• 應采兒生細仔HoHo|陳小春孖大陸節目影到入產房 醫生用染血手術工具畫面照播

  • 發布日期:2020-10-20 18:00

 

武漢肺炎之下,香港歌手陳柏宇、蒙面歌王李克勤都先後大呻零收入,就快「坐吃山空」!

講識撈,佢哋真係唔及得陳小春、應采兒夫婦,連入產房生第二胎都喺大陸真人騷鏡頭下進行,真係要寫個「服」字。

 一家四口拍節目(包括當時肚中未出世的HoHo)。
一家四口拍節目(包括當時肚中未出世的HoHo)。

疫情下,陳小春、應采兒夫婦好積極進取,食住大肚陀B個勢,參與主打懷孕夫婦日常生活嘅大陸真人騷《新生日記2》,換言之繼長子Jasper之後,次子HoHo喺阿媽個肚入面已經拍節目,而且由10月13日《新生日記2》第7集預告得知,應采兒被推入產房一刻依然錄影緊,咪話唔敬業樂業!

《新生日記2》今日播第8集,節目方仍未完整播出應釆兒生產當日嘅拍攝內容,但就唧牙膏咁逐啲逐啲擺喺預告播出。最新預告可見,原來唔只錄影入產房一刻,喺產房生緊仔期間繼續影住,連醫生操作染血手術用具嘅畫面都有,認真誇張。

無計啦,陳小春、應采兒都喺節目講得清楚,指陳小春以前無湊過Jasper錯過咗零到四歲時光,所以應采兒話生第二胎後,陳小春要留喺屋企四年,陳小春即刻答:「Yeah!不用工作四年。」難怪要搏盡影到入產房,賺得就賺。

不過,陳小春留喺屋企湊B應該都幾牙煙,事關應采兒話佢連陪Jasper玩都少,莫講話湊。即使陳小春承諾:「我知道了,會跟他玩。」但應采兒依然唔放心,強調:「你不要玩他喔!跟他玩,不是玩他,懂嗎?」
 大肚婆應采兒在節目中跳舞。
大肚婆應采兒在節目中跳舞。
 準備入產房的應采兒。
準備入產房的應采兒。
 在預告中看到疑似在產房攝得的畫面。
在預告中看到疑似在產房攝得的畫面。
 HoHo。
HoHo。

應該好多人覺得,為拍節目影到入產房,太癲。不過,正所謂「別人笑我太瘋癲,我笑他人看不穿」,話晒武肺疫情下好多人搵朝唔得晚,連陳柏宇、李克勤都呻唔多掂喎!

喺香港嚟講,陳柏宇雖然「隱世」,但算得上係一線歌手,可惜都難逃武肺厄運,直言七八個月無工開,連投資嘅兩間火鍋店都損手離場,加埋一家大細開支,每月要使6位數字,疫情下差唔多燒咗近百萬積蓄。

李克勤日前現身TVB為《善心滿載仁愛堂》演出,話得知陳柏宇苦況後感同身受,自己一樣受武肺影響無乜工作,所以決定年底返大陸搏殺。「年尾都要返內地工作,我個仔話:『吓!可唔可以唔去呀?』以前喺內地工作都係做完即刻返港,而家要去一段比較長嘅時間,話晒隔離加埋都要一個月,所以都無辦法,唯有話畀個仔聽:『唔去你食咩呀?你可唔可以唔開生日會吖?』佢話唔得:『你走啦走啦。』」

喺香港都唔係完全無機嘅,李克勤話不時收到紅館通知有期可開騷,但係「點敢接呀!紅館早喺五六月已經話有九月嘅期,問我要唔要。我好想要,但我用唔到,真係唔知(疫情)幾時完,唯有喺TVB唱住先啦。」
 陳小春湊B(人偶),令應采兒有點擔心。
陳小春湊B(人偶),令應采兒有點擔心。
----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所