• 逆市生存之道|31歲青年擁4店 全靠租死場 疫下新店殺價五折承租
  • 2020-10-24    

 

本港今年7月至9月失業率達6.4%,創16年新高,失業人數約26萬。旺區空舖湧現,本身擁有三間食肆的港人Sean覤準時機,殺價五成,在昔日是自由行專區的土瓜灣承租商場舖經營日式料理,「趁大集團縮,我就上!」

殺價五折租新商場舖

新店位於土瓜灣一個私人屋苑商場,在五月敲定承租,受疫情影響,市道低迷,「業主應該搵咗好多人都租唔出,本身開價已經好進取,我試講價再平一半,點知佢都肯」,於是三店之主的Sean再殺入商場「博一鋪」。

參考區內面積同約千呎大的食肆租盤,開價由四萬多至六萬不等;Sean殺價後,店租連人工及食材等,每月開支25萬,「9月開張,第一個月蝕8萬,預計10月蝕6萬,如此類推,第五個月可收支平衡。」

屋苑去年初入伙,商場人流不多,連同Sean的餐廳,其所在一樓暫時只有三間店營業。不過Sean卻看中港人愛四出找吃的習慣,對前景樂觀,「就算舖位幾古靈精怪都唔驚」。另廉租亦令Sean有更多預算投放廣告,「搵人試食寫食評,會有幫助。」

Sean另在政府體育場地經營兩間餐廳,並在元朗住宅區開咖啡店。元朗店距大型屋苑商場及西鐵站步程約10分鐘,卻未因此帶來人流,「啲人通常會喺商場食埋嘢,唔會特登行入嚟,所以初時都冇咩人幫襯。」

隨著生意擴充,Sean在店門前看書的時間變得彌足珍貴。
隨著生意擴充,Sean在店門前看書的時間變得彌足珍貴。

小店走入大時代

生意淡靜,反而正中下懷,「冇咩客我先可以同佢哋傾到計」,Sean最難忘有次一對父子光顧,約四五歲兒子不斷說著「卡咩」,Sean一頭霧水,又怕食物不合顧客心水,上網試著拼音搜尋,卻查無此字。大概Sean埋首苦惱的模樣太顯眼,有個女客人搭話,「個男仔講緊日文,係龜嘅意思」,原來客人只是對店內養的龜感興趣,Sean頓時舒一口氣。但故事未完,最教Sean深刻的是店內幾桌客人也湧過來,和那對日裔父子聊天,你一言我一句,霎時店內瀰漫咖啡香也流瀉暖意。

元朗店的前任租客是賣爬蟲類寵物,易手時留下了一隻龜,由Sean繼續飼養。(受訪者提供)
元朗店的前任租客是賣爬蟲類寵物,易手時留下了一隻龜,由Sean繼續飼養。(受訪者提供)

生意漸入佳境,40萬成本用了一年多時間賺回,其後每月毛利平均有七萬。Sean萌起擴張大計,「得我一個就好渺小,但如果好多個我,會唔會終有一日可以抗衡大集團?會唔會有日香港人唔使淨係得大集團嘅工可以打?」

說來容易,落手做時卻艱苦。2017年Sean在九龍灣商業區開外賣店,「我計過數,一日賣百零個飯盒就賺到」,豈料當年颱風當災,打工仔常只返半日工,無緣光顧,熬了一年多,生意始終未見轉機。正當Sean苦尋出路,「我生日當日,收到電話通知我投政府場中標,於是我就將九龍灣盤生意轉手,套現做新店資金。」

只要肯試,總有出路,「我覺得創業又好,其他改變又好,愈後生時去試,成本就愈低,同時都係最有魄力嘅時候,可以夠膽做人哋唔敢嘅嘢」,縱有大集團太子女揚言放棄年輕人,Sean卻依然寄予厚望。

採訪:陳因

攝影:胡堅

剪接:鄧詠瑤

食物除了味道外,賣相亦同樣重要。
食物除了味道外,賣相亦同樣重要。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所