示:「真係冇諗到有咁多嘢玩,依家飲飽食醉,之後再努力衝刺!」

 在美國期間日日做運動,他的身形愈來愈結實。
在美國期間日日做運動,他的身形愈來愈結實。
經理人公司同事訂酒店替他慶祝回歸。
經理人公司同事訂酒店替他慶祝回歸。
 他說甫入酒店房,已被窗外景色吸引。
他說甫入酒店房,已被窗外景色吸引。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所