• 衝浪狂飲海水 趙慧珊Aka三角褲晒長腿
  • 2020-10-23    

  • 衝浪狂飲海水 趙慧珊Aka三角褲晒長腿

 


趙慧珊(Aka)推出本年度第二首新歌《Fearless》,歌曲意旨人生路上雖會遇到不少恐懼或憾事,但只要以正確心態面對,學懂擁抱恐懼,將恐懼化作進步的動力。為配合新歌主題,不諳水性的Aka,日前拍攝MV獻出人生的第一次,挑戰恐懼,大玩水上直立板運動,Fit爆的Aka更大派「福利」,以兩件頭泳裝上陣,大晒纖腰及修長美腿,認真吸睛。

Aka首度在熒幕前以泳裝示人,她表示:「第一次嘗試喺海中用直立板玩平衡力,感覺既興奮又緊張,亦係暫時最難忘嘅MV,現場好大浪,淨係攞住直立板落水,都被大浪衝倒好多次,感覺都驚驚地,之後出海考平衡力,都跌咗好多次落海,飲咗好多海水,有一刻在海中,發現自己對腳掂唔到地,真係好驚。」

MV拍攝當天Aka媽媽亦有「監場」,問到媽媽是否不放心她落水拍攝?Aka表示:「細個我試過浸親,所以不熟水性,佢有點擔心我今次拍攝,亦都擔心我會凍親,於是就嚟睇吓,佢煲咗大煲薑茶嚟!」

Aka自言是首度在人前穿三角褲,感覺有點尷尬:「從未試過着泳衣拍MV,第一次着三角褲,第一次咁大膽。」為了以最Fit身型示人,Aka事前做足準備工夫,她謂:「本身有操開(做gym),為了今次MV,事前再操多啲,而且戒食甜品,冇得食我最愛嘅雪糕同乳酪。」

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所