• 大婆二奶詐型偏心|53歲鄧兆尊新三奶係人母 做哎吔老竇養埋三奶子女:身份唔係問題
  • 2020-10-26    

 

安頓三仔乸同住灣仔

53歲的鄧兆尊,幾年來過著三女侍一夫的齊人生活,不知有幾多男人封他做偶像!

而三奶位置,亦從傳說當「骨妹」的Claire,到今年換畫由陳小姐補上。鄧兆尊的女人,曾被網民喻為抵食夾大件!這位新歡外型,亦符合他偏愛身材豐滿的一貫口味。

不過比起幾位鄧氏「3C」(大婆Carmen、二奶Cherry、舊三奶Claire),新歡陳小姐無疑更懂男人心,不單常獨霸兆尊,還令半百的他,感受拍拖的樂趣,二人公然sweet拖手,甚至帶她亮相節目,寵幸超然。

不但如此,新三奶還令兆尊甘做哎吔爹地!雖然他講過唔要留種有下一代,但對三奶愛屋及烏,養埋無血緣關係的仔女!屬單親媽的新三奶,育有一對年約十一、二歲的子女,兆尊把三仔乸生活照顧得妥妥當當,跟其餘兩房一樣,安頓在灣仔區,月租萬多元的住宅。

 跟三奶拍拖,兆尊像回春一樣,會公然親暱,拍拖畫面好sweet。而新阿三跟舊阿三的共通之處,是愛紋身的女人,同在頸後有紋身圖案。
跟三奶拍拖,兆尊像回春一樣,會公然親暱,拍拖畫面好sweet。而新阿三跟舊阿三的共通之處,是愛紋身的女人,同在頸後有紋身圖案。
 數年前本刊爆兆尊三女侍一夫,一拖三的畫面成為熱話,事隔數年,阿三位置換畫,舊三奶Claire成過去式,由同樣身材豐滿的陳小姐補上。
數年前本刊爆兆尊三女侍一夫,一拖三的畫面成為熱話,事隔數年,阿三位置換畫,舊三奶Claire成過去式,由同樣身材豐滿的陳小姐補上。

同三奶子女關係:直情惡劣

早前本刊發現三奶三仔乸外出用膳,一對仔女相當乖巧,到超市掃貨,小兒子會負責「粗重嘢」,幫手攞米。早排疫情嚴重,新歡三仔乸足不出戶,兆尊做人肉外賣,體貼周到。

事後問番鄧兆尊,跟三奶一對子女相處如何,關係是否融洽,他戲言:「直情惡劣,經常都打佢哋,哈哈!」
 新三奶陳小姐是位單親媽,育有一對年約十一、二歲的子女,兆尊愛屋及烏,供養他們,並說:「人性上應該做嘅就會做,所有事情都係盡能力。」
新三奶陳小姐是位單親媽,育有一對年約十一、二歲的子女,兆尊愛屋及烏,供養他們,並說:「人性上應該做嘅就會做,所有事情都係盡能力。」

對待比親生父母更好

係咪幫手供書教學,兆尊咁樣答:「推佢出街乞錢!你問呢啲問題,其實全部都可以幫我回答。事實上的確係咁樣,人性上應該做嘅就會做,所有事情都係盡能力。」雖無血緣關係,但兆尊願花心機與三奶的子女溝通,「其實小朋友係唔會識得分(是否血緣),佢哋只會覺得你係咪關心同畀到愛心佢,你係邊位唔係一個問題,身份唔係問題。有時候啲朋友會覺得,你仲好過佢爸爸或者媽媽,其實要視乎你對嗰個人付出幾多。」

「每一件事我都會真心去做,至於係咪感受到?就算對一隻寵物都好,佢都應該會感受到。」

收埋私生子 兆尊:想我死咩!

他說過,不會跟任何一房生孩子,但意外嘅嘢邊話得埋!萬一發生,兆尊想負責任,原來非他一人話事,必須獲得幾房一致通過批出permit(許可證),先可以做人父。

他說:「原則上呢啲意外可以避免,但萬一出現,要先開下會,你知啦,佢哋每一年嘅想法都會唔同,你要記住女人都係善變。」到底有冇出現過「意外」?「有都收埋唔俾人知啦,跟媽媽姓呀…..講下笑啫,你想我死咩!」
 三奶是否他的最愛,及他風流中的「last」,兆尊這樣答:「要睇我嘅能力!不過覺得自己嘅能力都差唔多去到最後,再無咁多力。」
三奶是否他的最愛,及他風流中的「last」,兆尊這樣答:「要睇我嘅能力!不過覺得自己嘅能力都差唔多去到最後,再無咁多力。」
 萬一女友意外有喜,53歲兆尊想做老竇,原來都要獲幾房開會通過!為免添煩,他說:「呢啲意外係可以避免。」
萬一女友意外有喜,53歲兆尊想做老竇,原來都要獲幾房開會通過!為免添煩,他說:「呢啲意外係可以避免。」

三奶係最後的女人?

面對三個女人,雖然盡量做到公平公正,但他對三奶偏愛,不難從回春的sweet的畫面看穿。問他今趟是否遇上最愛,兆尊說:「係咪周星馳嗰套電影嘅初戀橋段咁:『我要初戀呀!』,呢個世界好多事情,你覺得搵到嘅時候,其他人未必覺得你搵到。」

三奶有冇要求做鄧兆尊最後一個女人,他答得鬼馬:「要睇我嘅能力!不過覺得自己嘅能力都差唔多去到最後,再無咁多力。每個女人都會咁問,但每個男人都會答對方係,呢個係好簡單嘅答案。所有事情都係相輔相承,你畀我嘅感覺係點,我畀番你嘅感覺咪係點樣。」

三奶要求一個肯定

「一門三女」,但早排兆尊只帶三奶亮相苑瓊丹節目,此舉是否應對方要求,給她一個公開的肯定?

他先反問記者:「以你代入陳小姐身份,你會同我講咩嘢?如果你經常同我一齊,會考慮咩嘢,或者緊張咩嘢?(記者:一個肯定!) 我已經俾咗個肯定佢。」
 早前他帶阿三亮相苑瓊丹節目,給對方一個肯定,滿足她的要求。不過此舉當然換來其餘兩房的「質問」。
早前他帶阿三亮相苑瓊丹節目,給對方一個肯定,滿足她的要求。不過此舉當然換來其餘兩房的「質問」。

大婆阿二打翻醋酲

此舉難免令大婆阿二打爛醋酲,詐晒型!「點講好呢?一定會問點解嘅,但我解釋完之後就會無事,因為佢哋知道我為人,做所有事情都一定有原因,就係咁簡單。」但女人總會覺得大細超,至少會問:『點解我冇呢個「厚待」?點解唔揀我?』的問題!兆尊:「你無提出嘛,如果你提出我咪同你去囉,我無話唔做,你出聲嘅話,我都會同你去啦!」
 問他過往為何沒帶大婆及阿二,現身節目訪問,如三奶一樣給予肯定,他亦答得妙:「佢哋都冇提出,有的話我一定做。」過到骨喎!
問他過往為何沒帶大婆及阿二,現身節目訪問,如三奶一樣給予肯定,他亦答得妙:「佢哋都冇提出,有的話我一定做。」過到骨喎!

無私奉獻平息爭寵

兆尊妙語連珠,相信就是億億聲身家以外,可以一拖三兼對他死心塌地的萬有引力。

「口講無用,我從來唔相信口講說話,我無咩優點,剩低嘅就只有少少口齒。你記住一個最簡單、最簡單嘅道理,一個女人其實好難接受到一個男人有幾個女人,每個女人都一樣。除非呢個男人有一啲其他男人無嘅條件,除咗金錢,而佢係覺得值得嘅,先會有呢個情形出現,而我就好僥倖地能夠擁有呢個條件。」

在他的感情世界,得不到專一,但有「無私奉獻」的補償。

「每個女人所要求,其實好簡單,就係一個簡單溫暖嘅屋企,同埋一個關心自己嘅人。好多人講得出做唔到,因為唔識得犧牲自己嘅私人時間、私人嗜好,去做呢件事。」
 那些年的大婆Carmen,曾經幾索,與兆尊一起多年,就算面對他一次又一次的風流帳,仍然死心塌地跟隨,也許正如兆尊說:「每個女人所要求,其實好簡單,就係一個溫暖嘅屋企,同埋一個關心自己嘅人,好多人講得出做唔到,但我做到。」
那些年的大婆Carmen,曾經幾索,與兆尊一起多年,就算面對他一次又一次的風流帳,仍然死心塌地跟隨,也許正如兆尊說:「每個女人所要求,其實好簡單,就係一個溫暖嘅屋企,同埋一個關心自己嘅人,好多人講得出做唔到,但我做到。」

齊人之福非其所願

外人眼中,兆尊是三女侍一夫,但查實是一夫侍三女,齊人之福,佢話並非大家所想咁爽呀!

「而家嘅我,並唔係大家所想咁樣,係每個人嘅夢想,夢想要付出代價。如果你問我係咪鍾意咁樣?我其實唔鍾意,但有時候天意難違,自己控制唔到的話都好難講。」

至少會體力透支!「有咩嘢會唔攰?做任何事情都會攰,只係攰之餘係咪覺得值得。」若可再選擇,仍舊享齊人之福嗎?「如果可以再選擇……我都未諗過咁深奧嘅問題!再選擇嘅話,我會做隻貓,每日有得食、有得瞓。」
 兆尊父親已故粵劇名伶新馬師曾,生前也風流,不過兆尊青出於藍,三女侍一夫,照顧妥當,做到融洽相處。
兆尊父親已故粵劇名伶新馬師曾,生前也風流,不過兆尊青出於藍,三女侍一夫,照顧妥當,做到融洽相處。

阿三跟兩房相處

自從限聚令放寬一枱四人後,網民最關心,是兆尊的四人飯局再度實現。問兆尊實行咗未,及新歡能否融入這個大家庭,他說:「點會無呢!實有呢個機會,大家都係自己人,以前已經試過,只係你哋唔知啫!唔通我做所有事情都話畀大家聽咩。至於(新歡)可唔可以融入佢哋,如果唔OK嘅話,呢個人唔會出現。」

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所