• 壹週和你股|炒市不炒股?揀南方A50|譚朗蔚
  • 2020-10-19    

  • 壹週和你股|炒市不炒股?揀南方A50|譚朗蔚

 


今日個市又升!首先,我同大家預測一下後市的可能性走勢先:恆指在9月16日和10月14日都在24800點附近有阻力,你可以當做頸線,然後當你向下一望,9月9日、9月25日和10月15日有三個底。其實,那很有可能是頭肩底即將要形成。後市一旦升穿24800點頸線?閒閒地都睇25700點,那是8月31的頂位。

為什麼我對指數咁有信心?因為很明顯的,眼下所見,近日的市況出現了一個跟過去幾個月「炒股不炒市」截然不同的狀況,就是「炒市不炒股」的行情。郁得到市的內銀、內險、中資金融股在升,其他好幾個曾經強勢的板塊都相繼乏力:物管?火鍋?太陽能?今日很多都跌得好應,有的跌幅達高單位數。

不過,並不是每一個人都想追內銀、內險的。始終困擾行業的因素依然多,大部分股份的走勢仲維持空頭,一個不留神高追了,往後又好似七月咁見頂回落兩三個月,破底再破底。如果你都對這個板塊半信半疑,但是又不想跑輸個市,可以關注南方A50(2822)來一個大包圍,其實佢在今浪行先過個大市:當上證甚至是滬深300指數都未破頂的時候,佢已經先行破頂。玩法是現價買入,目標是2018年的高位18.66,跌穿橫行底16.52止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

【圖太郎圖表秘笈課程 發掘出蠃錢機會】圖太郎| 網上直播講座

立即了解更多

----------------------------

【英國BNO 5+1 教育篇】報讀英國小學部署 | 任你問Q&A | 陳思銘壹齊分享網上直播 立即了解更多

----------------------------

《噴火30年壹驚艷 性感女星典藏集》特刊現已出版,各大書報攤及便利店有售,每本港幣九十八元正。

當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

了解更多

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------