• 對陳彥行有感覺|鄧兆尊怕辜負行姐:我唔係一個食嘢唔抹嘴嘅人…我唔係曾先生
  • 2020-10-26    

  • 對陳彥行有感覺|鄧兆尊怕辜負行姐:我唔係一個食嘢唔抹嘴嘅人…我唔係曾先生

 

有正印怕辜負行姐

53歲的鄧兆尊,早在半百之前,已享三女侍一夫的齊人生活,多年來又能把三房照顧妥當,令她們可以坐埋一枱相安無事,齊人之福中,他可謂是奇葩。

雖生性風流,但從不搭上圈中異性,就算在大台打滾那些年,唯一緋聞是拍喜劇《皆大歡喜》時,與同是身材豐滿的對手「行姐」陳彥行傳過緋聞。

問他當年有冇戀過「行姐」,他說:「梗係唔會啦,你諗吓當時我身邊已經有個人(大婆),點會去辜負行姐。我唔係一個食嘢唔抹嘴嘅人,你問我那時候對佢有冇少少感覺?係有啲感覺嘅,但始終入行時應承咗阿爸,我唔可以追圈中人,唔可以同圈中人發生男女關係嘛!其次無理由咁樣去糟蹋一個女仔。」

對行姐之情放在心,沒付諸實行,除因守爸爸承諾,還怕對方不接受做阿二?

「唔係接唔接受,一個衰男人食咗先算,有幾困難,要追求行姐唔難,但做唔做得出就係你嘅道德問題。」

當年跟陳彥行拍《皆大歡喜》日久生情。
當年跟陳彥行拍《皆大歡喜》日久生情。
對「行姐」有感覺,但沒付諸行動追求,其中原因是他身邊已有正印,他說:「唔想辜負行姐。」三女侍一夫,確實不是人人能接受。而大婆Carmen,跟隨兆尊已十多年。
對「行姐」有感覺,但沒付諸行動追求,其中原因是他身邊已有正印,他說:「唔想辜負行姐。」三女侍一夫,確實不是人人能接受。而大婆Carmen,跟隨兆尊已十多年。

不是隨便的男人

含住金匙出世,兆尊一直不乏異性主動埋身,先天條件,絕對可以做「食家」。就算近年一夫配三房,但兆尊仍強調自己不是一個隨便的男人。「我唔係好鍾意同不同女人發生呢啲問題,我唔係曾先生,呢方面唔係我嘅嗜好。」風流但不下流。

曾經與「掌門人」曾志偉多次出埠拍節目,每次均安排跟一眾穿起比堅尼的性感女藝人「埋身肉搏」玩遊戲,不過這些艷福,對兆尊而言是一條紅線。
 昔景常與「掌門人」曾志偉多次出埠拍節目,每次均安排跟一眾穿起比堅尼的性感女藝人「埋身肉搏」玩遊戲,不過這些艷福,對兆尊而言是一條紅線。
昔景常與「掌門人」曾志偉多次出埠拍節目,每次均安排跟一眾穿起比堅尼的性感女藝人「埋身肉搏」玩遊戲,不過這些艷福,對兆尊而言是一條紅線。

物質美女非他杯茶

以下說話,相信為不少網民「釋除」疑問:為何鄧兆尊看上的女人,都是「楊貴妃」件頭!

「身邊每一個女人,都唔係追求物質嘅人。如果要物質上嘅女人,靚過佢哋一百倍嘅我都可以擁有啦!」經他嚴選的三房,是不求膚淺外型,只求內涵質素的「妃子」!

多女埋身當佢水魚

近年身家被傳媒報大咗,引來更多飛來蜢,他說:「現時報導話我身家有十五億,我都唔知從何而來,而家都未搵到。但你諗吓,好多人見到呢啲報導嘅時候,會覺得我係一條水魚,都會即刻埋身,可能會諗:『就算漏少少出嚟都有幾千!』好多人會有呢種想法。」

「你知唔知帶俾我幾多煩惱?啲女人見到我,好似見到啲錢喺面前行過咁樣!尤其是現時市道,大家又無工作,見到水魚嚟到咁!換轉我係一個普通男人,肯定不停試食,開心到痺啦!但我唔鍾意呢啲嘢,我只係覺得煩氣。」有得有唔食,罪大惡極!兆尊「罪名成立」!
身家億億聲的兆尊,有屋有地,這塊位於西貢的地皮,17年曾以四億放售不成,荒廢多時養蚊,更被人闖入打野戰,問兆尊近來是否再放售,他說:「坦白講,我甚少參與呢件事,交咗俾細佬處理。」
身家億億聲的兆尊,有屋有地,這塊位於西貢的地皮,17年曾以四億放售不成,荒廢多時養蚊,更被人闖入打野戰,問兆尊近來是否再放售,他說:「坦白講,我甚少參與呢件事,交咗俾細佬處理。」
至於母親祥嫂位於元朗的故居「永祥苑」,大宅連花園及泳池面積達三萬呎,他亦按照祥嫂遺願,將她的骨灰安放在大宅花園。「間屋留畀佢啲孫。」兆尊說。
至於母親祥嫂位於元朗的故居「永祥苑」,大宅連花園及泳池面積達三萬呎,他亦按照祥嫂遺願,將她的骨灰安放在大宅花園。「間屋留畀佢啲孫。」兆尊說。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所