• 【中環人語】騰訊老細馬化騰 獨愛香港後花園
  • 2020-10-15    

 

週末在有「香港後花園 」之稱的西貢行山, 不時聽到行山友眺望大海慨嘆 : 「唉! 你睇香港幾靚 ,如果唔係搞成咁 ,使乜移民走吖?」西貢嘅世界級 行山徑不單止香港人識欣賞, 連「新香港富豪」 都好like 㗎!昨日缺席深圳經濟特區建立40周年大會嘅騰訊老闆馬化騰,今年在全國兩會亦不見其蹤影、舊年亦缺席騰訊年會,傳聞話有「腰疾」,不過聽啲金融佬講,小馬哥條腰骨又唔似咁「赤」喎 ,其實小馬哥在港不時都去戶外鍛煉體格,尤其喜歡相約金融界友好, 到西貢一帶行山,小馬哥出巡之前,先由專業行山人士檢視行山徑、睇下有冇危險、如鬆脱或跣腳嘅石頭,登山前有三、兩名先頭部隊開路,亦有幾名保鏢殿後、全程有行山guide傍住,小馬哥體質唔差,連西貢超高難度嘅蚺蛇尖都征服過,小股東想一睹此科技界首富嘅風采,可能在西貢麥理浩徑二段一帶就有啲機會嘅、正所謂投其所好,在小馬哥嘅帶領下,金融佬都要鍛鍊鍛鍊、如果唔係點跟得上小馬哥再攀高峰?

撰文:宗菁華

----------------------------

《噴火30年壹驚艷 性感女星典藏集》特刊現已出版,各大書報攤、便利店及《壹出版》網店有售,每本港幣九十八元正。

按此購買

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所