• 【為病妻而戰】林子博接減肥真人騷:生活上有點壓力
  • 2020-10-13    

 

一場病,更見證林子博這對共患難的夫妻。

老婆董燕君(Shirley)去年患上罕見癌症第四期,病情反覆,子博耗盡心力及積蓄為老婆醫病,一家人陪伴抗癌路。為好好照顧身邊人,子博能做的就是要令自己有健康的身心。

早前發現有膽固醇及脂肪肝問題的他,接受香港開電視的真人騷〈大叔要變身〉挑戰,在三個月內搣甩20磅肥肉,回到150磅,對子博而言既可重拾健康,又有收入,何樂而不為。

不過埋位減肥,由狂操體能,到嚴守戒零食﹑戒甜﹑戒澱粉質,子博才感受到當中艱辛。這個時刻夫妻互相打氣,拍攝之時,正值老婆因病情反覆,於一個月內二度入院,雖然如此,躺在病床的Shirley仍隔空為老公打氣,反而一對佻皮仔女,向爸爸大潑冷水,唔通呢招係激將法!

節目中,減肥的子博有搞笑亦有感性,他道出促成這次「真人騷」的因由,源於老婆。「因為太太患病要停工,加上自己失業,又遇上世紀疫情影響收入,生活上係有壓力,於是太太搵咗一個導演朋友傾合作。」對方了解他們的狀況,`為他度身訂造一個減肥真人騷,要他來個大變身。

首集尾聲,子博接老婆出院回家,面對當時瘦了一圈的Shirley,子博在節目向她說心聲:「你唔好再擔心自己嘅情況,我之前都同你講過,可能好多人喺年輕時已患病,佢哋好多嘢未做未實現,如未拍拖未結婚,未生小朋友,但你已經做晒,其實我哋已經過咗大半人生,好多嘢不由自己控制,尤其疾病,就唯有喺可以控制嘅範疇內,就係保持開心心情,控制自己情緒,所以唔好擔心太多。有我同一對仔女陪住你走呢條路,我覺得我同你係可以睇住佢哋成家立室,可以抱孫,冇問題嘅!」

節目上週出街,現時仍在拍攝的他已減掉10磅,距離目標只剩一半。而太太,亦在早前網上眾籌下,籌得一筆可應付「免疫細胞治療」的費用,接受另一種方式醫治。

+5

----------------------------

請即預購《噴火30年壹驚艷 性感女星典藏集》特刊,當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星,一一復刻,艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所