• 【壹週和你股】復星醫藥,越走越順|譚朗蔚
  • 2020-10-14    

  • 【壹週和你股】復星醫藥,越走越順|譚朗蔚

 


打完個風返黎,個市繼續做好。雖然恒指半日市暫時未錄得升幅,但是包括騰訊(700)同老二巴巴(9988)都已經接連破頂,特別是前者呀,564蚊之前封到水泥咁實,四頂不破,今日終於都破了,後市有望再展新浪,這樣恒指便有再上的動力了。

個股方面,汽車股獨領風騷,其中今日的表現比較標青的包括長城汽車(2333)、東風(489)同廣汽(2238)。從實務的角度睇,我當然繼續揀長汽,我不嬲都話佢同比亞迪(1211)的走勢好。東風?我對佢炒回A有少少保留啫,又唔係話唔睇好佢的。

至於上日推介的永達(3669)大家無須擔心,是金始終會發光,如果連賣唔到車的車廠都有得升的話,我倒不怕技術上多頭排列,企穩破位,又賣到車的龍頭經銷商會不升反跌。俾少少耐性啦,剛剛上日都有大行發報告幫公司加持,目標價睇13.5元。

就好似先前我同大家推介的復星醫藥(2196)咁,33.3建議買入,後期股份後坐,一樣有人呱呱叫要生要死,當時我話前頂30.6不破無問題,依家股份漸入佳境。對頭人強生隻疫苗瓜左,我們坐收埋漁人之利,AH兩股已經進入直路,目標直上40.7。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

--------------------------------------------------------

【圖太郎圖表秘笈課程 發掘出贏錢機會】圖太郎| 網上直播講座

立即了解更多

----------------------------

【英國BNO 5+1 教育篇】報讀英國小學部署 | 任你問Q&A | 陳思銘壹齊分享網上直播 立即了解更多

----------------------------

《噴火30年壹驚艷 性感女星典藏集》特刊現已出版,各大書報攤及便利店有售,每本港幣九十八元正。

當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

了解更多

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------