• 【福音分享會同鄧萃雯泯恩仇】58歲商天娥信主改脾氣 商人老公最識遷就
  • 2020-10-12    

 

已經58歲的商天娥,於10年等到了遲來的幸福,嫁給燈飾商人李偉誠之後,本身是基督徒的她,老公也跟隨信主及受洗。兩公婆靠住同一信仰,維繫婚姻至今,一直恩愛!

唔介意被叫「肥娥」

趁住疫情放緩,日前娥姐同老公約了大班朋友開餐。要遵守4人限聚令,所以唯有分開3張枱。當日娥姐像主人家一樣,逐張枱坐下跟朋友吹水。確保飯局無冷場,之後又主動提出影大合照,風騒滿場飛。其間她不斷吃煎炸食物、澱粉質,非常好胃口。難怪冇見一排,被封「肥娥」的她身型又發脹了!不過她講過,從不介意被人叫「肥娥」。
58歲的商天娥10年嫁俾燈飾商人李偉誠,結婚10年,一樣咁恩愛。
冇見一排,她的身型又發脹了,不過,娥姐從來唔介意被人叫「肥娥」。
當日娥姐就像主人家一樣,逐張枱去吹下水,風騒滿場飛。

要求大台加人工被拒

今時今日的娥姐性格開朗又健談,完全睇唔出昔日是個不善社交,不愛跟人溝通,以致人際關係麻麻的藝人。性格的缺陷,更令她遇到事業上的挫折。話說在前年一個福音分享會中,娥姐孖住鄧萃雯做嘉賓。當時娥姐自爆早年同大台傾續約加人工時,被大台的經理人寸:「唔明點解連幕後人都話你有問題!」搞到娥姐一怒之下,決定唔再續約,還因此情緒低落,日日匿在家喊。

拍《巾幗》講雯女是非

09年,娥姐同鄧萃雯合作拍《巾幗梟雄》,當時有傳她因為脾氣大,所以引起鄧萃雯不滿。之後大台本打算邀請二人再開拍續集,但就因為雯女唔肯同娥姐再合作,所以要擱置。在福音分享會當晚,娥姐就承認當年曾經聽過有人講雯女是非,她亦有份搭咀,種下嫌隙!但她們如今成為好友,更說:「無論之前講過咩都好,呢一次係我第一次嘅分享會,都係因為雯女而做。」之後娥姐仲當場錫了雯女一啖,隨後二人更笑說是「基督泯恩仇」。除了雯女,娥姐還有其他牙齒印,11年她參演處境劇《結.分@謊情式》時,後期便傳出同對手張家輝,及其他演員不和。由開工或出席宣傳活動,都出現面左左的尷尬場面,不知若干年後,脾氣收歛的娥姐,有否跟劇組上下復和!
09年,娥姐同鄧萃雯合作拍《巾幗梟雄》,曾經傳出不和。

做過一缐花旦


入行37年的娥姐,20歲加入大台訓練班,同班同學有劉嘉玲、劉青雲、曾華倩、吳君如等等,人才濟濟。正式出道後,當時外形清減,屬「瘦娥」的她被力捧做女一。憑住同哥哥合演的《儂本多情》、《鹿鼎記》飾演梁朝偉最靚的老婆「阿珂」,穩坐一缐花旦位置。
憑住同哥哥合演的《儂本多情》,娥姐曾當年曾穩坐一缐花旦位置。

離巢5年重返大台

95 年娥姐曾經過檔亞視,拍過《我和春天有個約會》同《再見豔陽天》等。03 年又重返大台,直至14年,傾續約時因為要求加人工被拒絕,再一次決心離巢,近年娥姐主力做舞台劇。不過地球是圓的,當年同鄧萃雯唔妥都可以一笑泥恩仇,娥姐同大台,都一樣忘記不快,再度合作。離開5年,上年再返tvb拍了新劇《BB大晒》,還不時有老公陪住開工,人際關係唔係強項唔重要,夫妻關係識維繫才最重要。

----------------------------

【圖太郎圖表秘笈課程 發掘出蠃錢機會】圖太郎| 網上直播講座

立即了解更多 ]

-----------------------------

守住新聞自由 和你撐計劃每月$300起撐《壹》仔

按此了解更多

壹呼百應 號召有心人 請香港人睇壹週刊

按此了解更多

-----------------------------

英國移民、升學、就業、買樓生活資訊!

立即加入「走佬去英國 - BNO 5+1 移民資訊研究所

-----------------------------

【《壹週刊》昔日紙本檔案庫】

30年壹仔經典 壹壹重現!