• YouTuber刷存在感歪理抽水|黃秋生稱等收乞兒律師信:冇腦又扮博士
  • 2020-10-23    

  • YouTuber刷存在感歪理抽水|黃秋生稱等收乞兒律師信:冇腦又扮博士

 

《壹》仔早前報導藝人黃秋生搬離舊居,當中黃秋生指現時的香港,已經變得陌生,又認為已經再沒有「暢所欲言」的頒獎禮,其言論卻被一名自稱做「肥仔」的YouTuber「抽水」。



該名YouTuber首先以小學生朗誦語調,重讀相關報導後,直指秋生破壞香港,是「漢奸」及「反中亂港藝人」,應獲頒「反中亂港獎」。期間又多次扮講錯說話,例如指諾貝爾和平獎是「專頒畀發動戰爭嘅人」,出盡奶力的演繹,非常作狀。

秋生日前在其社交平台分享該片段,以「契弟」稱呼該名YouTuber,指他「冇腦又扮博士」,秋生留言說:「喂!漢奸要有兩個條件,一,就係奸,第二,好重要,而且好明顯,就係必須係漢,唔係漢子呀白痴,係漢人呀,你有冇見過西人或日本人係漢奸㗎?搞清楚人哋係乜人先亂X咁屈啦智障。」



之後秋生再發文,質問對方指他如何「破壞香港」,更表示「等收信」:「肥仔,你話我快樂地破壞香港,你唔道歉,等收信啦,我破壞咗啲乜呀?你收過乞兒律師信未?你真係以為虎落平陽呀?而家破壞香港係暴動罪喎你知唔知呀肥仔?」



不少網民為秋生加油外,也佩服秋生的「忍耐力」:「嘩!秋生哥你都好X嘢聽哂佢講乜,我聽咗30秒就熄機,好X悶」、「呢啲X樣永遠都係譁眾取寵刷存在感」。

一名YouTube日前以《壹》仔有關黃秋生的報導,指黃秋生「破壞香港」。
一名YouTube日前以《壹》仔有關黃秋生的報導,指黃秋生「破壞香港」。
秋生在社交平台發文,指暴動罪才是破壞香港。
秋生在社交平台發文,指暴動罪才是破壞香港。

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所