• 錢國偉病逝│兄弟錢嘉樂承諾照顧2歲女 老婆陳宛蔚稱Wilson拒打嗎啡: 臨離開前佢仲好清晰
  • 2020-10-27    

 

錢國偉今午因胰臟癌病逝,大約晚上七時左右,老婆陳宛蔚在好友錢嘉樂、黎芷珊、譚玉瑛、湯盈盈和吳家樂等好友陪同下見傳媒,這兩天在醫院不眠不休照顧錢國偉的她,精神略見憔悴,但表現硬淨未有流淚,更多次合十感激大家一直關心Wilson。

「Wilson走得好peaceful,佢好叻係我hero,真係好多朋友錫佢。」她說。

一直在身邊的錢嘉樂隨即補充:「Wilson係一個非常有毅力嘅戰士,差不多兩年前發現呢個病,佢一直未有放棄,佢太太亦都冇放棄,兩個人並肩作戰。」錢嘉樂指Wilson這兩天不舒服入院,正在國內工作的曾志偉、陳小春、謝天華和林曉峰以及趕拍電影的鄭伊健都未能探望,不過在香港的兄弟,都到醫院跟他見面,完成他的心願。

「Wilson好鍾意朋友,好想見返啲朋友,佢人緣好好,呢兩日都有朋友嚟探佢,志偉、小春同阿lo(林曉峰)都不停同我聯絡住,佢哋派我做代表。」錢嘉樂又表示感恩Wilson離開時十分安詳。

陳宛蔚坦言一直以為Wilson會「好番」,不過她指老公好叻:「佢冇打過嗎啡,冇食止痛藥,臨離開前仲好清晰。」

錢嘉樂再讚好友:「佢哋一直都好正面,面對呢個病,唯一牽掛只係囡囡,不過佢可以放心,我哋一班兄弟,有好多uncle同auntie都可以幫佢照顧。雖然囡囡只有2歲,但佢好生性,令到Wilson好放心好安樂。」

Wilson雖然仍有未完成的工作,不過朋友都能夠體諒。

錢嘉樂表示:「Wilson係非常有責任的人,又好鍾意熱鬧同埋創作,佢當時都叫大家畀佢繼續做嘢,咁樣可以唔使亂諗嘢。其實呢兩年,佢都完成咗鄭伊健演唱會,同埋自己一部戲,可想而知佢係一個幾有生命力嘅人。」

對於他跟Wilson同姓錢,雖然被稱呼「阿叔」,不過他澄清兩人沒有親戚關係:「我哋兩個鄉下都係三水,又係姓錢,所以感覺特別親切。」至於身後事安排,則會由生前一班好友幫手處理。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所